План организованой учебной деятельности по математике

ШҚО

Көкпекті ауданы

«Шәріптоғай негізгі мектебі»КММ

шағын орталық тәрбиеші Акжигитова Раушан Жумановна

ІІ кіші топ

пән ҚМҰҚ

Өтпелі тақырып:  «Дені саудың жаны сау»                                                                                     /

Тақырып Көжектер мен қонжықтар

Мақсат: Шама бойынша заттардың әртүрлі болатыны туралы түсінік беру, ұзындығы мен ені бойынша екі қарама – қарсы бірдей заттарды салыстыруға үйрету; логикалық ойлау қабілеттерін дамыту; теориялық білімдерін практикада қолдануға үйрету.

Құрал-жабдықтар: түсті баулар, Көжектер мен Қонжық, тапсырмаларға сәйкес суреттер мен карточкалар.

Сабақ барысы:

1.     Ұйымдастыру кезеңі.

Шаттық шеңбері

Достарымның барлығын,

Сыйлап, жақсы көремін.

Алақаным арқылы

Жылуымды беремін.

2.     Қызығушылықты ояту.

Жұмбақ жасыру:

Ұзын құлақ,қыли көз, қысқа құйрық, өзі қорқақ? Бұл қандай жануар?

-Дұрыс айтасыңдар, балалар. Ал қоянның баласын қалай атаймыз?

- Әрине көжек дейміз. Бүгінгі сабағымыздың бас кейіпкерлері осы көжектер болғалы тұр.

-Қараңдаршы, біздің достарымыз көжектердің құлағы  қандай? /ұзын/

Ал құйрығы ше? /қысқа/.

Екі көжекті олардың досы қонжық қонаққа шақырыпты.  Көжектер құлақтарына әдемі бау тақпақшы. Кане, балалар екі бірдей бауды таңдап алуға көмектесейік.

1-тапсырма.

№ 1, 2 үстелдер

Үстел үстінде жатқан  баулардан сендерге ұзындығы бірдейді табу керек. Ол үшін бауларды бірінің үстіне бірін салу керек.

№  3 үстел

Әр түсті баулардан   ені, ұзынды ғы бірдей лерді  тауып беріңдер.  алдымен ұзындығы бірдей  баулардыы табыңдар. енді ені бойынша салыстырайық. бірінің үстіне бірін салып, көреміз.  Баудың  бір бөлігі шығып тұр. ол жалпақ

Билингвальды компонент: ұзын-длинный, қысқа-короткий, жалпақ- широкий, жіңішке – узкий. Балалар дауыстап қайталайды.

2-тапсырма

-         Тамаша. Енді көжектер қандай көйлек киеді екен? Оны цифрларды ретімен қойсақ, білетін боламыз.

Үстелдегі қиындылардағы сандарды ретімен қойсаңдар,  көжектердің көйлектерін көреміз.

-         Жарайсыңдар. Көжектеріміз қонаққа бос қолмен бармайды. Оларға сыйлық таңдауға көмектесеміз.

3- тапсырма

№ 1үстел /Монтессори  әдістемесі/

«Сан таңдау»

Балалар алдарындағы суреттегі заттардың санына сәйкес цифрларды орналастырады.

№ 2, 3 үстелдер  / ТРИЗ технологиясы/

Суреттерді санына, түсіне қарай орналастыру керек.

Сергіту сәті

Орнымыздан тұрамыз,

алақанды ұрамыз.

Бір отырып, бір тұрып

біз тынығып аламыз.

-Балалар, көжектер жолға шықты.

4-тапсырма

№ 1 үстел Үш жолды салыстырады. Ең қысқа, бірақ кең  жол – қасқырдың апаңына, ұзындау жол – саз балшыққа, ең , бірақ  тар жол – Қонжықтың үйіне апарады.

Дұрыс жолды табыңдар.

№ 2  үстел .  Жалпақ шарбаққа марғауды, жіңішке шарбаққа торғайды орналастырыңдар.

№ 3 Логикалық тапсырма

Қонжық пен көжектің орындықтың үстінде, қуыршақтың астында отырған суретті тап.

-Жарайсыңдр, балалар. Көжектер мен қонжық  сендерге риза болды. Біз  ұзын-қысқа, жалпақ-жіңішке, кең-тар ұғымдармен таныстыңдар, сандарды қайталадық. Енді өзімізід бағалайық.

Сендерге жұмыстарың ұнады ма, жоқ па? «Бас бармақ» әдісімен бағаларыңды беріңдер. Осымен сабағымыз аяқталды.

Краткое описание документа:

план проведения организованной учебной деятельности по предмету "Формирование простейших математических понятий" предназначен для ІІ младшей группы дошкольных учреждений.

Целью данного занятия являются дать понятия "величина", "длина"; научить сравнивать предметы по длине и ширине; закрепить знаний о числах и цифрах 1-5; развивать логическое мышление и умения применять теоретические знания на практике.