"Өнер көзі - халықта". Тақырыбы: Ұлттық тағамдар

Ұйымдастырылған оқу іс-әрекеттің технологиялық картасы

Ортаңғы  топ«Бәйтерек»

"Өнер көзі - халықта"

Тақырыбы: Ұлттық тағамдар

Мақсаты: Ұлттық тағамдар жайында түсінік беру. Сүттен жасалатын тағамдармен таныстыру. Мүсіндеу іскерліктерін меңгерту. Құртты мүсіндету арқылы қолдың, саусақтың бұлшық еттерін жетілдіру, қимыл-қозғалыс үйлесімділігін дамыту. Белгілі бір пішінге келтіріп құрт жасау дағдыларын қалыптастыру. Сурет бойынша әңгімелесу арқылы сөздік қорын молайту.

Көрнекіліктер:Мүсіндеуге арналған құрал-жабдықтар.

Сөздік жұмыс:құрт, сөре, ұлттық тағамдар

іс-әрекет кезеңдері	Педагогтің іс-әрекеті	Балалардың іс-әрекеті
Мотивациялық қозғаушылық	Ұлттық тағамдар жайында түсінік беру. Ә. Қастеевтің "Колхоздың сү фермасында"  картинасын көрсетіп, суреттен не көргендері жайында әңгіме құрату."Мынау не ? Сүттен жасалған қандай тағамдарды  білесіңдер. Сөреде жаюлы тұрған аппақ  құрттар. Дәмді. Өздерің осындай құртты жеп көрдіңдер ме?"	Балалар суретті мұқият қарайды. Балалар отбасы мүшелері олардың  іс-әрекеттері, үйдегі тағамдар жайында әңгімелейді.
Ұйымдастыру-іздестіру	Құрттың пішіні қандай? (домалақ, ұзынша т.б.)"- деген сұрақтарды қоя отырып, педагог құртты мүсіндеуге кіріседі. Ол үшін ермексаз бірнеше бөлікке бөлінеді. Бөліп алған бөлшектерді алақан арасына салып домалақтауды, жалпақтауды, саусақтарға салып сығуды көрсетеді. Дайын болған құртты арнайы дайындалған "сөреге" жайып қою ұсынылады. Сергіту сәті: № 256 "Мен ауылға барамын" әнін тыңдата отырып, соған сәйкес ырғақты қимыл қозғалыс жасату.	Балалар ермексазды бірнеше бөлікке бөліп алады, оны домалақтайды,жалпақтайды. Әнді тыңдайды. Сергіту сәтін тәрбиешімен бірге орындайды. Суретті бояйды.
Рефлексивті – түзетушілік	-Бала-р бүгін біз  немен таныстық?  -Дайын жұмыстарға талдау жасау. Сабақты қорытындыла. Мақтау, мадақтау.	Балалар мұқият тыңдап, сұрақтарға жауап береді.

Күтілетін нәтиже:

Нені білу керек:құртты мүсіндету арқылы қолдыңң саусақтың бұлшық еттерінжетілдіреді, қимыл-қозғалыс үйлесімділігін  дамытады.

Қандай түсініктерді игереді:Ұлттық тағам жайында қарапайым түсініктерді игереді.

меңгерген  дағдылары мен іскерліктері: Мүсіндеу іскерліктерін қалыптастыру.