«Маша мен аюды жол ережесімен таныстыру» (практикалық сабақ)

Тақырыбы: «Маша мен аюды жол ережесімен таныстыру»

(практикалық сабақ)

Мақсаты: Балаларға жол ережесін білудің маңызды екенін түсіндіру. Балаларды жолда жүру ережесімен таныстыру, есте сақтауға үйрету. Жол қауіпсіздігін, өз өмірлерін сақтай білуге тәрбиелеу.

Керекті құрал-жабдықтар: Жол белгілері, жаяу жүргінші жолағы, үйлер макеттері, бағдаршам

Барысы:

Тәрбиеші:

Жалғайтын достастырып бар елменен,

Жолдардан тұрады ғой әлем деген

Бүгінгі бізге келген қонақтармен

Ойнымыз басталсыншы сәлемменен- деп мына отырған қонақтар мен амандасайық.

Балалар, сендер жол ережесін білесіңдер ме?

Жолды не реттеп тұрады?

Бағдаршамда неше көз болады?

Қандай атаңдаршы?

Бағдаршамның әр көзі қандай белгі береді?

Балалар, бізге бүгін қонаққа Маша мен аю келді. Біз оларды жол ережесімен таныстырайық

Аю:

Еркін өсіп далада,

Келдім бүгін қалаға

Қиналдым-ау көшеде

Кіргізе алмай санама

Маша: (үй артынан шығады)

Бағдаршамға қараймын

Қараймын мен таңдана

Өшіп жатқан көзінің

Алмай сырын аңғара!

Аю: Сәлем, Маша! Сен жол тәртібін білсің бе?

Маша: Жоқ мен мынау жолдан өте алмай тұрмын!

Аю: Жанып – өшіп тұрған мынау не?

Маша: Не екенін білмедім (иығын көтеріп) Осылай тұра береміз бе?

Жол полициясы: Сәлеметсіңдер ме! Мен Жол полиция қызметкері Мұқамбетқали Темірлан. Сендер қайда барасыңдар? Жолдан өте алмай қиналып тұрсыңдар ма? Жолда жүру тәртібін мен жақсы білемін . Аю мен Маша: Ия

Жол полициясы: Мен сендерді жолда жүру ережесімен таныстырамын.

Мынау бағдаршам.(үш бала шығады) Оның үш көзі болады . Мынау қызыл көзі, ол жанғанда машиналар тоқтайды.Ал мынау сары көзі, ол жанғанда машиналар жүруге дайындалады. Мынау жасыл көзі, ол жанғанда машиналар жүреді. Енді мына жаяу жүргіншілер жолы адамдар осы жолмен келесі бағытқа өте алады. Осы жаяу жүргіншілер жолының қасында мынадай бағдаршамдар болады. Машиналар осы жол белгісіне тоқтап бізге өтуге жол береді. Келесі мына белгілерге назар аударайық (жол белгілерімен таныстыру)

Маша, аю менің айтқандарымды естеріңе сақтадыңдар ма?

Қане маған қайталап көрсетіңдерші?

Маша мен аю жолдың келесі бетіне өту үшін (жол полициясының айтқандарын қайталап көрсетеді)

Жол полициясы: Бәрекелді! Жарайсыңдар!

Жол тәртібін біліңдер!

Аман – есен жүріңдер!

Маша мен аю:

Барар жерге асықпай,

Аман-есен жетейік!

Тәрбиеші: Міне балалар, біз бүгін Маша мен аюға жол ережесі туралы түсінік бердік. Маша мен аю алдағы уақытта осы ережелерді естеріне сақтайды деп ойлаймыз. Жол ережесімен таныстырған жол полиция қызметкеріне де рахмет айтамыз

Бағдаршамға қарайық,

Жол тәртібін сақтайық!- деп осымен практикалық сабағымызды аяқтаймыз.