Открытый урок по самопознанию

Өзiн-өзi тану сабағының жоспары

Тақырып : 13-14 сабақ «Мінез адам көрсеткіші»

Өткізілген күні: 5.12.2016

Құндылық: Жан тыныштығы 

Қасиеттер: өз - өзімен сенімді болу, жаман әрекеттен жақсы іс әрекетті ажырата білу, ержандылық, жақсы мінезділік

Мұғалiм: Ахметжанова Замзагуль Талгатовна

Сынып: 9

Оқушылар саны: 8

Сабақ мақсаты: Оқушылардың мінез-құлық туралы түсініктерін кеңейту. Міндеттері: Білімділік: Мінездегі жетістіктер мен міндерді ажырата білуге үйрету;  Тәрбиелік: Адамгершілікке тәрбиелеу. Дамытушылық: Жақсы мінез қалыптастыруға дамыту	Ресурстар:(құралдар, мәлiметтер) маркер, ватман, топшамалар, әріптер
Сабақ барысы: 1.                             Ұйымдастыру кезеңi. а) Оқушылардың құрал жабдықтарын  тексеру  б) 5Т ұстанымын тексеру: (тәртіп, талап, тыныштық, тазалық, татулық)       2.Тыныштық сәтi.(баяу әуен)    «Нұрға  бөлену» Ыңғайланып отырыңыздар, денелеріңізді түзу ұстаңыздар. Аяқ- қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.             Елестетіп көріңіз: Күн нұры сіздің төбеңізден өтіп, кеудеңізге қарай бойлап барады.Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.             Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.             Одан әрі нұр сіздің аузыңызға,тіліңізге тарады.Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.             Нұр бірте-бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.             Осы нұр бүкіл әлемге: барлық адамдарға, жан-жануарларға, өсімдіктерге, тірі жанға таралсын... Ғаламның барлық түкпір- түкпіріне нұр бағыттаңыз. Ойша айтыңыз: «Мен нұрлымын...Нұр меніңі шімде...Мен Нұрмын»             Осындай Нұр,Махаббат және Тыныштық күйінде отыра тұрыңыз...             Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.             Жаймен көзіңізді ашуға болады	Сабақ барысын талқылау:
3.                             Дәйек сөз. Кісіге екі дүниеде пайдалы (нәрсе)- Ізгі іс немесе мінезі түзулік. Екіншісі-ұят, үшіншісі-әділдік. Бұл үшеуі арқылы адам шын бақыт табады.                                                     Ж.Баласағұни Дәйексөзді сыныппен қайталау,топпен қайталау 1.Дәйексөздің  мағынасын  қалай  түсінесіздер ?
4.                             Әңгiмелесу (сұхбат).  Ойланайық, пікірлесейік  Неліктен «Мінез-адам көрсеткіші» болады деп ойлайсыз?Ø  Адамның жақсы мінезіне нелер жатады?Ø  Мінезі жаман адамда жақсы қасиет бола ма?Ø  Жаман мінезді қалай түзеуге болады деп, ойлайсыз?Ø
Дәптермен жұмыс: Ұлы ғұламалардың ұлағатты сөздеріне тоқталып, мәнін түсіндіріп, жалғастырып жазу. 5.                             Шығармашылық жұмыс, топтық жұмыс. Топты  смайлик арқылы  2  топқа бөлеміз. Постер қорғау 1 топ – мінездің қасиеттерін жазу 2 топ – мінезге байланысты мақал жазу Сергіту сәті: Үстел үстінде 5 әріп берілген. Осы 5 әріпті келіп 5 оқушы алады да, мұғалім қойған сұрақтарға сол әріптен басталатын сөздермен жауап береді. Ө, А, Т, Е, М 1 сұрақ: Бүгін таңертен сабаққа сізді кім оятты? 2 сұрақ: Бүгінгі сабақта көңіл күйіңіз қандай? 3 сұрақ: Сіздің мінезіңіз  қандай? 4 сұрақ: сабақтан қандй баға алдыңыз?
6.                             Топпен ән айту. «Өміріңе немқұрайлы қарама» Сөзі: Серік Сейітман               Әні: Сәкен Дәрібаев Тыңда, досым, мен айтайын от тілек, Дүниеден кетті бай да, өтті бек. Өміріңе немқұрайлы қарама Дәулетіңмен тұрсаң-дағы көк тіреп. Әр күн сайын тек сен үшін атып таң, Зерлі шапан киінсең де жақұттан. Өміріңе немқұрайлы қарама Шақша басың айналса да бақыттан. Қайырмасы: Бақ құсыңды қонған кезде бағала, Қолда мәңгі тұрмайтын ол шағала. Кенелсең де, досым, қанша шаттыққа, Өміріңе немқұрайлы қарама. Бақ құсыңды қонған кезде бағала, Қолда мәңгі тұрмайтын ол шағала. Қанша азап көрсең-дағы, бауырым, Өміріңе немқұрайлы қарама. Тұсау салып, бастатқызбай көш дара, Етсе-дағы дұшпан күлкі, дос таба. Өміріңе немқұрайлы қарама, Тағдыр желі қарсы алдыңнан соқса да. Сын сағатта сақтау үшін өз басын Сатып кетіп сеніп жүрген жолдасың. Өмірңе немқұрайлы қарама Айдын көлге айналса да көз жасың. Қайырмасы: Бақ құсыңды қонған кезде бағала, Қолда мәңгі тұрмайтын ол шағала. Кенелсең де, досым, қанша шаттыққа, Өміріңе немқұрайлы қарама. Бақ құсыңды қонған кезде бағала, Қолда мәңгі тұрмайтын ол шағала. Қанша азап көрсең-дағы, бауырым, Өміріңе немқұрайлы қарама.
Тренинг «Ағаш мінезі» Барысы: оқушыларға  қолдың қиылған жапсырмасын таратып, оқушылар өз бойындағы бес жақсы қасиеттерін бес саусаққа жазып , тақтада ілініп тұрған ағаштың дініне жапсырып, өздерінің мінездеріне байланысты «ағаш мінезі»  шығады.
8.                             Соңғы тыныштық сәтi. Көзімізді  жұмып, тыныштықта  бүгінгі  сабағымызды есімізге  түсірейік. Бүгінгі  сабағымыздан  алған  әсерімізді  жүрегімізге  түйейік. Әр  уақытта  шындықты  айтып,  ақиқатқа  көз  жеткізейік. Енді  тыныштық күйде отыра  тұрыңыздар.Көздеріңізді  ашуға  болады. Келесі  кездескенше  сау  болыңыздар.