«Озық ойлы студент» сайысы

Маңғыстау облысы,Бейнеу ауданы

«Бейнеу гуманитарлық-экономикалық колледжі»

Аюпова Назым Байдуллаевна

Колледждің қосымша білім беру педагогі

«Озық ойлы студент» сайысы

Қайырлы күн! Құрметті ұстаздар мен студенттер!

Бүгінгі біздің сайысымызға қош келіпсіздер! Біз сайысымызды бастамас бұрын сарапшы екі оқытушымызды ортаға шақырамыз. Ал ендеше барлықтарыңа сәттілік тілей отырып,

сайысымызды  бастайық.

Әділқазылар алқасымен таныстыру.

1.

2.

3.

Мақсаты: Пәнге деген студенттердің танымдық қызығушылығын, белсенділігін арттыру, шығармашылық, өнерпаздық мүмкіндіктерін байқау, тәрбиелеу.
Сабақтың түрі: сыныптан тыс
Мұғалім:

         Информатика болашаққа бастайды,
         Келешекке білім қуған жастарды.
         Қадам басып 21 - ші ғасырға,
         Барлық әлем жаңалығын тастайды.
         Нұрлы үмітпен арқалаған арқаға,
         Жан сәулесін тарататын баршаға.
         Шын пейілмен құрметімізді көрсетіп,
         «Озық ойлы студент» сайысына кеп тұрған
          Сайыскерлерді шақырайық ортағa.

«Озық ойлы студент» білімділік сайысы мына бөлімдер бойынша өткізіледі:

I-тур

1-тапсырма  Ойыншыларға тақырып беріледі. «Менің болашақ колледжім» макетін салу.(Paint,Adobe Photoshop программаларын пайдалануға болады)

II-тур

2- тапсырма MS Power Point программасында слайд құру.

1.тақырып -«Менің Отаным Қазақстан»

2. тақырып- «Спорт-денсаулық кепілі»

3. тақырып – Еркін тақырып 3-слайдтан тұратын презентация жасаңдар. Слайдта компьютердің барлық анимациялық мүмкіндіктерін қолданыңдар.

  Енді, «Білекке сенген заманда- ешкімге есе бермедік,

        Білімге сенер заманда қапы қалып жүрмейік», -деген Абылай ханның ойлы сөзімен келесі турымызға көшейік.

III-тур

3-тапсырма (Информатика пәніне байланысты логикалық тапсырмалар,жұмбақтар)

1.      Жануарға ұқсас атым бар,

           Бағдар көрсетер затым бар.

           Кілемше үстінде тұрамын.

           Ең қажетті құралмын.

           Білсеңдер, қане айтыңдар!

      Жауабы: тышқан (компьютердің енгізу құрылғысы)

2. Бұл адам ойлауының түрлері мен заңдары туралы  оның ішінде дәлелдеуге болатын пікірлердің заңдылықтары туралы ғылым. (Логика).

3.Бір бала компьютерде қалай жұмыс істегені жайлы әңгіме жазыпты. Сол әңгімені оқып, оның неше қате жібергенін анықтаңдар.        

   Мен компьютермен жұмыс істегенде, міндетті түрде монитор мен сканерді іске қосамын. Тышқанмен әріптерді теріп, сурет салу керек болса, сканерді пайдаланамын. Компьютерге дайын мәтінді қолдан енгізбеу үшін джойстикті қолданамын. Ал мәтінді басып алу үшін жүйелік блокқа қағаз саламын. Принтер арқылы әндерді тыңдап, динамик деп аталатын плоттерде құжаттарды сақтаймын     Жауабы:  8 қате жіберілген

      1. Монитор мен жүйелік блокты іске қосу қажет

      2. Әріптер пернетақта арқылы теріледі

      3. Сканер сурет салу үшін емес, оны енгізу үшін қолданылыды

      4. Компьютерге дайын мәтінді жылдам енгізуде сканер пайдаланылады

      5. Сәтінді басып алу үшін  принтерге қағаз салады

6. Ән тыңдау үшін динамик немесе құлаққалқан керек

7. Құжаттар компьютердің сыртқы жадында сақталады

8. Плоттердің екінші аты – график сызғыш құрылғы.

4. Мен компьютерде жұмыс істегенді ұнатамын. Меніңше, сурет салу үшін ең ыңғайлы программа Word графикалық редакторы шығар. Ол арқылы мен тек сурет салып қана қоймай, оның кез келген бөлігін бояймын. Оған қоса осы программа арқылы мәліметтерді  есте сақтаймын. Өз жұмысымның нәтижелерін мен векторлық  .bmp форматында сақтаймын.    

Жауабы:  3 қате жіберілген

       1. Word графикалық редактор емес

           2. Word-та суреттің кез келген бөлігін бояу оңай емес

          3. Графикалық bmp. форматы векторлық  форматқа жатпайды.

5.  Тетігін  бассаң  алаңсыз

Жазады  қалам,  қағазсыз.   (компьютер)

6.   Пернетақта  ауылында  тұратын

Пернелік  деген  атаның

Бар  екен  12  ағайынды

Немерелері  алғашқы

Есімдері  де  өздерінің  бір  қызық

Тек  қана  «F»  әріптерінен  басталады.

                                                 (функционалды  пернелер)

7.   Экранның  бетінде  оның  тұрағы

Қашан  болсын  жыпылықтап  тұрады.    (меңзер)

8.   Кемірушілерге  ұқсайды  сырт  бейнесі

Түсі  оның  сұр,  құйрығы  ұзын

Ойланып,  білгіш  болсаң  жауап  берші,

Қалай деп  аталады  аты  оның  .....  (тышқан)

9.  Ұзынтұра  Жалқаубек,

Тұрмай  ылғи  жатады.

Қозғала  қалса  артынан,

Ешбір  белгі  қалмайды. (бос  орын) 

10. Бұтақ  орнында  мың  бір  инесі

Компьютер  жаны мекені   (КАКТУС)    

11. Ақпарларды  қағазға  шығарады,

Бұл  құрылғы  қалай  деп  аталады?  (принтер)

12. Биологияда  бұл  паразит,

Көзге  зорға  көрінер,

Информатикада  өлшем  бірлік

Ақпараттарды  өлшер  (бит)

13. Ақпаратты  сақтап  таратқан,

Жұртты  өзіне  қаратқан  (жүйелік  блок)

14. Жоқ  өзінде  бас  та,  қас  та,  мойын  да

Ұзындығы  жазулы  тұр  бойында  (сызғыш)

Сайысты қорытындылау.

    Сонымен бүгін біз информатика пәні бойынша «Озық ойлы студент» сайысы

өткізіп, ең жақсы ойын көрсеткен оқушыларға және де ойынды жақсы бағалап отырған әділқазылар алқасына да рахметімізді айтамыз.