Сабақ жоспары "Сөздердің байланысу түрлеріі"

Уақыты:	Қазақ тілі	Мұғалім:	Сынып:
Сабақ тақырыбы:	Сөздердің байланысу түрлері Қиысу.Матасу. Қабысу.Жанасу.Меңгеру.
Жалпы мақсат:	1.Білімділік: Сөз тіркесінің байланысу түрінен оқушылардың алған теориялық білімдерін практикалық тұрғыда тексеру, кеңейту;  2.Дамытушылық: Сөйлеу тілдерін жетілдіру, шығармашылық қабілеттерін  дамытуға жұмыстар жүргізу, сөз тіркестері туралы білімдерін дамыту;  3. Тәрбиелік: Талдауға алынған мысалдар арқылы адалдыққа,  еңбексүйгіштікке, бауырмалдыққа, туған жерін сүюге тәрбиелеу.
Сілтеме:	Мұғалімдерге арналған нұсқаулық Қазақ тілі мен әдебиеті оқыту әдістемесі  7-сыныпқа арналған  қазақ тілі оқулығы  Үлестірме материалдары
Оқу нәтижесі:	Әр оқушының өзіндік ой-қиялына ерік бере отырып, оқушыларды шығармашылықпен жұмыс істеуіне жағдай жасау
Сабақта қолданылатын материалдар:	Интерактивті тақтамен жұмыс, үнтаспа
Оқыту әдістері:	Оқыту мен оқудағы жаңа әдіс-тәсілдер, оқытуда  АКТ-ны  пай-далану, сыни тұрғыдан ойлауға үйрету, оқыту үшін бағалау және оқуды бағалау.

Сабақ  барысындағы  мұғалім мен оқушының іс-әрекеті:

Оқушыларға психологиялық ахуал туғызу	Мұғалімнің іс-әрекеті	Оқушының іс-әрекеті
	Сәлемдесу, түгендеу, Оқушылар назарын сабаққа аудару, қызығушылықтарын ояту, психогологиялық ахуал орнату, деңгейлік тапсырмалар беру	Шарлар арқылы топтарға бөлу.
Қызығушылықты ояту	«Кім жылдам?» тапсырмасы арқылы оқушыларға ұяшықтардың біреуін таңдатады. Осы тапсырмада  өткен тақырыптар бойынша жаңа сабақты меңгеруге негіз болатын  қайталау сұрақтарын береді.	Талдау,жинақтау,қорыту
Жаңа тақырып	Бізден сұрақ – сізден жауап Синтаксис нені зерттейді? Сөз тіркесі дегеніміз не? Сөз тіркесінің күрделі сөздер мен тұрақты тіркестерден айырмашылықтарын ата Сөз тіркесінің түрлерін ата Сөз тіркесінің айрықша белгілерін ата Сөз тіркесінің байланысу тәсілдерін ата Сөздердің байланысу түрлері ● Түрі: Қиысу Ережесі: Сөздердің жіктік жалғауы арқылы байланысуы. Немесе бастауыш пен баяндауыштың байланысуы Мысылы: І. Мен жазушымын ІІ. Сен бала - сың ІІІ. Біз барған - быз ● Түрі. Матасу Ережесі: 1. Ілік септігіндегі сөз бен тәуелдік жалғаулы сөздің байланысуы. 2. Кейде ілік септігі түсіріліп беріледі Мысалы: Бала – ның үй - і, біз - дің гүл - іміз. Ауыл тұрғындары ● Түрі: Меңгеру Ережесі: Сөздердің ілік септіктен басқа септіктердің жалғаулары арқылы байланысуы Мысалы: Су - ды төкті. Ағасы – на берді. Біз - ден сұрады. ● Түрі: Қабысу Ережесі: Сөздердің ешбір жалғаулықсыз тек орын тәртібі арқылы қатар тұрып байланысуы. Олардың арасына басқа сөз енгізуге келмейді. Мысалы: Қара қалам, қызықты оқиға, төрт батыр, алтын сағат. ● Түрі: Жанасу Ережесі: Сөздердің ешбір жалғаулықсыз бірде іргелес, бірде алшақ тұрып байланысуы. Негізінен үстеу мен етістік жанаса байланысады. Мысалы: Кеше болды, әдейі келді, сол арқылы білдім.
Сергіту сәті	« Суреттерді аяқтайық » жаттығуы  Мақсаты : Оқушылардың логикалық ойлауын , көру арқылы есте сақтауын , ойша жұмыс істей білуін дамыту .  Алдын-ала тақтаға мысықтың және қоянның құлақтары салынған плакат ілініп дайындалады . Оқушылардың көздері шарфпен байланады да , олар кезек-кезекпен шығып , бірі денесін , бірі басын , бірі аяғын салады , осылайша жалғаса береді .	Оқушылар сергіп, демалады
Шығармашылық жұмыс	Бекіту сұрақтары: Сөз тіркесінің байланысу түрінің ерекшелігі неде? Сөздердің байланысу тәсілдері қалай жасалады? Сөздердің қанша байланысу түрі бар? Матасу қандай байланыс? Мысал келтір. Меңгере байланысу қалай жасалады? Мысал келтір. Қабыса байланысу қалай жасалады? Мысал келтір. Жанасу қандай байланыс? Мысал келтір. Қиысудың басқа байланыс түрлерінен ерекшелігі неде?	Оқушылар сұрақтарға жауап береді Білу, түсіну, қолдану. Әр топ- тың спикері шығып қорғайды
Үйге тапсырмасын  беру	Оқулықтағы тапсырмаларды орындау	Үй тапсырмасын білу, түртіп алу
Бағалау	Формативті бағалау	Топтардың бірін-бірі  бағалауы
Рефлексия	Сабақтан алған әсерлері мен ұсыныстары туралы қысқаша жаздыру	«Екі жұлдыз, бір тілек »