Сабақ жоспары "Өрік гүлдеп"

1 — ұйымдастырылған оқу іс -қызметінің технологиялық картасы

Күні: 02.04.2018

Білім беру саласы: Коммуникация

Бөлімі: Сөйлеуді дамыту

Оқу іс-қызметінің тақырыбы: «Өрік гүлдеп» Т.Молдағалиев

Мақсаты: 1. Білім әлемі туралы түсінік беру. Өлеңнің мазмұнын түсіндіру.

2. Саяхат жасау арқылы балалардың білімге деген құштарлықтарын арттырып, қиялдарын дамыту.

3. Ұжымды достық қарым-қатынасқа тәрбиелеу.

Көрнекіліктері: мектепке, балабақшаға кетіп бара жатқан балалардың суреттері.

Қостілділік компонент: білім – знание, мектеп – школа, күн – день, әлем – мир.

Іс-әрекет кезеңдері	Тәрбиеші әрекеті	Балалардың іс-әрекеті
Мотивациялық-қозғаушылық	І. Ұйымдастыру кезеңі. 1. Шаттық шеңберін ұйымдастыру. – Балалар, бүгін керемет көңіл күймен бір-бірімізге қуаныш сыйлайық.: – Армысың асыл күн, армысың жан досым. — Жылуыма жылу қос, міне, қолым бос.	Шаттық шеңберін айтады.
Ұйымдастыру-іздестіру	2. Тәрбиеші балаларға «Білім» еліне саяхатқа шығатындарын, оқу іс-қызметі барысында бірнеше аялдама болатындығын, әр аялдамада сұрақтарға жауап беретіндіктерін, тапсырмаларды орындап және дыбыстар мен әріптер, сандар жайлы мәлімет алатынын хабарлайды. 3. «Әдебиет әлемінде» аялдамасы. Бұл аялдамада өлең-тақпақтар, жұмбақ-жаңылтпаш, ертегілер, қызықты әңгімелер жайлы қысқаша мағлұмат беріледі. – Қандай өлең немесе ертегі білесіңдер? 4. «Әріптер әлемінде» аялдамасы. – Дыбысты айтамыз, естиміз. – Әріп – дыбыстың таңбасы. Әріпті жазамыз. – Балалар, әрқайсысының есімдеріңнің қай дыбыстан басталатынын айтыңдар. – Менің атым – Сағыныш. Менің атым С дыбысынан басталады. 5. «Дұрыс айт» дидактикалық ойыны. Тәрбиеші дауысты а дыбысының әртүрлі интонациямен айтылатынын мысалдар арқылы айтып көрсетеді. Сонан соң балалар бірнеше рет қайталайды. 1. Дәрігерге келген бала ауызын кең ашып: «А-а-а», — деп айтады. 2. Қыз бала: «А-а-а», — деп әндетеді. 6. «Математика әлемі» аялдамасында математикалық ұғымдармен, таңбалармен, геометриялық пішіндермен танысады. 1. Балалар онға дейін санайды. 2. Тәрбиеші геометриялық фигуралардың суретін көрсетеді, балалар айтады. Мысалы: үшбұрыш, төртбұрыш, т.б. 3. Математикалық есеп шығарады. – Балалар, «Білім» елі сендерге ұнады ма? «Білім – сарқылмас қазына» дейді. Өмірде тек білімді ғана емес, қайырымды, мейірімді болу керек. Білімді, тәрбиелі адам Отанының өсіп-өркендеуіне үлесін қосады. Т.Молдағалиевтың «Өрік гүлдеп» Өлеңін оқып мазмұнын түсіндіреді. 7. Дәптермен жұмыс: б) Дәптерде берілген мақал-мәтелдің мағынасын түсіндіру, жаттату: Жер – ырыстың кіндігі, Білім – ырыстың тізгінін.	Саяхатқа шығады. . Балалар дидактикалық ойынды ойнайды. Дәптермен жұмыс жасайды.
Рефлексивті-түзетушілік	ІІ. Оқу іс-әрекетін қорыту. Сұрақ – жауап әдісі бойынша оқу іс — әрекетін қорыту. Балалар сендерге Т.Молдағалиевтың өлеңі ұнады ма? Не туралы айтылған?	Сұрақтарға жауап береді.

Күтілетін нәтиже: Нені біледі: Өлеңнің мазмұнын игереді

 Қандай түсініктерді игерді: саяхат жасау арқылы балалардың білімге деген құштарлықтарын арттырып, қиялдарын дамыту.