Статья по начальному классу на тему "Сызба бойынша сөйлемдер құрау" (2 сынып)

                                                      Қазақ тілі   2 сынып                                 9.12.15ж

Сабақтың тақырыбы: Сызба бойынша сөйлемдер құрау

Сабақтың мақсаты:

1.Білімділік: сөйлемдегі сөздердің байланысы туралы алған білімін кеңейту,сызба бойынша  сөйлемдер құрау машығын дамыту.

2.Дамытушылық: шығармашылық ойлау қабілетін дамыту, байланыстырып сөйлеу дағдысын қалыптастыру.

3.Тәрбиелілік: достықта, ынтымақтастықта жұмыс істеуге, ұқыптылыққа, тазалыққа тәрбиелеу.

Сабақтың түрі: бекіту сабағы

Сабақтың әдісі: ойын арқылы, сайыс түрінде өткізу.

Сабақтың көрнекілігі: интерактивті тақта, сызбалар, ребустар, мақал-мәтелдер.

Сабақтың барысы:

1.Ұйымдастыру

Оқушылармен амандасу, сабаққа назарын аудару

2.Психологиялық дайындық

Қайырлы күн, қонақтар!

Қайырлы күн, досым!

Аптаның сәрсенбісінде

Сәтті болсын ісіміз

Біздің алар бағамыз

Кілең бестіктер болсын!

Бір,екі, үш

Отырамыз тып-тыныш

Жалқаулықты тастаймыз.

Сабақты біз бастаймыз.

3.Үй тапсырмасын тексеру.

220-жаттығу. Берілген сөйлемдерді сызбаға түсір және байланысын сызып көрсет.

1.Мәлік доппен ойнады. 2. Мал жайылды. 3. Әсия төсекті әдемілеп жинады.

        

                                                                                          

 

        

                                                        

                                                                    

   

                                                                        

                                       

4.Дәптермен жұмыс

Күннің жадын жазу.Көркем жазуға берілген сөздерді  жазу.

5.Қызығушылықты ояту.  Сұрақ-жауап

 (Дұрыс құрастырылмаған аққаланың суретін көрсету)

1)Суреттен не байқадыңдар?

2)Аққала дұрыс құрастырылған ба?

3)Қане, кім дұрыстап береді?
-Аққаланы дұрыс құрастырдық.

Мен сендерге сөздер беремін, сендер берілген сөздерден сөйлем құрастырыңдар.Сол сөйлемдерді сызбаға түсіріп, байланысын сызып көрсетіңдер.

1-топ:  Ашық сабақ басталды. 

2-топ: Сабағымызға қонақтар келді. 

3- топ:  Мен сабаққа белсене қатысамын.

6. Мағынаны ашу.    Оқулықпен жұмыс

Дұрыс құрылмаған сөйлемдерді жазу.Сөйлемдегі сөздердің байланысын сызба арқылы көрсет.

    Анасы жұмысқа кетті.Үйде қалды  Дана мен Жанар.Үйді олар тазалауға кірісті. Дана жуды еденді.Жұпар шаңды сүртті.Жұмыстан оралған анасы риза болды.

     Дұрыс құрылған сөйлемдер.

     Анасы жұмысқа кетті. Дана мен Жанар үйде қалды. Олар үйді тазалауға кірісті. Дана еденді жуды.Жанар шаңды сүртті. Жұмыстан оралған анасы риза болды.

7. Шығармашылық жұмыс

-Сызбалар бойынша сөйлемдер құра.

1-топ: «Сабақта»

2-топ: «Кітапханада»

3-топ: «Қыс»  туралы сөйлемдер құрау

       Қоңырау соғылды. Оқушылар сыныпқа кірді. Ашық сабақ басталды.

Кітапхана ашылды. Мен кітапханаға бардым. Қызық кітап алдым.

Қыс келді. Балалар далаға шықты.Қалың қар жауды.

8. Сергіту сәті.     Көңілді күн әуенімен билеу.

9. Ребус шешу.    Шешуіндегі сөзді қатыстырып, сөйлем құрау.

Әр топтың құраған  сөйлемдерін тыңдау.

Достық әрқашан қымбат.

Халықтар достығы жасасын!

10.Қосымша дерек.

-Біздің елімізді 1995 жылы ұлтаралық татулық пен тұрақтылықтың феномені-Қазақстан халықтары Ассамблеясы құрылды.Бұл-ешбір елде болмаған ерекше, саяси маңызы зор құрылым.

 «Ел бірлігі-ең асыл қасиет» Бірлік, ынтымақ, сабырлылық пен парасаттылық, ең алдымен өзімізге-қазақтарға керек» деп көрегенділікпен Елбасымыз айтқандай, біз сияқты көпұлтты мемлекеттің даму болашағының бір көзі-Қазақстан халықтарының бірлігі. Биыл Ассамблеяның 20 жылдығын бүкіл халық болып, атап өттік.

Топпен жұмыс

1-топ:  Мақал құрастыру.

2-топ:  Достық туралы өлең оқу

3-топ:  «Достық» деген не? Кластер құру

11.Өзіндік жұмыс

225-жаттығу. Сөйлемдерді оқы.Жақшадағы сөздердің  қай сөзбен байланысып тұрғанын дәлелде.

12.Қорытындылау.   «Ұқыпты оқушы» тақырыбында әңгіме жазу

1-топ:  Ребус құрау

2-топ: Кластер құру

3-топ:  Эссе жазу. Шағын әңгіме құру.

13.Рефлекция.  Бүгінгі сабаққа «Екі жұлдыз, бір тілек» жазамыз.

Екі  жұлдыз дегенге сабақта  не ұнағаны жайлы жазасыңдар.

Бір  тілек алдағы уақытта сабақ қалай өткенін қалайсың?  Сол туралы  өз тілегіңді жазасыңдар.  Әр топ оқушылары сабақтан алған әсерлерін стикерлерге жазып, жапсырмалау.

14. Бағалау.   Топ басшыларының бағалау парақшаларына талдау жасау.

15.Үйге тапсырма:  226-жаттығу .  Сабақ аяқталды.