Статья на тему: "Крылатые слова в творчестве Ирчи Казака"

                                  Шавла бере насигьатлы сезлери.

Къумукъланы айтылгъан шаири, къумукъ тюзню гюзгюсю – Йырчы Къазакъ тувгъанлы  180 йыл тамамлана. Шогъар байлавлу болуп, уллу шаирибизге багъышлангъан  тюрлю-тюрлю жыйынлар оьтгерилген: конференциялар, вечерлер, конкурслар, ачыкъ дарслар.

Йырчы Къазакъны философия ойлары булангъы йырларыны арасында адамлыкъны, батырлыкъны, яхшылыкъны гьакъында язылгъан насигьат йырлар аслу ерни тута.

Шаирлени шаири, эренлени оьздени Йырчы Къазакъ оьсюп гелеген наслугъа кёп  насигьатлар къоюп гетген. Ону шолай асарлары бизин игитликге, рагьмулукъгъа, къаттылыкъгъа, адамлыкъгъа, намуслу болма чакъыра. Олар аталар сёзлерине ва айтывлагъа, къанатлы сёзлеге ювукъ.

Булай асарлар оьлчев якъдан къысгъа буса да, маънасы терен, пайдасы зор.

Герти шаирибизни насигьат йырларын охума къарасакъ, дерия денгизге тюшгендей болабыз.

Йырчы Къазакъны тюрлю-тюрлю асарларындан алынгъан насигьат сёзлери:

Къакълыгъып  къазархыдай иелме.

Яманланы тюз багьасы къартыкъдыр.

Яманлардан башынг тайдырып,

Яхшылар булан юрю гьаман да.

Яхшы булан сейлесенг, аслам жавгьар тёгюлер.

Алгъасагъан гишини иши онг болмас.

Чирикли чинарлагъа сюелме.

Сабур тюбю сари алтын,

Сабургъа зат етерми?

Янгызлагъа танг болмас.

Ярлылагъа гюн чыкъмас.

Бюдюремес эр герек.

Бармакъларын хапгъан булан сонг болмас.

Къамалышгъан гюнлерде достунг къоюп сав гелме.

Къамалгъанлар гёрсенг бий болма.

Чыкъ тийген кагъызлардай бошама.

Жанынга себеп излеп яшынма.

Яманлагъа гёре сёйлеме.

Къырдагъы къапгъын ишинг гишиге сёйлеме.

Чали ичинде  арив булан кюйлешме.

Аргъумакъгъа тенг этмегиз ябуну.

Иш тизивде жан-гёз болгъан дос-ювукъ,

Иш бузукъда артын берер бары да.

АСил оьзден эр оьзю-

Осаллыкъгъа чыдамас.

Къапултундан кёп яманлар урунар.

Айтар ишин аслам тутмакъ ёлунда…