Оқытуда жаңа технологияны қолданудың тиімділігі

Оқытуда жаңа технологияны қолданудың тиімділігі

Жаңа ғасырдың білікті, білімді, ақыл ойы дамыған азаматын даярлау бүгінгі күннің талабы. Білім беру үрдісінде қолданыс тапқан педагогикалық технологиялар жаңаша сипат алуда. Білікті, білімді, мамандар жаңалықты теориялық жағынан меңгерумен қатар білім беру үрдісіне енгізе отырып, тәжірбие жинақтағанда оң нәтиже беретініне көз жеткізуде.

«Адам ұрпағымен мың жасайды» - дейді халқымыз. Жақсылыққа бастайтын жарық жұлдыз - оқу. «Надан жұрттың күні қараң, келешегі тұман» - деп М.Дулатов айтқандай болашағымыздың тірегі-білімді ұрпақ.

Әрбір күні өзгеріске толы қазіргі жауапты кезеңде замана көшінен қалып қоймай, уақыт талабына сай болу, ертеңгі болашағымыз – жас ұрпақты саналы, білімді азамат етіп тәрбиелеу ұстаздарға зор міндет жүктейді.

Бүгінгі таңда жас ұрпаққа әлемдік ғылым мен прогресс деңгейіне сәйкес білім мен тәрбие беру, оның рухани байлығы мен мәдениетін арттыру-XXI ғасырдың басты міндеті.

Қазіргі заман талабы ғылым мен техниканың деңгейін әрбір оқушығы саналы да терең білімнің берілуін талап етеді.

Мұғалімнің алдына қойылып отырған басты міндеттердің бірі-оқытудың әдіс-тәсілдерін үнемі жетілдіріп отыру қазіргі заманға педагогикалық технологиялардың түрлерін меңгеріп, оқу-тәрбие үрдісінде оқытудың инновациялық әдіс-тәсілдерін пайдалану.

Айқындалған талапқа, мақсатқа жетуде мен «Үшөлшемді әдістемелік жүйе технологиясын қолдану арқылы өз бетінше іздену дағдыларын қалыптастыру,ойлау қабілеттерін дамыту» өзекті мәселесімен жұмыс істеп жүрмін.

Ж.Қараевтың «Оқытудың үш өлшемді әдістемелік жүйесі» технологиясын өз тәжірбиемде қолданып келемін.

ОҮӘЖ технологиясы әрбір ұстаздың сапалы сабақ беруіне мүмкіндік береді.

ОҮӘЖ технологиясының мынадай ерекшеліктері бар.

Біріншіден, дамыта оқу идеясын жүзеге асыруға мүмкіндік береді өйткені: ол оқушының ойлауын, есте сақтауын, ынтасының белсенділігін, дағдысын, білім сапасының дамуын қамтамасыз етеді және оқушылардың сабақ барысында бірнеше деңгейде жұмыс жасай алатындығында.

Екіншіден, күштілер өздерінің қабілеті мен икемділігін одан әрі бекіте туседі де, әлсіздер өзін-өзі сынап қарауға мүмкіндік алып , өзіне деген сенімсіздіктен арылады, оқуға деген ынта артады.

Үшіншіден, бұл оқушылар өз қызметіне сәйкес биіктікке дейін көтерілуіне толық жағдай жасайды.

Сонымен бірге жаңа технологиямен оқыту барысында компьютерлер мен оларды басқарушы алгоритмдер біздің қоғамымыздың маңызды бөлігіне айналды. Олай дейтініміз, бүгінгі таңдағы электрондық оқулықтар, интерактивтің оқушының жаңаша оқытылуын, жаңа оқу әдістерін , жаңа мазмұнды қажет етеді.

Оқушыны деңгейге бөліп оқыту үшін сабақ жаңаша жоспарланады. Өз бетімен жұмысты орындауға бейімділігі бақылауға алынады. Оқушының белсенділігі мен іскерлігі артып, шығармашылыққа ұмтылады. Деңгейлік оқыту барысында біліктілікке жетеді.

Бірнеше деңгей тапсырмалары білімнің минималдық шегі, мемлекеттік стандарт талабына сәйкес бағдарлама мөлшерінен аспайтын, оқушының жас ерекшеліктеріне сай болады.

Екінші деңгей тапсырмалары түрленіп, күрделене түседі, сынып бағдарламасына сай жұмыс істеді. Оқушы өз бетінше ізденеді. Оқушының сөйлеуі,қабылдауы, жазба жұмыстарын орындау көрсеткіштері тілін әрі қарай дамытады.

Үшінші деңгей танымдық іздену (эвристикалық) түріндегі жұмыстарды өз бетімен орындайды.

Төртінші деңгей дарынды,іздемпаз, қабілеті жоғары оқушыға арналады.

 

          Деңгейден деңгейге көшкен сайын тапсырмаларға қойылатын талаптар да артып,күшейіп отырады тапсырма мазмұны біртіндеп күрделене түседі.

          Бұл бір жағынан оқушылар арасында жарысу жағыдайын туғызса,екінші жағынан әр оқушының қалыптық деңгейде білім алуына кепілдік береді.

          Оқыту барысында қол жеткен жетістіктерді айтар болсақ, баламен орындалған әрбір жұмыс нәтижесі, балалардың өз ойын еркін дұрыс дәлелдей алуға, шапшаң жауап беруге үйреніп, шығармашылық қабілеттері дамып, оқушылардың жалпы білім алуға деген қызығушылықтары артты. Жылдан жылға білім сапасы да көтеріліп келе жатқанын байқауға болады.

          Әр мұғалім педагогикалық технологияны ұтымды пайдаланып, жаңа нәтижелерге жетуге мүмкіндік алады. Өзінің кәсіби деңгейін көтеріп, шәкірттерінің білім сапасын арттырады. Жаңа технологияны меңгеру мұғалімнің оқу тәрбие үрдісін жүйелі уйымдастыруына көмектеседі.

          Бұл әрбір ұстазды ойландырып, жаңаша жұмыс істеуге, жаңа ізденістерге жетелейді.

          Осы орайда Жүсіпбек Аймаутов: «Сабақ беру үйреншікті жәй ғана шеберлік емес, ол жаңадан жаңаны табатын өнер,» - деп тұжырым жасады.

         Сондықтан мұғалім өз пәніне психологиялық тұрғыдан қарап, әдістемелік шеберлікпен келу керек. Сабақты түрлендіру мақсатында оқытудың түрлі әдіс-тәсәлдерін пайдаланса, сонда нәтижеге жетері сөзсіз.

u