Презентация урок математики на тему "Дөңгелек сандар"

Сабақ тақырыбы:	Дөңгелек сандарды қосамыз және азайтамыз				Мектеп: №1
Күні :	25.11.2016 ж.				Мұғалімнің есімі: Кенжебаева Д
СЫНЫП: 1-сынып					Қатысқандар саны:	Қатыспағандар саны:
Оқу мақсаты:			ондықтан аттамай, 20 көлеміндегі сандарды/ ондықтарды ауызша қосу және азайтуды орындайды;             20-ға  дейінгі  сандар  тізбегін/ондықтармен 100-ге дейінгі сандар тізбегін құрастырады;             100 көлеміндегі сандар, суреттер, фигуралар, символдардан тұратын тізбектердің заңды-лықтарын анықтайды.
Барлық оқушылар: Оқушылардың басым бөлігі: Кейбір оқушылар:
Ресурстар:			1-ден 100-ге дейінгі сандардың көрнекі кестесі;             ламинатталған парақтар;             маркерлер.
Тірек сөздер			Дөңгелек сандарды қосамыз және азайтамыз
Сабақтың мақсаты:			Дөңгелек сандарды ондықтан аттамай қосу және азайтудың ауызша есептеу тәсіліне үйрету.
Сабаққа байланысты деректі материалдар				Сабаққа қатысты ескертпелер
Сабаққа қатысты деректі материалдар Бұл сабақта оқушылар бір таңбалы сандарды қосу мен азайту дағдысын қолданып, 100-ге дейінгі дөңгелек сандарды қосып және азайтып үйренеді. Дөңгелек сандарды қосу немесе азайту үшін ондықтарды қосып немесе азайтып, оң жаққа нөл жазу керек. Сабаққа 1-ден 100-ге дейінгі сандар кестесін дайындау. Оны тақтаға орналастыру.Сабақты 100-ге дейінгі сандарды ондықтар арқылы тура және кері ретпен санаудан бастау. Дөңгелек сандардың атауын еске түсірту. Ол сандарды тақтаға жазу. Бір таңбалы сандарды қосу және азайту стратегиясын пайдаланып, ондықтармен қосу және азайтудың тиімділігін зерттеуге уақыт бөлу Оқушылардан мысалдарды қарап, олардың ұқсастығын және айырмашылығын айтуды сұрау: 2 + 3, 20 + 30; 9 – 5, 90 – 50. Оқушыларға өз ойын айтуға мүмкіндік беру. Дөңгелек сандармен жұмыс ондық сандарды білдіретін бір таңбалы сандармен жұмысқа ұқсас орындалады, бірақ соңында 0 қосылады деп қорытынды жасату. Дөңгелек сандармен іс-әрекеттердің ережесін құрастыру: дөңгелек сандарды қосу және азайту үшін ондық сандарды қосып азайту керек және оң жақтан 0 цифрын қосып жазу керек. Кіріспе тапсырма. Жұмысты жұппен орындауды ұйымдастыру. Оқушыларға дөңгелек сандарды қосып, азайтуға бір-біріне мысалдар ойлап табуды ұсыну. Зерттеу барысында жұппен жұмыс істеу оқу материалын толық меңгермеген оқушыларды анықтауға мүмкіндік береді. Осы амалды қолдану қиынға соққан оқушыларға көмек көрсету. Тәтті тоқаштар. Оқушыларға иллюстрацияға қарап, кондитердің қанша тоқаш пісіргенін анықтауды ұсыну. Оқушылардың қалай әрекет ететінін сұрау. Оларды бір-бірлеп санаудың көп уақытты талап ететіні туралы қорытындыға алып келу. Қосу арқылы тоқаштардың жалпы санын білуді ұсыну. Оқушыларға сандардың ондық құрамын және “ондық” сөздерін жазудағы шартты қысқартуларды қайталату. Есептеп шығару үшін сандағы ондықтардың санын қосып, қасына нөл жазу сияқты меңгерілген әдісті пайдалануды ұсыну. Жауабы: 3 онд. + 4 онд. = 7 онд. 30 + 40 = 70. 7 онд. – 5 онд. = 2 онд. 70 – 50 = 20.				Есептеп шығар. Оқушыларға тапсырманы жұппен орындауды ұсыну. Олар торсықтың артында қандай сан жасырынып тұрғанын есептеп табады. Оқушылардан сұрау: “Қай амалдың компоненті белгісіз?”. Есептеу барысында оқушылар бірдей дөңгелек санды алу үшін 10-ды қосып немесе 10-ды азайтып алуға болатыны туралы қорытындыға келеді. Ең маңыздысы, тапсырманы орындау барысында алғашқы сөрелік нүктені анықтай алу болып табылады. Олар бұл үшін 1-ден 100-ге дейінгі демонстрациялық кестені пайдалана алады. Жауабы: а) 30;  ә) 90;   б) 60;   в) 0. Орындап көр. Оқушыларға тапсырманы өз беттерінше орындауды ұсыну. Олар жолдың ұзындығын дөңгелек сандарды қосу арқылы таба алады. Оқушыларды жұптастырып, өзара тексерту. Жауабы: 70. Ойлан. Оқушыларға “ойдағы санмен” сұрақ-жауап ұсыну. Оқушыларды тыңдап алыңыз және жауабын табу үшін олардың жасаған әдістерін талқылату. Жұптарға осыған ұқсас тапсырмалар ойлап табуды ұсыныңыз. Оқушылардың құрастырған жұмбақтарының бірнешеуін сынып болып шештіру. Жауабы: мен 30 санын жасырдым. Шығарып көр. Oқушылардың назарын есепті ашық әдісті пайдаланып шешу керектігіне аударту. Оқушыларға бір таңбалы сандармен әрекетті орындай келе, бірінші ондықтарды қосып, оның санын анықтауға мүмкіндік беру. Одан кейін бірліктермен де тапсырманы солай орындату. Жауапты дөңгелек санмен беру. Жауабы: 30 бала.
Тілдік құзыреттілікті қалыптастыру				Қосымша тапсырмалар
Сабақ барысында оқушылардың өз сөздерінде математикалық терминдерді дұрыс айтып және орынды қолдануына қолдау көрсетіп отыру. Топпен немесе жұппен талқылау кезінде оқушылардың коммуникативті дағдысы дамиды (бірін-бірі тыңдай білуі, өз көзқарасын дәлелдеп айта білуі, сұрақтарға негіздеп жауап беруі).				Құлыптың кілтін тап. Оқушылар тапсырманы орындағанда, астында мысалдар жазылған есіктер-ді осы мысалдың дұрыс жауабы жазылған кілтпен сызықтар арқылы сәйкестендеріп қосады. Жауабы: 60 + 10 = 70; 50 – 10 = 40; 70 + 10 = 80; 40 – 10 = 30. Білім сандығы. Оқушылар кестедегі бос орындарды толтыру арқылы өзара байланысты санды өрнектер (мысалдар) алады. Дифференциация үшін үшінші сандықтағы тапсырманы алуыңызға болады. Оқушылар өз бетінше дөңгелек сандарды таңдап алып, тапсырманы орындаудың өз нұсқасын алуына болады.
Бағалау		Оқушылар сабақтың соңында: Разряд арқылы 100-ге дейін аттамай қосу және азайтуды меңгереді. Оқушылардың тақырыпты меңгеру деңгейін тексеру үшін мынадай сұрақтар қою: — Егер біз 3 + 5-тің қанша болатынын білсек, онда 30 + 50 туралы не айтуға болады? — Асан фотоаппартымен табиғаттың 50 суретін және аңдардың 20 суретін түсірді. Асан барлығы неше сурет түсірді? — Қосу нәтижесі 80-ге тең. Қандай дөңгелек сандарды қостық? — 90-нан 30-ды азайт. Қандай сан шықты? Оқушылармен жұмыс дәптеріндегі “Жетістікбаспалдағымен” өзін-өзі бағалауға байланысты жұмыс өткізіңіз.

Күні:25.11.2016 ж.

Көркем  жазу.

Сабақтың тақырыбы:    Ғ  ғ  әрпі

Сабақтың мақсаты:   Әріпті таныту,  сөз буындарынан ажырата білуге,сауатты  жазуға,  көркем орындауға  дағдыландыру.  Сөздік қорын, байланыстырып сөйлеу қабілетін  дамыту.

Жабдығы:  әріп ,  кеспе  әріптер, суреттер.

Сабақ  барысы:       Ұйымдастыру  кезеңі

Дыбыс  ,  әріп  ұғымы бойынша  түсінігін  қалыптастыру.                                Жаңа   сабақ:                                                                                                Жаңылтпаш  айту.  Ерекше  дыбысты  аңғару,  атау.                                         Талғат,  балға  тап,                                                                                                     Тағы да жаңғақ  шақ,                                                                                                      Шақсаң, сақ шақ.                                                                                            Жұмбақтың  шешуін  тап.                                                                                Ұқсайды  өзі  шалғыға,                                                                                           Елестет көз алдыңа.                                                                                                 Кәне , ойланып  табайық,                                                                                     Болды екен бұл қай  әріп? «Ғ»                                                                               «Ғ»  дыбысына  сөздер  атау:   ғарыш,  Ғалым,  Ғабит  Ғазиз, ғылым,  ағаш,  таға,  жаға,  сағат,  қолғап.

Дәптермен  жұмыс:                                                                                                           Ғ  әрпінің  таңбалануын  түсіндіру.                                                                        Бас  және  кіші  элементтерінің  жазылуын  түсіндіру .                                         Қолды ауада  жаттықтыру.                                                                                  Сөздік  диктант  орындау:  таға,  аға,  ана,  ата,  апа,  нан,  аң  таң                         Адасқан  буындар

та	шы
аң	та
ап	ға

Сабақты  қорыту:   Ғ дыбысынан  басталатын  сөздерді  ата.

Ғ  дыбысы  қандай  дыбыс.?