Разработка внеклассного мероприятия "Ҡролтай"

Ҡоролтай

Маҡсаттар:тыуған ергә,төйәккә мәхәббәт тойғолары,ҡаршылыҡтар алдында юғалып ҡалмаҫлыҡ көслө рухлы шәхестәр,илһөйәрҙәр тәрбиәләү.

Йыһаз:залдың түшәменә таҫма менән уратылған дүнгәрәк аҫып,тирмә көмбәҙе яһалған.СтеналаБР менәнРФ гербтары,флагтары.Дуҫлыҡ монументы, шәжәрәләр.

 (Сәхнә артынан «Дуҫлыҡ»йыры яңғырай.)

Сәхнәгә 2 алып барыусы сыға.

1-се алып барыусы:

Һаумыһығыҙ тип башлайым әле.

Күрешеү бит ошолай башлана,

Һеҙҙең менән осрашҡанға,дуҫтар

Күңелебеҙ шундай шатлана.

2-се алып барыусы:

               Һаумыһығыҙ,һаумы әле!

               Шундай матур һүҙ икән

                Һәр күңелде иретерлек,                            1.

                 Һәр кемгә лә үҙ икән.

                Берәү әйтә танышына:

                 «Туған хәйерле иртә!  »  

              Йылы һүҙҙән тыуған шатлыҡ көнө буйына етә.

(уҡыусы балалар сығалар)

1-се уҡыусы:

              Ҡарап тормай ара йыраҡҡа

Дуҫтар килә беҙгә ҡунаҡҡа

Дуҫлыҡ бит ул тормош биҙәге.

 Дуҫлыҡ бит ул Ватан терәге

2-се уҡыусы:

Китғаларға,утрауҙарға

Бүлгәләнгән ер шары.

Бер яғында ҡарҙар ирей,

Боҙ ҡаплаған бер яғын.

3-сө уҡыусы:

               Бер яғында мин йәшәйем

Һыуым,урмандарым бар.

Бар шатлығым бүлешерлек

Дуҫтарым,туғандарым бар.

4-се уҡыусы:

           Улар ерҙең һәр яғында

           Тауҙар,дингеҙҙәр аша

            Дингеҙ нимә!Дуҫлыҡ ебе

            Йөрәктәрҙә тоташа.

1 алып барыусы:                                                            

беҙ бөгөн мәктәп тарихында беренсе тапҡыр ҡоролтай үткәреү маҡсаты менән ошо аҡ тирмәгә йыйылдыҡ. Беҙҙең ҡоролтайға Баҡалы районының дүрт ауылынан бик күп делегаттар саҡырылды.

2-се алып барыусы:

 Ата-бабаларыбыҙҙан ҡалған изге йола

–        йыйын йыйып,халыҡ уйнатыу,    

Мәргән һүҙ әйтешеп,тарих һөйләп,

Уйнап-бейеп, күңел йыуатыу.

Беҙҙә йыйын , әйҙә йыйын,

Һүҙ уйнатып,күңел асырға,

Йырҙар йырлап,бейей-бейей,

Тыпырҙатып килтереп баҫырға.

( уҡыусылар башҡарыуында башҡорт бейеүе)

                  Гимн яңғырай.

1-алып барыусы:ҡоролтай-башҡорт халҡының ил, ер,халыҡ яҙмышын уйлап,төрлө яҡлап самалап һәр тарафты тыңлап,аҡһаҡалдар һәм зыялар аҡылына таянып, фекерҙәр туплай, ҡарарҙар ҡабул итә торған изге бер йыйын икәне һәммәбеҙҙә беләбеҙ.Яҡшы етди һынауҙар алдынан хата бер- береһе менән дошманлашҡан ҡәбиләләр ҙә ҡоролтайға ойошоп,уртаҡ фекергә килгән.Бынан 450 йыл элек   бабаларыбыҙҙа ҙур йыйынға йыйылып ил яҙмышын хәл иткәндәр.Үҙҙәренең ерен,һыуын,азатлығын һаҡлап ҡалыр өсөн рус дәүләтенә ҡуышылып,сәселеп йәшәгән башҡорт ырыуҙарын бергә йыйып мөһабәт дәүләт төҙөгәндәр.

     Бына бөгөн дә беҙ һеҙҙең менән ата- бабаларыбыҙҙан ҡалышмай етди һөйләшеүҙәргә,киләһе быуынды тормошҡа актив ҡарашта милли һәм бөтөн донъя мәҙәниәтен сағыштыра алған ирекле шәхес һәм ирекле милләтте айыра белгән быуындарҙы тәрбиәләү

мәсьәләләрен һәм бурыстарын ҡарарға йыйындыҡ.

2-се алып барыусы:бының өсөн беҙ тәүҙә балаларҙы халҡыбыҙҙың үткән тарихы йолалары, традициялары менән таныштырырға тейешбеҙ.Уларҙа тыуған илгә
. тыуған ергә, уның тәбиғәтенә,туған телгә мөхәббәт тәрбиәләргә һәм үҙҙәренең тамырҙарың онотмаҫҡа ярҙам итәргә тейешбеҙ.Ә хәҙер Инде, бөгөнгө ҡоролтайҙың көн тәртибе менән таныштырыу өсөн һүҙҙе уҡытыу бүлеге буйынса директор урынбаҫары:

 Ямалиева Лада Николай  ҡыҙына бирәбеҙ.

                            ПЛАН:

1.Уҡыусыларҙың ижади эштәре -шәжәрә.

2.Доклад-Патриотик тәрбиә,тыуған илгә,ергә мөхәббәт тәрбиәләү.(уҡый Камаева Миләүшә Тимерғәзим ҡыҙы.)

3.»Беҙ дуҫлыҡ менән көслө»-башланғыс синыф уҡыусыларының музыкаль композицияһы һәм Башҡортостандың 450 йыллығына арналған шиғырҙар.

4.Һәр бер сек циянең үҙ планы буйынса эштәре.

( Ошо эш тәртибе менән ризалашһағыҙ ҡоролтай үҙ эшен башлай.)

1-се алып барыусы:ҡунаҡтар араһында беҙҙең ауылда беренсе тапҡыр булған кешеләрҙә бар.Әйҙәгеҙ балалар ауылыбыҙ, мәктәбебеҙ тарихы менән ҡунаҡтарҙы таныштырып үтәйек.

                    ( уҡыусыларҙың сығышы)

2-се алып барыусы:ауыл тарихы тураһында һөйләгәндә ауыл халҡы тураһында һөйләмәү мөмкин түгел.

1-се алып барыусы: ауылыбыҙҙа маяҡ булып торорлоҡ шәхәстәр бик күп,шуға күрәлә беҙҙең уҡыусыларыбыҙ үҙҙәренең тамырҙарын онотмаҫҡа тырышалар,эҙләнеүҙәр алып баралар.Бөгөнгө көндә  уҡыусыларыбыҙ үҙҙәренең тамырҙарын 5-7 быуынға тиклем аяҡҡа баҫтырҙылар.Үҙҙәренең шәжәрәләрен төҙөнөләр.

2-се алып барыусы:

                                 Шәжәрә- ул сал тарихҡа бағыр              тәҙрә,

 Күҙ яҙҙырһаң,шул тәҙрәнән атыр йәҙрә.

Ал бер үрнәк- бал ҡорттары төҙөй кәрәҙ

Һин дә ятма:ҡор ояңды, үр шәжәрә!

Шәжәрәмдә-сал тарихы бабаларҙың,

Бөгөнөмдә -киләсәгем,бабаларым.

Уралымдың яҙыласаҡ,яңырасаҡ

Шәжәрәһе-башҡортомдоң ал ҡанында!

1-се алып барыусы:

Ата-бабам эҙен юллап сумам тарихтарға,

Ырыу ҡаны тарта мине төрлө тарафтарҙан.

Һәр исеме –телле,

                                   түлле,

                                              Ерле шәжәрәмдең,

                                                        Ғазап,

                                                                 Хафа,

                                                                              Ҡомар,

                                                                          Оран

                                Ҡайнай ҡараштарҙа!

2-се алып барыусы:уҡыусыларыбыҙҙың шәжәрә өҫтөндә эшләүҙәре,уларҙың ҙур ғилми асыштары булып тора.Ошондай асыштарҙың береһе менән һеҙҙе лә таныштырып китәбеҙ.Ҡамышлы,Урманай,Мостафа мәктәптәре сығыш яһарға әҙерләнеп торалар.

( уҡыусыларҙың ижади-ғилми сығышы)

1-се алып барыусы:аҡыл төбө - белемдә,белем башы-мәктәптә тип тиккә генә әйтмәйҙәр.

Һәр ауылдың культура һәм белем усағы булып мәктәп тора.

                  (уҡыусылар ҡунаҡтарҙы мәктәп тарихы менән таныштырып китәләр.)

2-се алып барыусы: эйе,беҙҙең Куштирәк урта мәктәбенең тарихы бай,үҫештәре күркәм. Быны күптән түгел район мәғарифе бүлеге тарафынан үткәрелгән фронталь тикшереүҙәр ҙә иҫбатланы.

( һүҙҙе мәктәп директоры Бәҙретдинов Ф. Ғ.бирәбеҙ.)

1-се алып барысы:мәктәбебеҙҙең оло бер тәрбиәүи тармағы булып,уҡыусыларҙа тыуған илде, тәбиғәтте һаҡлау, яратыу тойғолары тәрбиәләү тора.Хәҙер һүҙҙе патриотик тәрбиә тураһында доклад менән сығыш яһаусы Миләүшә Тимерғәзим ҡыҙына бирәбеҙ.

                   ( доклад.)

2-се алып барыусы:тыуған илгә тоғро булырға,яратырға, ғорурланырға дуҫлыҡ ярҙам итә.Дуҫлыҡ ептәре баласаҡ илендә һуҙыла,шуға күрә лә беҙ һүҙҙе башланғыс синыф уҡыусыларына бирәбеҙ.

( башланғыс синыф уҡыусыларының сығышы)

Ошондай матур гүзәл ерҙә тыуғанға,Эйе,ысынлап та беҙ дуҫлыҡ булғанға көслө бәхетле.Хәҙер һеҙҙең иғтибарығыҙға 450  йыллыҡҡа арналған шиғырҙар тәҡдим итеп һүҙҙе Ҡуштирәк урта мәктәбе уҡыусыларына бирәбеҙ.

(уҡыусыларҙың сығышы.)

2-се алып барыусы:донъя яратылғандан бирле нисәмә-нисә быуаттар үткән.Күпме ваҡиғалар булған.Дәрйәләр кипкән,тауҙар емерелгән.Ҡом сүлдәрендә мәһабәт тауҙар ҡалыҡҡан.Баш осонда ап-аҡ болоттар йөҙгән,аҡ болоттар ергә шифалы тамсыларын һипкән.икмәк үҫкән,мал ишәйгән.Яңы йорттарға нигеҙ һалынған,бәйеттәр һөйләнгән,көйҙәр көйләнгән,нәҫел үрсегән.

Ошо тамсыларҙың һәр береһе шифалы булған кеүек,беҙ Башҡортостанда йәшәүсе татар, башҡорт,рус  Һ.б милләт кешеләре йәшәгән төйәгебеҙҙең муллығын,байлығын арттырырға,үҙебеҙҙән һуң маҡтап һөйләрлек эҙ ҡалдырырға тейешбеҙ.Шуға күрә бары тик татыулыҡҡа,тыныслыҡҡа омтолайыҡ.Ошо ваҡытта ғына халҡыбыҙ күп милләтле, республикабыҙҙа яҡшы йәшәр.

1-се алып барыусы:ҡоролтайыбыҙ гөрләп үтте.

Хәҙер ҡоролтайҙа күтәрелгән һорауҙар буйынса түбәндәге ҡарарҙарҙы  ҡабул иттәргә тәҡдим итәбеҙ.

1.Ата- бабаларыбыҙҙың изге йолаларын һәм тарихын онотмаҫҡа, уларҙы һаҡларға.

2.Матур итеп һөйләй һәм үҙенең фекере булған, белемле, туған телгә,халыҡҡа,Ватанға,ата- анаға иғтибарлы булған шәхесте халыҡ педагогикаһы аша яңы технологиялар ҡулланып тәрбиәләү.

3.Тормошҡа актив ҡарашта, милли һәм бөтөн донъя мәҙәниәтен сағыштыра алған ирекле шәхес тәрбиәләү.

(ҡарарҙы ҡабул итеү,өҫтәлмәләр индереү )

Хәҙер секцияларға таралабыҙ,иғтибарығыҙ өсөн рәхмәт.