"9 санын қосу және азайту" 1-сынып

Сабақтың  тақырыбы:  9 санын қосу  және  азайту

Сабақтың мақсаты: 

               Білімділік: 9 – ға дейінгі сандарды қосу мен азайтудың  кестелік

                жағдайларын   пысықтау арқылы 9 санын қосу мен азайтуды меңгерту,

                есеп  шығару дағдыларын қалыптастыру.

                Дамытушылық: Оқушылардың логикалық ойлау қабілетін, танымдық

               шығармашылық қабілетін дамыту,

               Тәрбиелік: оқушыны ізденуге  салыстырулар жүргізе білуге , бірлесе жұмыс  

               істеуге , ұйымшылдыққа, ұқыптылыққа тәрбиелеу.

Сабақтың көрнекілігі: дидактикалық плакат, суреттер, қима қағаздар.

Сабақтың типі: жаңа сабақты меңгерту.

Сабақтың әдісі: түсіндіру, сұрақ – жауап,топпен жұмыс

Пәнаралық байланыс: дүниетану

Сабақтың барысы

        I.            Ұйымдастыру кезеңі: Сәлемдесу

     II.            Оқушыларды үш  топқа бөлу (Үшбұрыштар.Төртбұрыштар.Бесбұрыштар.)

Психологиялық икем:

    «Армысың досым,

    Кел, маған қосыл.

    Алақанға салып  алақан,

    Шеңберге бірге  тұрайық  ( қолдарынан ұстайды).

    Жер шарындай айналып,

    Әлемге жарық ұқсайық.  ( айналады).

    Қолымызды көтеріп, күннің  нұрын  алайық.( колдарын көкке созады).

    Ортамызда күн нұры,

    Құшаққа оны алайық   (құшақтасады).

    Осындай жақсы көңілмен сабағымызды бастайық.

Сабақ шарттарымен таныстыру. Топ жетекшілерін  сайлау

  III.            Үй тапсырмасын тексеру. 4 – мысал. «Қай сандар жасырынып тұр?» Әр топ  оқып шығады.

-          Аң патшасы арыстанның тапсырмасын орындайық.

          «Үйлерге орналастыр» Сандар құрамын ата:

        -  Балалар аңдар қысқы азығын қалай табады?. Суреттермен жұмыс,  ауызша орындалады.  (қасқыр, түлкі, қоянның тапсырмалары)     

                             5+4     3+5               4+3      2+4              4+4      1+5

-          Қосудың  компоненттерін ата

-          Азайтудың  компоненттерін  ата

-          Қосудың  ауыстырымдылық қасиетін

-          Жұп сандарды ата.  ( 2, 4, 6, 8, 10)

-          Тақ  сандарды  ата.  ( 1, 3, 5, 7, 9)

-          1 – ден бастап екі сан тастап сана.  (1, 4, 7, 10).

  IV.            Мағынаны тану:   (Тиіннің тапсырмасы) «Сөзжұмбақ» шешу

-          Қыстың екінші айы    (қаңтар)

-          Ұйытқып  борап соғады.  ( боран)

-          Қыстағы аязды суық. (ызғар)

-          Өрнек сызып, терезені торлайды. ( қырау)

-          Аяздан қатқан су. ( мұз)                ( ТОҒЫЗ )

    V.            Жаңа сабақ.   9  санын қосу және азайту. Плакатпен  жұмыс

                     1 + 9 = 10                      9+ 1 = 10

                     10 – 9 = 1                     10 – 1 = 9

       Қосылғыштардың  орнын  ауыстырғаннан  қосындының мәні өзгермейді. Қосындының мәнінен қосылғыштардың біреуін азайтқанда  екінші қосылғыш шығады.

  VI.            Дәптермен жұмыс: 1 – мысал.

     1  + 9 =  10                  9 + 1 = 10               10 – 9 = 1

- Балалар, аю қыс бойы уйқыда болады. Неліктен  уйқыға кетеді?7 Сондықтан 2 – есепті бәріміз бірге отырып  шығарайық.

1). Оқулықпен жұмыс.  

2 – есеп. Есеп  шығару.

               Сұрақ - жауап

               Есеп  не туралы?

               Не  белгілі?

               Не  белгісіз?

               Белгісіз  туралы  не айтылған?

 Сурет  арқылы есепті түсіндіру. Есептің шартында белгісіз туралы кем десе азайту, артық  десе  қосу  арқылы шешіледі.

     Аққу  - 7

     Қарақу - ? 2- еуі  кем.

     Шешуі:  7 – 2 = 5

     Жауабы: 5  қарақу

VII.            Сергіту  сәті:  1, 2, 3 –  қарлығаш боп ұш,

                         4, 5, 6  -  қарлығаш боп қалқы,

                         7, 8, 9, 10  -  қарлығаш боп қон.

            1).  3-мысал.  Өзіндік жұмыс: Берілген шарларды бояу.(жасыл,қызыл,көк)

        2). Қима қағазбен жұмыс: «Жолбарыстың тапсырмасы»  3-  тапсырма: «Кім жылдам?» ойыны. Кестедегі бос орынды толтыр.  Ауызша орындалады.

3).  4- мысал. Өзіндік жұмыс. Әр топ оқулықтағы берілген тапсырманы орындайды.

1 - топ                                      2 -  топ                                   3 - топ

 6 + 4 = 10                               10 – 6 = 4                                10 – 7 = 3

 7 – 4 = 3                                  7 + 3 = 10                                8 – 5 = 3

 2 + 6 = 8                                  8 – 5 = 3                                  3 + 4 = 7

VIII.            «Ой толғаныс» Жауабын тап.

                 1 + 9             10 – 9               9 + 1             10 – 1

 - «Топпен жұмыс» шығармашылық жұмыс

5 -  тапсырма.  Кеменің жүру жолын жалғастыру.

 IX.            Қорытынды:

-          Бүгінгі сабақта не өттік?

-          1 + 9 – ды қалай қостық?   9 + 1 = 10

-          10 – нан  9 – ды қалай азайттық?   10 – 9 = 1

    X.            Бағалау. Әр топтын фигура жинағанын топ жетекшілері санайды.Жеңіске жеткен топ марапатталады.

  XI.            Үйге: 5 – мысал  137 бет. 10 –ға дейінгі қосу,азайту кестелерін қайталап жаттау.