Презинтация на казохском языке по хими

Сабақтың аты	Спирттердің химиялық қасиеттерін зерттеу
Сілтеме	Жоспар
Жалпы мақсаты	Спирттердің химиялық қасиеттерін зерттеу; спирттердің ерекше қасиеттерін білудегі сауаттылықтарын анықтау; теориялық білімдерін практикада қолдана білуге үйрету; өзара бірлесіп зертханалық жұмыс жасауға тәрбиелеу
Күтілетін нәтиже	·        Спирттердің химиялық қасиеттерін зерттейді ·        Теорияны практикамен ұштастырады ·        Бірлесіп зерттеу жұмыстарын жүргізуге дағдыланады
Негізгі идеялар	Спирттер – оттекті органикалық қосылыстар. Спирттер молекулалық массасына байланысты әр түрлі жалын шығарып жанады. Спирттер жай және күрделі заттармен әрекеттеседі.
Тапсырмалар	Топтық жұмыс «Спирттердің химиялық қасиеттерін зерттеу» Жеке жұмыс «Тесттік тапсырма»

Сабақ бойынша мұғалімнің жазбалары: ( мұғалім және оқушы немен айналысады)

І. Сынып оқушыларына жағымды ахуал туғызу, назарын сабаққа аудару, топқа бөлу

(2-3 минут) Спирттердің формулалары арқылы топқа бөлінеді.

ІІ. Үй тапсырмасын « Ыстық орындық» әдісімен сұрау. Әр топтан бір оқушыдан шығып оқушылардың сұрақтарына жауап беруі қажет.

ІІІ. Топтық жұмыс. Спирттердің қасиеттеріне зерттеу жұмысын жүргізу. Тақырыпты қытайдың ұлы ойшылы Конфуцийдің сөзі арқылы ашу:

Айтып берсең ұмытып қаламын,

Көрсетсең есімнен шығып кетеді,

Өзіме жасатсаң үйренемін.  Балалар осы ойдың бүгінгі сабаққа қандай қатысы бар?    Демек бүгінгі сабағымызда спирттердің қасиеттерін өз қолдарыңмен жасау арқылы зерттеу жұмыстарын жүргізесіңдер. Зерттеу жұмысы топпен жүргізіледі. Топ мүшелері араларынан топ басшысы , баяндамашы, хатшы, уақыт сақшысы және бақылаушыны анықтап алуы қажет. Әр топ өз ортасында берілген тапсырманы талқылап,  теориялық  қорытынды жасап  , оны тәжірибе жүзінде іске асырады. Топтық жұмысты баяндамашы ортада қорғап шығуы қажет.

І топтың тапсырмасы:  Этил спиртінің металдармен әрекеттесуіне зерттеу жүргізу.

ІІ топтың тапсырмасы: Спирттердің жануына зерттеу жүргізу.

ІІІ топтың  топсырмасы: Этил спирті молекуласының шарөзекті моделін құрастыру және құрылысын түсіндіру.

Топтық жұмыс критерий арқылы бағаланады.

Дескрипторлар	1	2	3
Теориялық білімді меңгеруі
Теорияның практикамен ұштасуы
Химиялық тіл байлығы
Барлығы

ІҮ. « Бойымызды жазып, ойымызды сергітейік»

1. Спирттердің құрамында кездесетін бір химимялық  элементтің реттік санын ойла

2. Оны екіге көбейт

3. Шыққан санға 5-ті қос

4.Одан шыққан санды 5-ке көбейт

5. Шыққан санның соңғы санын алып таста

6. Шыққан саннан 2-ні азайт

Сонда бастапқы ойлаған элементтің реттік нөмірі шығады.

Ү. «Үнсіз тәжірибені сөйлетейік.» Мұғалім  үнсіз этил спиртінің дегидратациялау реакциясын жасайды . Реакция нәтижесінде түзілген этилен газын жағу арқылы дәлелдеп көрсетеді. Топтың міндеті үнсіз жасалынған тәжірибеге тіл бітіру, яғни реакция теңдеулерін жазып түсіндіріп берулері керек. Топ мүшелері төмендегі сұрақтарға жауап берулері тиіс:           ммТ

1.Реакция нәтижесінде қандай зат түзіледі?

Химиялық реакция теңдеуін жазып көрсетіңдер.

Бұл реакция қалай аталады?

2. Күкірт қышқылының бұл реакцияда атқаратын рөлі қандай?                    3.Шырпыны не үшін жақты?

Реакция теңдеуін жазып көрсетіңдер.

Бұл реакция қалай аталады?

Топтық жұмыс «Екі жұлдыз, бір ұсыныс » арқылы бағаланады.

ҮІ. Жеке жұмыс. Тест тапсырмасы.

1.Спирттердің жалпы формуласы   а)   С_пН_2п+1СООН             б)      С_пН_2п+1ОН

                                                             в )  С_пН_2п+1СОН               г )      С_пН_2п+2

2.Этил спиртінің молекулалық

а )   32        б )  92      в )   46         г )   16

3. Метил спирті

а ) бір атомды спирт      б )  екі атомды спирт   в ) үш атомды спирт    г )  көп атомды спирт

4. Этил спирті натриймен әрекеттескенде түзілетін өнімдер

а )  С₂Н₅О Na  + Н₂á             б ) С₂Н₅О Na  + Н₂О

в ) СО₂ + Н₂О                                      г ) NаОН  +  С₂Н₆

5. Спирттердің агрегаттық күйі

а )  сұйық       б )   газ          в )     қатты        г )  барлық жауаптар дұрыс

6. Этил спиртінің  құрамындағы көміртектің массалық үлесі

а )  52%            б )    48%            в)   32 %               г )   72 %

7. Спирттердің молекулаларының арасындағы байланыс түрі

а )  ковалентті полюсті     б )  сутектік      в )  ковалентті полюссіз     г ) иондық

8. Спирттердің функционалдық тобы

а )  ОН          б )    СООН                 в )   СОН                        г) – Н

9. Спирттер жанғанда түзілетін өнімдер

а)  СО + Н₂ á    б)   СО₂  +Н₂О          в)  СН₂  + О₂              г)   СО₂

10. Этил спиртінің қайнау температурасы

а)   87 ⁰С        б)   78 ⁰С           в)   117 ⁰С             г)    102  ^оС

Жеке жұмысты әрбір оқушы дайын жауапқа қарап отырып өзін-өзі бағалайды.

ҮІІ. Үйге тапсырма: « Спирттің пайдасы мен зияны» тақырыбында реферат жазып келу.