JОткрытый урок "Алтын күз"

Тақырыбы: Алтын күз мерекесі.

Мақсаты:

1. «Аяулы күз, Алтын күз - 2015» сайысына қатысушылардың арасынан күз ханшайымын және күз ханшасын анықтау. Оқушылардың тапқырлығын, шеберлігін бақылау.

2. Күз айлары туралы білетіндерін ортаға сала отырып, оқушылардың сайысқа деген қызығушылығын, ынтасын арттыру.

3. Ұйымшылдыққа, өз ойларын ортаға салып көрсете білуге, табиғатты сүюге тәрбиелеу.

Сабақтың түрі: Сайыс сабақ.

Мерекелік безендіру: Күзге байланысты қабырға газеттері мен шарлар ілу, жапырақтар, жеміс - жидектер, көкөністер т. б.

1-Жүргізуші: Армысыздар құрметті ұстаздар мен оқушылар! Және де бүгінгі «Күз ханзадасы мен ханшайымы» атты мерекесіне қатысушы сайыскерлер!

Міне  жыл сайын тойлап өтетін үлкен мерекенің бірі. «Алтын күз» мерекесі де келіп жетті. Бұл мереке мектеп өміріндегі дәстүрлі мерекелердің бірі. Күзде жеміс жидектер пісіп, алтын астық қамбаға құйылатын, төлдер өсіп санаққа қосылатын кезең. Күз  - береке, сән - салтанат мереке айы, жиын - терім аяқталған кезде Еңбекшілер «Сабан тойын» өткізсе, мектепте «Алтын күз» мерекесі мерекеленеді.

Алтын күз біз бен сізге шуақ шашсын,

Көңілді серіппелі күйін ашсын.

Бақ пенен шаттық бірге қатар қонып,

Береке бірлікпенен ортақтассын.

Көңіл қойып, құлақ салыңыздар!

Үнсіздік орнап тына қалыңыздар!

Бүгінгі біздің бағдарламамызда:

Келтіретін әрдайым сезім күйін,

Көресіздер қызықтың неше түрін

Әншінің анықтаған әнін естіп,

Көңіліңіз қалары хақ бір серпіліп.

Осылай бәрі - бәрі болып жатса,

Мақсатқа қалар едік біз де жетіп.– деп келе бүгінгі Алтын күз мерекесін бастауға рұқсат етіңіз.

Ортаға сайыскерлерімізді шақырамыз. (музыка әуенімен ортаға шығады)

2-Жүргізуші:

Баяғы өткен заманда

Дін мұсылман аманда

Әділдік іздеп екі адам

Биге барып бас қосқан,

Ал, бүгінгі заманда

ЖЮРИ деген ат шыққан

Қазақшаға аударған соң,

Әділ қазы деп шыққан.

Сайыс болғандықтан сайыскерлерімізді бағалайтын әділқазы алқасымен таныстырып өтейік:

1-Жүргізуші: Бүгінгі кешіміздің бағдарламасымен таныстырып өтейік:

1.     Таныстыру

2.     Викториналық сұрақтар

3.     Сайыс «Мерген»

4.     Өз өнерін көрсету

5.     Модельер (киім үлгісі, күзге байланысты)

6.     Қолөнер байқауы (ине, жіп, скотч)

7.     Би

8.     Бояулар көрінісі (А3, фломастер)

9.     Күзгі дастархан

10. Марапаттау

2-Жүргізуші: Ал енді осымен сайысымызды бастаймыз.

Шығармас мұндайда бір шабысты үміт.

Көрелік ал ендеше жарыстырып

Келіп тұрған қатыусшылар.

Жіберсін өздерін таныстырып дей келе «Таныстыру» кезеңіне берелік. Бастауыш сынып оқушыларынан бастайық.

1-Жүргізуші:

Күз келді, хан мен ханшайым,

Өткізді күзгі бал айын.

Ағызар сөйлеп сөз майын,

Ал ханымыз ақылды.

Барша жұртты шақырды,

Би де билеп ән айтты.

Қуаныштан шалқыды.

Ханзадаларымыз бен ханшайымымызды келесі сайысымыз «Викториналық сұрақтар» шақырайық.  Сайысымыздың шарты «Жапырақ теру» ойыны арқылы ұйымдастырылады. Әр  топтың басшысы ортаға келіп, алдарыңыздағы шашылған жапырақшалардағы сұрақтарға жауап береді.

1 - сұрақ: Күз мезгілінде табиғат қандай өзгерістерге ұшырайды? - Күн суытады, жаңбыр жауады, жапырақтар сарғайып жерге түседі, құстар жылы жаққа ұшады. Адамдар, балалар жылы киінеді.

2 - сұрақ: Жұмбақ шешу. Ағайынды бәрі,

Шықса – жасыл,

Түссе – сары. Бұл не?

Жапырақ

3 - сұрақ: Күз мезгілі нешеге бөлінеді? - Ерте күз, алтын күз, қара күз.

4 - сұрақ: Күз айларын ата. - Қыркүйек, қазан, қараша.

5 - сұрақ: Жұмбақ шешу. Аспай піскен, қайнамай түскен.

- Жеміс.

6 - сұрақ: «Мақал - мәтелді жалғастыр»

1. Еңбек түбі --------------------

2. Еңбек етсең ерінбей --------------------

 7 - сұрақ: Бес жеміс - жидектерді атап беру. - Алма, алмұрт, жүзім, өрік, шабдалы.

8 - сұрақ: Бес көкөністерді атап беру. - Пияз, қызанақ, орамжамжапырақ, картоп, сәбіз.

Әділқазылар бағаларын берсе.

2-Жүргізуші:

Келесі кезеңге кезек берсек. «Мерген» сайысы. Әр жұптардан ұл бала шығады. Берілген картопты алдарынызда тұрған корзинаға дөп тигізу керек. Ендеше алға!

1-Жүргізуші:

Асыл тастан, өнер жастан, Шығады деп дарынды.

Халық айтса, қалт айтпас,

Әрқашанда нанымды

Сол шындықты күнделікті,

Көріп жүрміз өмірден.

Өнерімен танысайық,

Тілекші боп көңілден. Ортада сайыскерлеріміздің «Өз өнерлерін»тамашалайық.

2-Жүргізуші:

Бүгінгі кеш өтіп жатыр өз мәнімен,

Әр сұлу әсем болар өз сәнімен.

Күз сәні өнерімен ортаға шығып,

Сән көрсетер сайыскерлер сәнімен

- деп қатысушыларымыз өз шығармашылықтарымен жасаған «Күзгі ханзада мен ханшайымды» (күзгі сән үлгілерін көрсету) сән үлгісінде ортаға шақырамыз. Олай болса, қол соғып қошеметтеп отырайық.

Салмақты ұлдар мен сымбатты қыздарымыздың өз қолдарымен жасаған киім үлгілерін тамашалайық.                                                                           

Сайыскерлеріміз дайындалғанша ортаға  4 сынып оқушылардың биіне кезек берсек.

Сайыскерлеріміз  дайын болса ортаға шақырамыз. (музыка ойнап тұрады сайыскерлеріміз ортаны айналып өтеді.

1-Жүргізуші:

Келесі кезең «Қол өнер» байқауы (ине, жіп). Он саусақтарынан өнер тамған , Ару қыздарымызды ортаға шақырайық. Сайыскерлер  көкөністерден, жеміс жидектерден, жапырақтардан бейне жасап жарысады.

3 - сынып оқушысы Айботаның орындауында «Айналайын» әнін қабыл алыңыздар.

2-Жүргізуші:

Ал кімнің өнері бар қаншалықты,

Көрсетеді ән биді бойындағы.

Бүгінгі «Алтын күз» сайысына,

Сайыскерлер аянбай- ақ жан салыпты дей келе, келесі кезеңді «Би» берейік.

Келесі кезеңді бастамай тұрып, 2 – сынып оқушысы Айымның орындауында «Ертегілер» әнін қабыл алыңыздар.

1-Жүргізуші: Келесі кезеңді бояулар сайысына берейік. Әр бір жұптан қыз бала шығады. Ұл бала көмекшесі болады. Қыздың көзі байлаулы күйінде сурет салады.

2-Жүргізуші:

Күзгі дастархан сайысына кезек береміз. Қолынан бал тамған сайыскерлеріміздің өнерін тамашалап, дәмін татайық.

Күзгі жеміс - жидектен

Жасаған тамақ тұр міне

Мұрныңды жара есіктен

Неткен дәмді тағам ең!

1-Жүргізуші:

Білім - теңіз, мектепті кеме дейміз,

Білім мен тәрбие егіз неге дейміз,

Әдемі мен тәлімі үндесетін,

Жастарды болашаққа жетелейміз.

Жеңістер мен жеңілістен тұратын

Өмір - күрес, жеткізе ме мұратын.

 Жеңбедім деп, жеңілдім деп ренжімегің,

 Қатысу да бір жеңіс, жан болсаң сен ұғатын.

Қош демейміз, әлі талай сайыстар бар

Өнерлерің өрлей берсін, қайыспаңдар,

Ойлы орта кеңейсін күннен - күнге

Өскен елдің жұртынан қалыспаңдар,- деп отырып бүгінгі «Аяулы күз, Алтын күз - 2014» байқауының нағыз ханзадасы мен ханшасын жариялау уақыты жетті.

Әділ қазылар, ақылдасып, қортынды шығарғанға дейін 7 сынып қыздарының «Керуен » биімен ортаға шақырамыз.

Әділ қазы алқасы

Берсін әділ бағасын - деп сөзді әділ қазылар алқасына береміз. Құрметті көрермендер! Жемпаздарымызға биік шындарды бағындырып, қонар тұғырлары биіктей берсін дей отырып, кешімізді осымен аяқтаймыз! Жеңісті күндерде кездескенше!!!!!!

«М.Маметова атындағы шағын жинақы негізгі орта мектебі»

Алтын күз

Ұйымдастырушы: Құрманғалиева Жадыра Құрманғалиқызы

2015-2016 оқу жылы