Облыстық ашық сабақ тақырыбы "Көкшенің көрінісі"

Сабақтың тақырыбы: Көкшенің көрінісі.

Сабақтың мақсаты: Жазушы ақын, сазгерлердің шығармаларымен таныса отырып, шығармашылық, ішкі мүмкіндіктерін дамыту.

Сабақтың түрі: кіріктірілген сабақ.  (әдебиеттік оқу, музыка)

Сабақтың әдісі: Сұрақ- жауап, ой қозғау, әңгімелесу, бейнекөріністер көрсету, шығармашылық жұмыс, постерде қорғау, АКТ.

Көрнекі құралдар: топтау сызбасы, интерактивті тақта, кәдімгі тақта, бор, маркер, флипчарт, «Көкшенің көрінісі» бейнетаспа, ямаха, ноталар, үнтаспа, сазгерлердің суреттері,магнитофон, слайдтар.

Сабақтың барысы: 1.Ұйымдастыру кезеңі.

Сазбен амандасу.

-         Сәлеметсіңдер ме, балалар?

-         Сәлеметсіз бе, мұғалім.

-         Сәлеметсіздер ме, қонақтар!

2.топқа бөлу. Жұмбақтас.Оқжетпес.Жеке батыр. Көкшетау. (Суреттер арқылы)

3.Бейне көрініс. «Бурабай»

Әңгімелесу. (Мұғалім сабақ тақырыбы, мақсаты анықтау үшін).

-         Бүгінгі сабағымыздың тақырыбы қандай? Көкшенің көрінісі.

-         Мақсатымыз: Ақын, жазушы, сазгерлердің  шығармаларын оқи

отырып, өзіміздің туған жерімізге сүйіспеншілігімізді шығармашылық жұмыстар арқылы көрсетеміз.

Топ ережесін еске салу, көшбасшысы және топ мүшелері тағайындалады.

Топқа шығармашылық  тапсырма.

1-топ: Жұмбақтас.

I.Жұмбақтас туралы  аңызбен танысады, туған жерге байланысты әкелген суреттердің флипчартқа жабыстырады және де қорғайды.

II «Көкше көрінісі»  Сәбит Мұқанов. Әдебиеттік оқу. Мәтінді іштей жеке оқиды. Топпен мәтінді талқылайды.

2- топ: Оқжетпес.

I. Оқжетпес туралы аңызбен танысады, туған жерге байланысты әкелген суреттерін  флипчартқа жабыстырады және де қорғайды.

II.Сәкен Сейфулиннің Көкшетау поэмасын  мәнерлеп оқып талдау, мазмұндау.Көкшетау өңірінің әншісі Ақан серінің «Сырымбет» әнін тыңдап талдау.

3-топ Жеке батыр.

I. Жеке батыр  туралы аңызбен танысады, туған жерге  байланысты әкелген суреттерін флипчартқа  жабыстырады және де қорғайды:

Жеке батыр- Бұрабай  тауының  солтүстігінде  орналасқан тау. Аңыз бойынша  ертеректе алып күш иесі, арманшыл бір батыр осы өңірде өмір сүріпті. Жас кезінде уайым- қайғы  дегенді елемей өзінше думандатып өмір сүреді. Ер  жетіп халық мұңын көріп, қабағын кірбің шалады. Туған жеріне жоңғарлар мен қалмақ жиі  шапқыншылық жасап отырған. Ауылдардың шаңын  аспанға  көтеріп, астан-кестенін  шығарған жау  әскері төрт- түлік малдары мен қорғансыз  адамдарды  айдап  кетеді. Ал бірімен қалыңдық пен жайылымдыққа  таласып, күнде қырқысып, ауызбірлікке  келмейді. Бұны көрген  жас батыр  бәріне қолын  бір сілтеп, ауылдан кетуді ойлайды. Еркін жүріп байлық  іздегісі  келеді.

«Мүмкін  болса  ауылдастарыма  жақсылық жасасам  сонда  олар тынышталар ма еді деген оймен кетпекші болып,  өзіне болат қылыш пен дулыға, үстіне сауыт соғып бақыт іздеп жолға шығады. Жол үстінде Жеке батырға  басқа ауылдың батырлары кезігеді. Жаумен  бірінші болып  қазақ  батыры жолыға, қалың қолының  алдын  бөгеп, қоршауға алады. Ол жаумен ұзақ  шайқасады. Жау қара масадай  құжынап, шегірткедей  үймелеп, батырдың үстіне  шығып кетеді, батырдың құлағы естімей  қалады. Сонда ғана ол бақыт үшін жалғыз  күресудің қате  екенін түсінеді. Алып тұлғалы батыр әл- дәрмені  құрып, туған даласына шалқасынан  құлап түсіп,  мәңгілік   ұйқыға беріледі. Жеке батыр бетегелі далада тас болып жатыр.

II. Музыка әлемінде. «Жаса, Көкшетау» әнімен танысу. Авторлары туралы мұғалім түсінік береді. Авторлары: Иран Тасқара және Ерлан Ташев.Олардың суреттерін көрсетіп авторлар туралы айтып өту.

«Жаса, Көкшетау» әнін үнтаспаға қосылып айтып үйрету.

4-топ.Көкшетау.

I.Көкшетау  туралы  аңызбен  танысады, туған жерге байланысты  әкелген  суреттерін  флипчартқа  жабыстырады және де қорғайды.

Сыныпта магнитофонда Сәкен Сейфуллиннің «Көкшетау әні» ойналып балалар сол  әнге эссе жазады.

II. Эссе  жазу. «Менің ғажайып  өлкем»  жеке жазады, топта талқылайды. Ең көркем  жазылған  эссені  таңдап, сыныпқа  оқып береді.

Ой- толғау:

Өздерінің  туған  жерге сүйіспеншіліліктеріңді  қалай  білдірер  едіңдер?

Мен өз туған  жерімді  жақсы  көремін, себебі............

Мен өз елімнің  табиғатын  қастерлеймін, өйткені........ (2 топқа беріледі)

Сахналау. «Балалар, егер өсімдік, жан- жануарлар, табиғатпен  тілдесе  алсаңдар, не айтар едіңдер? Олар  саған не айтады деп ойлайсың? Сахналап  көрсетіңдер. (2 топқа  беріледі)

Сахналау  жұмысын  орындау  кезінде балалар табиғаттағы  барлық тіршілік иелерінің де ғажайып ерекшеліктері  болатынына  көз  жеткізеді. Өздерінің  олармен  тілдесе  алатындай елестетіп, олардың адам баласына деген қандай  тілек өтініштері бар екеніне  құлақ түреді. Осылайша  өз бойланынан  өткізіп көру арқылы  табиғатқа  деген жылылық  қамқорлық  сезімдері  арта түседі.

Бағалау: Балалар топ ішінде бірлескен  әрекет етуде бірін- бірі бағалайды, бағалау өлшемдері  жазылған  парақтарды толтырып тапсырды.

Кері байланыс: «Сабақтың аяғындағы менің ойларым.....»

Стикерге жазамыз.

Сазбен қоштасу:

-         Сау болыңдар, балалар!

-         Сау болыңыз мұғалім.

-         Сау болыңыздар қонақтар.

                                                       Ақмола облысы Көкшетау қаласы

                                                       Көкшетау қаласындағы

                                                       №6 мектеп- лицейінің

                                                       бастауыш сынып мұғалімі

                                                       Жанабаева Нұрия Қажымасқызы

                                                       2 деңгейлі жоғарғы санат

                                                       Курманкулова Ажар Танаткановна

                                                        музыка пәнінің мұғалімі

                                                       жоғарғы санат