Ортанғы топ "Біз доспыз"

«Коммуникация» білім беру саласының көркем әдебиет ұйымдастырылған оқу қызметінің технологиялық картасы

Тақырыбы: «Біз доспыз»

Мақсаты: Мейірімділік, өзара көмек, достық туралы қарапайым ұғымдар қалыптастыру. Өзінің достары туралы айта білуге үйрету.

Алдын-ала жұмыс және оқу іс-әрекетіне дайындық:Достық  туралы әңгіме жүргізу

Сөздік жұмыс: Дос, достық, өзара көмек, адал, мейірімді

Дидактикалық құралдар: Суреттер, Әйгерім қуыршақ,доп

Іс-әрекеті  кезеңдері	Тәрбиешінің  басқарымдық  қызметі	Балалардың  әрекеттері
І кезең Мотивациялық қозғаушы	Балаларға өлең жолдарын оқып, ол не туралы екенін сұрау. Достарды біз қолдаймыз, Қиын шақта қорғаймыз.  Біздің топта ұл -қыздар, Тату-тәтті ойнаймыз.	Балалар өлеңнің достық  туралы екенін  айтады. Балалармен өлең жолдарын қайталаймыз.
Ұйымдастырушылық ізденушілік	Сюрприздік сәт: Топқа жылап қуыршақ Әйгерім келеді. -Балалар, Әйгерімге не болды екен? -Ендеше Әйгерімнің өзінен сұрайық. Әйгерім досымен ұрысып қалғанын айтады. -Балалар, Әйгерімге қандай көмек көрсетесіңдер. Сергіту сәті: Суретпен жұмыс:Суреттен не көріп тұрғанын сұрау.  Суреттен қандай достарды  көріп тұрсыңдар? Е. Өтетілеуұлының «Біз доспыз» өлеңін оқып, достар қандай болатынын сұрау.         Балдырған баламыз,         Досты көп табамыз.         Қашан да, қайда да,         Достар бір-біріне,         Сенімді боламыз.          Екі деген екі дос,          Бірін -бірі қимайтын.          Артық-кемді етпей сөз,          Бірін-бірі сыйлайтын.	Балалар Әйгерімге таңырқай қарайды. Балалар өз ойларын айтады. Құлап қалған шығар,қолын ауыртып алды. Балалар Әйгерімді жұбатып, мейірімді сөздер айтады. Әйгерім, сен жылама, достар бір-бірін кешіре білу керек. Кел, бізбен дос бол. Мынау- менің жүрегім, Бәрі осыдан басталған. Мынау-басым ақылды, Бәрін осы басқарған. Мынау-менің оң қолым, Мынау-менің сол қолым Барлық істі атқарған. Балалар тәрбиешімен бірге сергіту кезеңін жасайды. Балалар сурет бойынша әңгімелейді. Суреттен қамқор, адал, тату достарды көріп тұрмыз. Балалар өлеңді мұқият тыңдап,  достар қандай болатынын  айтады. Достар бір-біріне сенеді, қамқор болады, бір-бірін сыйлайды. Балалар өлеңді 2-3 рет қайталайды.
ІІІ кезең Рефлексивті түзеуші	Ойын: «Менің досым» Тәрбиеші допты бір балаға лақтырып, «Сенің досың қандай?» деп сұрайды.Ол допты қайта лақтырып, өзінің досының қандай екенін айтады. М/лы: режітпейді, өтірік айтпайды, төбелеспейді. Бүгінгі оқу қызметінде не туралы айттық? Достар  қандай болады? -Достық дегеніміз екі адам- ның арасындағы сыйластық. Достар бір-бірін ренжітпейді, бірге ойнайды. Топтағы бар- лық балалар бір-біріңмен доссыңдар.	Балалар ойынды қызығушылықпен ойнайды. Балалар сұрақтарға жауап береді. Балалар өз пікірлерін айтады. Достар тату, мейірімді болады. Достар бір-біріне көмектеседі.

Күтілетін нәтиже:

Ұғынады: «Достық» туралы түсінікті;

Түсінеді: Достарға деген мейірімді қарым-қатынасты;

Қолданады:  Достарды сыйлауды, оларға  қамқор, адал болуды;