Планирование рефлексиялық есеп 11 сынып

Аты-жөні: Қалдыбаева Уасиля Кенжегалиевна

Жұмыс орны: ШҚО Семей қаласы «№38 жалпы орта білім

беретін мектеп-лицей» КММ

Пәні: химия

е.майл: yasila_kal @mail.ru

Рефлексивтік есеп                                                                                                                                               «Отбасындағы тәрбие-дарындылықтың бастауы» атты дөңгелек үстел

 9 «Ғ» сынып жетекшісі Қалдыбаева У.К.

Қазіргі кезде жаңа заманға сай тұлға тәрбиелеу үшін жанұяның маңызы арта түсуде. Дарындылық туа біткен қабілет болса, мектеп, жанұя, қоғам бірігіп балалардың қабілеттерін арттыруға, бағыт-бағдар беруге ерекше көңіл аудару керек. Осы мақсатты жүзеге асыру үшін ата-аналар, әкімшілік, жоғары оқу орнының оқытушыларының қатысуымен дөңгелек үстел өткізілді.

Дөңгелек үстелде қарастырылған мәселелер:

·        оқушылар дарындылықтары;

·        дарындылық түрлері;

·        дарындылық ерекшеліктері;

·        дарындылықты дамытуда отбасының ықпалы;

·        дарынды оқушыларға Семей қаласында жасалып жатқан жағдай;

·        ЖОО оқушыларға берілетін көмек. 

Мектеп директоры «Менің балам қандай?» деген тренинг өткізіп, әрбір ата-ананың баласы әр түрлі, сондықтан қабілеттері де өзгеше екенін көрсетіп балалардың қабілеттерін  анықтап, оларды дамытуға ата-аналардың ерекше көңіл аудару екендігін атап өтті.  

Мектепте өнерлі балаларға барлық жағдай жасалып отырғанын айта келе бүгінде география пәнінің ағылшын тілінде өткізіліп отырғанын келешекте басқа пәндерді де ағылшын тілінде өткізуге жағдай жасалатынын айтты.  

Ата-ана Кабаков Аманжол қазіргі кезде ата-аналардың балалардың қабілеттерін ашып,  дамытуға уақыттарының тапшылығын, өзінің немересінің жан-жақты дамуына көшбасшылық қасиеттерінің қалыптасуына адамдармен тіл табыса білуіне көбінесе әжесі мен атасының көңіл бөлгенін атап өтті.  

Кәрімбек Назипа баласы Назеркенің жан-жақты қабілеттерін ашу үшін бастауыш сыныптан бастап домбыра үйірмесіне, ортаңғы буында волейболға бергендерін, сонымен қатар интеллектуалдық дамуына да ерекше көңіл бөлетінін атап көрсетті.  

Дөңгелек үстелдің оңды жақтары:

·     ата-аналар балаларының қабілеттерін анықтауды үйренді,

·     қабілеттерін ашу үшін жанұяның ықпалы ерекше екеніне көздері жетті.

Дөңгелек үстел нәтижесінде анықталған кемшіліктер:  

·        ата-аналардың балаларының қабілеттерінің анықтауда уақыттарының тапшылығы;

·        балалардың қабілетін анықтауға тек мұғалімдер мен мектеп қана көңіл аударатынын;

·        кейбір балардың қабілеттері мүлдем ашылмай қалатыны да анықталды.

Сондықтан ұстаздар, ана-аналар, мектеп психологы бірлесіп қабілеттерін ашуға көңіл аудару.