"Мен ұқыпты баламын" 3 сынып

Мектеп: Бостандық орта жалпы білім беретін мектебі

Тақырып: Мен ұқыпты баламын

Құндылық «Ақиқат», «Сүйіспеншілік»

Қасиеттер: әдепптілік,шынайылық

Мұғалiм: Адиева Салтанат Замирқызы

Сыныбы: 3

Оқушылар саны: 13

Сабақ мақсаты: Мейірімділік, қайырымдылық, ізгілік, таза ниет, адал еңбек.

Міндеттері:

ұқыптылық, жинақылық, әдептілік туралы түсінік беру.
сыпайылылық қарым - қатынастарын дамыту
ұқыптылыққа, жинақылыққа, әдемілікке тәрбиелеу

Ресурстар:(құралдар, мәлiметтер)

Сабақ барысы:

1. Ұйымдастыру кезеңi.

(Оқушылардың сабаққа дайындығын тексеріп аламын)

2. Тыныштық сәтi.(баяу әуен)

«су асты тапшалығына ойша серуен»

Балалар ыңғайланып отырады;
•Қолдарын тізесіне қояды;
•Аяқтарын айқастырмайды;.
•Арқаларын тік ұстайды;
•Жайлы әуен тыңдайды;

3. Үй тапсырмасын тексеру.

№19 сабақ Дәме мәтінінен түсінік айту . М.Гумеров

-Ақылбектің анасы неге ренжіді

-осы оқиғадан кейін Ақылбек ұқыпты бала болама?

- Ақылбек неше жаста

4. Дәйексөз: «Ұқыптының уақытты мол» деген сөзін жазып қояды. Мұзафар.Әлімбаев

Қазақтың біртуар ақыны, сыншы, аудармашы, Ұлы Отан соғысының ардагері Мұзафар Әлімбаев бүгін 89 жаста . Ол – алғашқы Қазақстан әнұранының авторы, балалар әдебиетіне сарқылмас үлес қосқан үлкен тұлға. Ақын 1923 жылдың 29 қазанында Павлодар облысының Шарбақты ауданы, Маралды ауылында дүниеге келген. 

Өмірдерек

Әңгiмелеу (сұхбат)

5. Әдеп (аңыз әңгіме) Т.Қажыбаев

Арман мен Аян қаланың ортасында бес қабатты үйде тұрады. Екеуіде екінші сыныпта оқиды. Бір мектепте оқитындықтан жолдары бір. Бүгін автобусытың алдыңғы орындығына жайғасқан екеуі мектепке келе жатты. Бір аялдамадан соң алдыңғы есіктен қолындағы сөмкесін әзер көтеріп бір әжей кірді.

-Аян әжейдің қасына келіп:

-Әже,мына орынға отырыңыз,-деді. Арман болса қарт адамды көрмегенсіп, автобус терезесінен өрнектеген қырауды саусағымен шимайлап, теріс қараған күйі отыра берді.

Екі аялдамадан кейін әжей орнынан тұрып, түсуге ыңғайланды да сөмкесінен екі алма алып,Аянға ұсынды.

-Мә,қалқам,ала ғой.

-О,не дегеніңіз рақмет, әже!

-алманы орының үшін беріп тұрғаным жоқ. Әдептілігіңе сүйсінген алғысым ғой,- деді әжей Аянға күлімдеп қарап.

Аян мен Арман автобустан түсіп, мектепке бет алды. Аян алманы жеп келе жатып, төңірегіне көлдене қарайды. Арман қолындағы алманы бірер тістегені болмаса, тұтас жеп қоюға қысылып келді.

Талқылау сұрақтары:

-Аян әжейге қандай құрмет көрсетті?

-Әжей Аянға алманы не үшін берді?

-Неге Арман алманы тұтас жеп қоюға қысылады?

Әңгімелеу,сұрақ жауап

6. Шығармашылық жұмыс, топтық жұмыс

Балалар үш топқа бөлінеді. Әр топ ұқыпсыздықтан арылудың жолдары туралы ойланып, ойларын шығарма ретінде жазу немесе сурет салу қағаз бетіне түсіру

Дәптер,қалам, ақ қағаз, түрлі түсті бояу,маркер

7. Топпен ән айту

Біз өмірдің гүліміз

Сөзін жазған: Ә.Дүйсенбаев

Әнін жазған: Б.Ғизатов

Музыка

8. Үй тапсырмасы

20-сабақ «Құмға салған сурет» К.Сегізбай

Мәтінді түсініп оқу

9. Соңғы тыныштық сәтi

Жай әуен мен көзді жұма отырып бүгінгі сабақты үйренген қасиеттерімізді еске түсіріп,көкейлеріңізе түйіп алыңыздар.Балалар біз бүгін әдепті, сыпайы, жинақылық, қарым-қатынастарын үйрендік. Осы қасиеттерімізді күнделікті өмірде қоладынып жүрейік