Сабақ география пәнінен "Орталық Қазақстан" (9-сынып)

Қостанай облысы Амангелді ауданы

Байғабыл ауылы

«А. Нұрманов  атындағы

жалпы білім беретін орта мектебі» КММ

География пәні мұғалімі

Кусайнова Қарлығаш Талгатовна

Күні: 18.02.17                  Сыныбы: 9

Тақырыбы:   Орталық Қазақстан
Сабақтың мақсаты:
Білімділік: Орталық Қазақстан экономикалық ауданының экономикалық-географиялық жағдайы мен табиғат ресурстары, халқы және Қ.И.Сәтбаев зерттеулерінің маңызы туралы мәліметтерді, оқулық мәтінін пайдалана отырып, оқушылардың өз бетімен жұмыс жасау дағдысын қалыптастыру.
Дамытушылық: Оқушының тез қабылдауына жол ашу, ой қиялына ерік бере отырып, өз пікірін айтуға, қорытынды шығаруға төселдіру, теориялық білімін, зейінін дамыту, өз бетімен ізденуге дағдыландыра отырып, оқушының ойын, қабілетін дамыту.
Тәрбиелік: Отанын сүюге, еңбек сүйгіштікке, патриоттық сезімге, адамгершілікке, сыйластыққа  тәрбиелеу.
Сабақтың түрі: жаңа сабақ

Сабақтың әдіс-тәсілдері: СТО стратегиялары, сатылай кешенді талдау, топтық, жұптық жұмыс.

Сабақтың формасы: топтық

Сабақтың көрнекілігі: интерактивті тақта, плакаттар, атлас, кескін карта

Сабақтың барысы:

І. Ұйымдастыру кезеңі:

Оқушылармен амандасу, түгендеу, екі түс арқылы топқа бөлу: көк түс – аспан, ту, сары түс – күннің шуағы.

Психологиялық дайындық.

Тақтадағы суретке назар аударайық. Бұл бояусыз, жаны жоқ жүрек. Ал адам жүрегі үнемі жақсы сөз, жылы тілек іздейді. Сондықтан осыған жылу беріп, жандандыру үшін қолымыздағы жүрекшелерге тілек жазып, ортақ үлкен жүрекке жапсырамыз.

Сонымен манағы жансыз жүрек нұрлы жүрекке айналды. Біз бір-бірімізге деген жақсы ниет, ақ көңілмен сабағымызды бастаймыз.

 ІІ. Қызығушылықты ояту.

Қазақстан шаруашылығын аумақтық ұйымдастыру және экономикалық аудандастыру.

Баламалы тест. (ия, жоқ)

1.     Қазақстан – жер көлемі жағынан дүниежүзінде 9-шы, Еуразияда 4-ші, ТМД-да 2-ші орынды алатын ірі мемлекет. (иә)

2.     Қазақстан әр түрлі құрал-жабдықтар, табиғи газ, жеңіл өнеркәсіп өнімдерін экспорттайды  (жоқ)

3.     Мамандану – кәсіпорынның біртекті өнім шығаруы. (иә)

4.     Аумақтық еңбек бөлінісінің нәтижесінде қалыптасқан және шаруашылығының мамандануы мен кешенді дамуы жағынан бір-бірінен айырмашылығы бар елдің бөлігін экономикалық аудан дейміз. (иә)

5.     Географиялық еңбек бөлінісі нәтижесінде экономикалық аудандар қалыптасты. (иә)

6.     Өнеркәсіп торабы – бұл бір-бірімен өндірістік байланысы бар, бір немесе бірнеше салаларды біріктіру. (жоқ. Өнеркәсіпті аудан) 

7.      «Аймақтарды дамыту» бағдарламасы 2012 жылы қабылданған.(жоқ 2011жылы)

8.     Владимир Иванович Вернадский Қазақстан жерін бес экономикалық ауданға бөлді. (жоқ. Н.Н.Баранский)

Екі топқа тапсырма: Сәйкестендіру.

І топқа

Экономикалық аудан	Облысы
Орталық Қазақстан                                                    экономикалық ауданы	Жамбыл, Қызылорда, Алматы, Оңтүстік Қазақстан
Оңтүстік Қазақстан                                                 экономикалық ауданы	Ақмола, Қостанай, Павлодар, Солтүстік Қазақстан
Солтүстік Қазақстан                                                 экономикалық ауданы	Ақтөбе, Атырау, Маңғыстау, Батыс Қазақстан
Шығыс Қазақстан                                                         экономикалық ауданы	Қарағанды
Батыс Қазақстан                                                   экономикалық ауданы	Шығыс Қазақстан

 ІІ топқа.

Экономикалық аудан	Өнеркәсіп өнімдері
Орталық Қазақстан                                                    экономикалық ауданы	Май өнімдері
Оңтүстік Қазақстан                                                 экономикалық ауданы	Мұнай
Солтүстік Қазақстан                                                 экономикалық ауданы	Көмір, қара металл
Шығыс Қазақстан                                                         экономикалық ауданы	Астық және сүт өнімдері, көмір, қара металл
Батыс Қазақстан                                                   экономикалық ауданы	Қант, май

ІІІ. Мағынаны тану.

     Қазақстанның экономикалық аудандарының бірі Орталық Қазақстан алып жатқан ауданы бойынша бірінші орында және жеріне  Европаның Англия, Бельгия, Голландия, Дания елдері сыйып кетеді.

а) Тапсырма: Жаңа тақырыпты оқып шығуға 5 минут беріледі.  Берілген тақырыптарын оқулықты пайдалана отырып, тірек сызба сызу арқылы қорғау. 

І топқа – ЭГЖ мен табиғат ресурстары.

ІІ топқа – Халқы, аумақтың дамуындағы Қ.Сәтбаев зерттеулерінің маңызы.

ә) Тапсырма: Алған білімдеріңізді  сатылай кешенді талдау әдісі және кескін карта толтыру арқылы дәлелдеу.

ІҮ. Ой толғау.   Тақырып бойынша түйін сөз айту.  

Ү. Қорытынды.

Сонымен, балалар біз бүгін Орталық Қазақстан экономикалық ауданының экономикалық-географиялық жағдайы мен табиғат ресурстары, халқы және Қ.И.Сәтбаев зерттеулерінің маңызы туралы білім алдық.

ҮІ. Үйге тапсырма. § 37 оқу. «Орталық Қазақстанның болашақ келбеті» тақырыбында эссе жазу.

ҮІІ. Бағалау.

Оқушының аты-жөні:
Үй тапсырмасы		Мағынаны тану		Ой толғау
Сәйкестендіру	Баламалы тест	Тірек сызба	Алған  білімді дәлелдеу	Түйін сөз

Мен үшін қиын болды – 1 ұпай Сұраққа жауап беруге қиналдым, бірақ кедергіден өттім – 2 ұпай Тақырыпты толық меңгердім – 3 ұпай

1-7 – «2» 8-10 – «3» 11-13 – «4» 14-15 – «5»