Сабақ жоспары: "Таңғажайып жануарлар «Адам және аң атты» екі мүсінді композиция" (3-сынып)

Пәні:	Бейнелеу өнері.
Сыныбы:	3
Уақыты:
Сабақтың  тақырыбы:	Пропорция туралы түсінік бөлімі. Таңғажайып жануарлар «Адам және аң атты» екі мүсінді композиция
Құзыреттілікке  жеткізетін  сабақтың  мақсат- міндеттері: а)ақпараттық: ә)коммуникативтік  б)проблеманы  шешу	Оқушыларға пропорция туралы түсінік беру адам мен аңдардың пропорциялық ерекшеліктерімен таныстыру. Олардың порпорцияларын дәл беріп, бейнелеуге үйрету. Адам мен аңдардың түсі, пішіні мен дене бөліктерін сәйкестендіру арқылы олардың айырмашылығын байқауға тәрбиелеу. Оқушылардың бейнелі ойлау, қол икемділігі, пропорциямен  жұмыс істеу қабілеттерін қалыптастырып дамыту.
Сабақтың  типі:	Аралас сабақ.
Сабақта  қолданылатын  педагогикалық  технологиялар:	Ізгілендіру технологиясы технологиясы.
Сабақтың  әдісі-тәсілдері:	Түсіндіру, сурет салу, кітаппен жұмыс, топтық жұмыс, ойын әдісі.
Пәнаралық  байланыс:	Дүниетану, әдебиеттік оқу.
Оқыту  құралдары:	Суреттер, видеоролик, үнтаспа.
Қажетті құрал – жабдықтар:	Қарындаш, альбом, бояу, тақта, су құятын сауыт, қол орамал.
Сабақтың  барысы	Мұғалімнің  қызметі:	Оқушының  қызметі:	Күтілетін  нәтиже:
І.Ұйымдастыру  бөлімі.	- Сәлеметсіздер ме, оқушылар - Отырыңыздар - Көңіл-күйлеріңіз қалай? - Сабаққа дайынсыздар ма?	Мұғаліммен амандасып, орыңдарына отырады. Жақсы екендігін айтады Сабаққа дайын екендерін айтады.	Оқушылармен қарым-қатынас орнауы. Сабаққа деген қызығушылықтарын артуы.
II.Үй тапсырмасын тексеру. III.  Өткен материалды қайталау арқылы жаңа материалды қабылдауға дайындық. ІV. Жаңа материалды хабарлау. Қызығушылығын ояту. V.Машықтық кезең: VI. Сабақты бекіту:	Оқушылар үйге қандай тапсырма берілді? Оқушылардың сурет альбомын қарап бағалаймын. Оқушылар мен сіздерге өткен тақырып бойынша сұрақ  қоямын ал сендер жауап бересіңдер. 1.Композиция деген не? 2.Композицияның түрлерін ата. 3.Пейзаж деген не? -Оқушылар бүгін біз оқулықтағы 70 беттегі «Пропорция туралы түсінік» бөлімін бастаймыз. Пропорция сөзі латын тілінен аударылғанда «арақатынас» немесе «шамалас» деген ұғымды білдіреді. Бейнелеу өнерінде «пропорция» деп бейнелеуші нәрсенің бөлшектерінің өлшемдік қатынасы немесе туындыдағы бейнеленген жеке нәрселердің өлшемдік сәйкестілігін айтады. Әр нәрсенің пропорциясы оның құрылысының ерекшеліктеріне тығыз байланысты. Сурет салғанда заттың өзіне тән ерекшеліктерін, оның пропорцияларын биіктігінің көлденеңіне, бір бөлімінің екінші бөлігіне шама қатынасын анықтап алу қажет. Сурет салғанда жалпыдан жекеге көшу принципін ұстану керек.   Оқушылар енді біз 70 беттегі «Таңғажайып жануарлар» тақырыбын өтеміз.  Сен барлық құстардың дене құрылысы бірдей екенін білесің.и дегенмен олар әр түрлі. Сен қалай ойлайсың, неліктен? Түсінуге тырысып көр.  Жоғарыдағы фотосуреттен бірқазандарды көріп тұрсың. Бұл құстардың тұлғасы орташа, басы шағын ғана, ал тұмсығы ұзын. Тұмсығының астында 5 литр суға дейін көтере алатын тамақ қалтасы бар.    Аққудың мойны бірқазанға қарағанда ұзынырақ, ал тұмсығы қысқа. Суда жүзіп жүрген аққудың аяқтары көрінбейді. Жерде жүріп бара жатқан аққуды көрсең, оның аяқтарының қысқа екенін байқайсың.   Қоқиқаз, көкқұтан, тырналардың аяқтары мен мойындары өте ұзын. Ал құйрығы қысқа. Жапалақтың басы үлкен, көздері тостағандай, ал тұмсығы кіп-кішкентай.    Тауыс-құстың патшасы. Оның қысқа аяқты келісті денесі жіңішке ұзын мойынға ұласады. Құйрығы өте әдемі. Тауыс оны жиі-жиі жайған кезде, ол желпуішке ұқсайды.    Керіктің сойны өте ұзын. Аласа бұтадан жапырақ жұлып  жеу үшін, оған иілуге тура келеді. Ал басы кішкентай әрі сүйкімді, шағын ғана мүйіздері бар. Керік – мойны ең ұзын және ең биік жануар.    Сусиырдың денесі жуан, басы үлкен де аяқтары қысқа.    Бұл «шөл кемесі» - түйе. Оның денесі үлкен және екі өркеші бар. Аяқтары өте мықты.    Бұғы, бұлан, марал, арқар сияқты жануарлардың үлкен мүйіздері бар.    Сен көптеген жануарлармен танысып, олардың бір-біріне ұқсамайтынына көз жеткіздің. Жануарлар түсі, пішінімен ғана емес, дене бөліктері өлшемінің әртүрлілігімен де ерекшеленеді.    Дененің әр түрлі бөліктерінің, сол сияқты дене бөліктері мен тұтас дененің өзара қатынасы пропорция деп аталады. -Балалар бәріміз енді өзімізге ұнаған жануардың суретін салайық. Сурет салмас бұрын алдымен жануарлар туралы видеоролик көріп алайық. -Балалар видеоролик ұнады ма? -Енді өзімізге ұнаған жануардың суретін салайық.  Сіздер суреттеріңізді аяқтап болғанша жай әуен қосып қояйын. -Балалар сурет саламыз деп қолымыз шаршап қалған болар. Бір сергіп қалу үшін сергіту сәтін орындайық. Мынау сары қарындаш, Мұнымен күнді бояймын. Мынау қызыл қарындаш, Мұнымен гүлді бояймын. Мынау жасыл карындаш, Мұнымен жерді бояймын. Неше түрлі бейнені, Әдемілеп саламын. -Балалар сурет салып болсақ, бүгінгі сабағымызды қорытындылау үшін «Құс ұшыру» ойынын ойнайық. Ойын шарты: мен құсты ұшырамын. Құстың ішінде сұрақтар бар. Кімнің алдына сол құс қонады. Сол оқушы құста берілген сұраққа жауап береді. 1. Жапалақ қандай құс? 2. Түйе қандай жануар? Сипаттап бер. 3. Мойны ең ұзын жануар? 4. Бүгін қандай тақырып өттік? 5. Бүгінгі  сабақ несімен ұнады?	- Үйге сурет салып келуге берілді. Оқушылардың сурет альбомын қарап бағаланады. Сұрақтарға жауап береді. 1.Композиция дегеніміз – құрамдас бөліктері бірлікте ұштастырылған, бір-біріне және жалпы мүддеге бағындырылған мақсатты көркем құрылым. 2.Композиция түрлері: сюжеттің басталуы, шығарма ішіндегі оқиғалар байланысы, оқиғаның шарықтау шегі. 3.Пейзаж дегеніміз – белгілі бір жердің, мекеннің, табиғаттың көрінісі. Барлық оқушылар зейін қойып, назарын салып  тыңдайды. Тақырыпты ашып мұғалімнің айтқанын тыңдайды. Түсінбеген жерлері, яғни сұрақтары болса қояды. Бірқазаның суретімен танысады. Мәлімет алады.       Аққудың суретімен танысады.                Қоқиқаздың, жапалақтың, тауыстың  суретімен танысады.        Керіктің, сусиырдың суретімен танысады.        түйес Түйе мен бұғының суретімен танысады. Жануарлар туралы мәләмет алады. Дененің әр түрлі бөліктерінің, сол сияқты дене бөліктері мен тұтас дененің өзара қатынасы пропорция деп аталады –деген ережені жаттап алады. Жануарлар туралы видоролик қарайды. -Иә. Ұнады. Өздеріне ұнаған жануардың суретін салады. Сурет салып жатқанда жай әуен тыңдап отырады. Сергіту сәтін орындайды. Мынау сары қарындаш, Мұнымен күнді бояймын. Мынау қызыл қарындаш, Мұнымен гүлді бояймын. Мынау жасыл карындаш, Мұнымен жерді бояймын. Неше түрлі бейнені, Әдемілеп саламын. Сабақты қорытындалау мақсатында қойылған сұрақтарға жауап береді. «Құс ұшыру» ойынын ойнайды. 1.Жапалақтың басы үлкен, көздері тостағандай, ал тұмсығы кіп-кішкентай. 2. «Шөл кемесі» - түйе. Оның денесі үлкен және екі өркеші бар. Аяқтары өте мықты. 3.Мойны ең ұзын жануар – Керік. 4.Бүгін біз « Таңғажайып жануарлар «Адам және аң атты» екі мүсінді композиция деген тақырыпты өттік. Бүгінгі сабақ маған видеоролигімен, «Құс ұшыру» ойынымен ұнады.	Үй тапсырмасын орындаа келуі. Өткен материалды қайталату мақсатында қойылған сұрақтарға жауап беруі. Жаңа материалды игере отырып, оқушыларды еңбекқорлыққа, сурет салуға үйрету. Жануарлардың суретімен танысып, мағлұмат алуы. Өз ойларын суретке бейленей отырып, жеткізуді үйренуі. Ережені жаттап алуы. Сурет салдыру үшін балаларға жануарлар .туралы видеоролик көрсету арқылы қызығушылыған оятуы. Өздеріне ұнаған жануардың суретін салуы. Бойларын жазып, бір сергіп қалуы. «Құс ұшыру» ойыны арқылы бүгінгі сабақты қорытындылауы.
VII.Қорытынды: Бағалау. Үйге тапсырма.	-          Сабаққа жақсы қатысқан оқушылар бағаланасыңдар. -          Кімнің суреті жақсы шықты балалар, қарайықшы? -          Үйге бүгінгі тақырыпты оқып келу. -          Суреттерңізді аяқтау. -Бүгінгі сабағымыз сіздерге ұнады ма? -Бүгінгі сабағымыз аяқталды. Сау болыңыздар.	Оқушылар салған суреттері бойынша бағаланады. Үй тапсырмасын күнделікке жазып алады. -Ұнады. -Сау болыңыз.	Назарларын аударып тыңдау. Сұрақтарға жауап беру. Өз-өздерін жетілдіру. Оқушылардың сабаққа белсене қатысуы. Жалпы сабақтың өз мақсатына жетуі.