Дарынды оқушымен жұмыс
10 «В» сыныбында
Мамадәлі Аян деген оқушы туралы айта кеткім келеді. Осы оқушы біздің мектепке 7
-сыныпта басқа мектептен ауысып келген болатын. 7-сыныпта «Үлкен және кіші
сандармен жұмыс барысында»,тығыздық, ауырлық күші, Архимед күші, қысым, т.б.
формулаларды түрлендіруде қатты қиналатын. Натурал көрсеткішті дәреженің
қасиеттерін және ондық бөлшектерге амалдар қолдана алмайтын. Біразға дейін тақтаға
шықса мазасызданып қорқып-үркіп жүрді.
1,2-тоқсанда
физикадан тоқсандық бағасы «3» болды. Кейін қосымша сабақтарға қатысып, физикамен
бірге математиканы үйрете бастадым.Формуланы түрлендіруде тура және кері
пропорционалдық қасиетті түсіндіруде мен де қатты қиналдым.Себебі Аян, санмен
көрсеткен мысалды үлгіге қарап шығарады да, әріппен берілген формуланы
түрлендіре алмай шатаса берді.Екі –үш сабақ өткізген соң мен мынадай қулыққа
көштім.
Мысалы: F=ρgV
(Архимед заңы ). Осы формуладан тығыздықты табу үшін
ρ
жоқ жоқтың қасындағылар да жоқ, «жоқ» төрде отырады ма, босағада ма?- деп
сұрадым. Ол бірден босағада деп жауап берді.Мен «ро тең» деп бөлшек сыздым да,
қайта сұрадым. Төр бөлшектің алымы ма, бөлімі ма ?,-деп. Ол бірден алымы төр,
бөлімі босаға деп, формуланы түрлендіріп жазып берді. ρ=
F/gV. Міне, күні бүгінге дейін формуланы түрлендіруде ол осы «тәсілді»
пайдаланады. Ал қысымның формуласын түрлендіруде P=F/S аудан бөлшектің
бөлімінде оған қысым қол созады сонда F= PS болады, ал S-ті табу үшін төрдегі
адам орнында қалады да, босағадағы адамдар жылжиды деп түсіндірдім. Сонда
формуланы былай түрлендіреміз: S=F/ P.
3,4-тоқсанда
тоқсандық бағасы «4» болды.
8-сыныптан бастап
қосымша сабақтарда Бақытжан Рахашевтің тест кітапшасынан, ҰБТ тапсырмаларын
орындайтын болды.Физика пәні Аянның сүйікті пәніне айналды. Ол халықаралық,
республикалық қашықтық олимпиадаларына қатысып, жүлделі орындарға ие бола
бастады. Мен Аянның белсенді
әрекетіне демеу беріп отырдым, жұмыс нәтижелі болды.
10-сыныптың «Электр құбылыстары», «оптика» тарауларындағы
есептерді шығаруда Аянды «десант» ретінде шақыртып, сабақ үстінде тақтадағы
10-сынып оқушысы шығара алмай тұрған есепті шығаратын. Менің «десант» тәсілім
Аянға сенімділік берді деп есептеймін.Себебі, мектеп оқушылары алдында өзін
сенімді ұстап, үлкен дайындықпен келетін болды. Бұл тәсіл баланы шыңдай түсті.
Оған басқа оқушылар қызыға құрметпен қарайтын болды.
9-сыныптан бастап, 11-сынып оқушыларының қосымша сабақтарына
бірге қатысатын болды.Оның қатарына Әріпбай Әділет те қосылды.11-сынып
оқушыларының тест тапсырмаларын, солармен бірдей дәрежеде орындайтын
болды.Кейін келе 11-сыныпта өтетін формулаларды жатқа айтатын болды.Ол еш
уақытта қосымша сабақтан себепсіз қалмаған. Аян - менің ең ақылды да, алғыр
оқушымның бірі. Осындай оқушы тәрбиелеп шығару, әрбір мұғалімнің арманы
шығар.Міне, биыл 10-сыныпта Аян қалалық оқушылар олимпиадасына қатысқалы отыр.
Мен оның жүлделі орын алатындығына сенімдімін.
Оставьте свой комментарий
Авторизуйтесь, чтобы задавать вопросы.