Презентация " Мүмкіндігі шектеулі баланың музыкаға қызығушылығын арттыру"

Жасы: 3-7 жас

Айы: қазан

Аптасы: 3-4

Күні:19-30

Сабақтың тақырыбы: Жақсы көрем.

Сабақтың мақсаты: Әуенді тыңдап, жіңішке дыбыстарды ажырату. Әнді мәнерлеп айту. Ырғаққа байланысты жеңіл қимылдар жасай білуге үйрету. Көңілді әуен ырғағымен жұптасып жүруді үйрену.Дене мүшелерін игеріп,қолды,аяқты қимылдата отырып әуенмен бірге қимылдар жасауға үйрету.Ырғақпен ілесе қимыл жасауға дағдыландыру.

Міндеті:

Дамытушылық: Сөйлеу тілін дамыту, сөздік қорын молайту. Ойын әрекетін қалыптастыру, кеңістікті бағдарлау, қимыл-қозғалыс координациясын ретке келтіру. Танымдық процестерін, ұсақ-қол мотрикасын дамыту. Балаларға жіңішке-жуан дыбыстарды түсінуге үйрету. Әндерді тыңдауға, айтуға, жаттауға үйрету. Артикуляциялық мимика дыбыс шығаруаппараттарымен жұмыс. Үлкендерді сыйлауға, құрметтеуге тәрбиелеу. Тәртіптілікке, ортада өзін дұрыс ұстауға, мәдениетті сөйлеуге, сөдерді анық таза айтуға үйрету. Табиғатқа, құстарға деген сүйіспеншілігін ояту

 Көрнекілігі: үнтаспа

Сабақтың түрі: Жаңа сабақ

Пәнаралық байланыс: шығармашылық

                                      Сабақтың барысы

1.     Ұйымдастыру кезеңі

-         Баламен сәлемдесу

-         Баланың сабаққа деген жағымды эмоциясын қалыптастыру

-         Оқу құралдарын түгендеу

-         Алдыңғы сабақты қайталау

          2.Сабақтың мазмұны

«Амандасу» жаттығуын»  айтып көңілді әуен ырғағымен аяқтың ұшымен қолды көтеріп жүруді үйретеді.Орындарында тұрып,қолды бұрап қимыл жасайды.Әуенмен айналады,жеңіл үнді музыкамен секіреді.Әуен тоқтағанда бірге тоқтап,қимыл жасауды үйренеді. «Орындарыңда тұрып айналыңдар,денені көтеріп секіріңдер»-деп үйретеді.

Музыка жетекшісі балаға суреттер көрсетеді.

-Мынау не?

-Қол?

-Қолда саусақтар болады.Кәне,бәріміз қолымызды көрсетейік.Ал мыналар саусақтар.Саусақтар былай-былай қозғалады.

-Ал мына суретте не бар?

-Аяқ.Кәне,бәріміз аяғымызға қарайық.Аяқпен не жасауға болады?

-Еденге топылдатып ұруға болады.

-Қазір мен сендерге әдемі ән айтып берейін.

 «Бала,бала,балапан» әні(И.Нүсіпбаев,Ж.Смақов )Орындалады.Әнді орындау барысында алдымен алақанды,содан соң саусақтарды әуенмен көрсетеді. Екінші шумағын «топ-топ басайық»деген сөзге келгенде аяқты әуенмен топылдатып, «жалаудан күн жасаймыз»деп,қолды жоғары көтеріп күн жасап, «алтын күн»деген жерінде қолды жоғары ұстап аяқтайды.Ән бірнеше рет қайталанғанда балалардың қимылдары бір-біріне үндесіп,бірге жасауға үйренеді.

 «Көңілді ырғақ»ойыны.

Әуен ойналғанда балалар қолдарын шапалақтайды.Әуен тоқтағанда,қолдарын жасырады.

Халық әні «Еркем-ай»әуені ойналғанда балалар аяқтарын топылдатады да,әуен аяқталғанда аяқтарын жасырып отыра қалады.    

2.     Сергіту сәті

«Ұшты ұшты»

Сабақты бекіту

Д/қ ойын: «Қандай дауыс?» музыканы тыңдап, жуан-жіңішке дыбыстарды айтады

3.     Үй тапсырмасы

Түрлі түсті қағаздан құстың бейнесін шығару

4.     Сабақты қорытындылау

-         Бүгінгі сабақта не істедік?

-         Бүгінгі сабақ несімен қызық болды ?

-         Айтқан ән ұнады ма?

Күтілетін нәтиже: Музыканы тыңдап, жуан-жіңішке дыбыстарды ажыратуды, дидактикалық ойынды текше арқылы ажыратуды, музыканы тыңдап, би қимылдарын жасауды меңгерту

Краткое описание документа:

Жасы: 3-7жас

Айы: мамыр

Аптасы: 1-2

Күні:

Сабақтың тақырыбы: Көңілді барабан

Сабақтың мақсаты: Әуенге ілесе жеңіл би қимылдарына тербелу, бір орында айналуға үйрету,музыка туралы түсінік беру.Әуенді тыңдауға,есту,есіне сақтау қабілетін,ырғақты ажыратуға баулуды жалғастыру,барабанда ойнауға үйрету.

Міндеті:

Дамытушылық: Сөйлеу тілін дамыту, сөздік қорын молайту. Ойын әрекетін қалыптастыру, кеңістікті бағдарлау, қимыл-қозғалыс координациясын ретке келтіру. Үлкендерді сыйлауға, құрметтеуге тәрбиелеу. Тәртіптілікке, ортада өзін дұрыс ұстауға, мәдениетті сөйлеуге, сөдерді анық таза айтуға үйрету. Табиғатты аялап, өсімдіктерді қорғау

Көрнекілігі:бірнеше барабан аспаптары

Сабақтың түрі: Жаңа сабақ

Пәнаралық байланыс: өнер, шығармашылық

Сабақ барысы

1.Ұйымдастыру кезеңі

-Баламен сәлемдесу

-Баланың сабаққа деген жағымды эмоциясын қалыптастыру

-Оқу құралдарын түгендеу

-Алдыңғы сабақты қайталау

2.Сабақтың мазмұны

Көңілді әуен ырғағымен балалар залға кіреді.Музыка жетекшісі балаларды ойыншық мысықпен қарсы алады:

-Сәлеметсіңдер ме,балалар!

Бүгін бізге ала мысық қонаққа келді:

«Тікірейіп құлағы

Менен бұрын тұрады.

Бойын жазып керіліп,

Бетін-қолын жуады,-деп,ойыншықты қозғалтып,қимылын көрсетеді.Қайталап айтып,балаларға мысық қимылын көрсетулерін сұрайды.

«Ала мысық айлалы,

Дыбыстайды ол қалай?»-деп сұрайды.

-Балалар,мысық мияулап шақырып тұр.Мұнда не бар екен?-деп қараған болып,барабанды «тауып алады»

-Балалар,мысық бізге сыйлық әкеліпті.Музыка жетекшісі балаларға кілемге жайғасып отыруды ұсынады.

Барабан аспабын көрсетеді,барабанның дауысын шығара ойнап береді.Балаларды шақырып,барабан аспабын ұстап көруге,ойнап көруге мүмкіндік береді.

-Ала мысықты қуантып ән айтып берейік,ал мысығымыз отырып тыңдасын,-деп орындыққа ойыншықты қояды.Балаларға таныс би қимылдарын ұсынады.

3.Сергіту сәті

Саусақ жаттығуы: Жаңбыр себелейді

Артикуляцилық жаттығу «Сағат»

Сабақты бекіту

-Бүгін қандай ойын ойнадық?

-Сабақ ұнадыма?

-Барабанды қалай соғамыз?

Үй тапсырмасы

Әннің І шумағын жаттау.

Сабақты қорытындылау

-Бүгін қандай сабақ өттік?

-Сабақ кезінде не істедік?

-Ән айтқан ұнады ма?

Күтілетін нәтиже: Әуен ырғағын сезіну,әнге қосыла айта білу.Ән-әуенге әсерлену,қызығушылығын арттыру.Ырғақты ажырата білу, дыбыстарды қайталай білуге дағдыландыру.Барабан аспабының дауысын ажыратуды,жеке сөздерді,дыбысты есте сақтап қайталауды меңгеру.