Тіл дамыту пәнінен "Наурыз-жыл басы" тақырыбы бойынша ашық сабақ

Оқу іс-әрекетінің тақырыбы:Наурыз – жыл басы

Оқу іс-әрекетінің  мақсаты:Наурыз жыл басы, күн мен түннің теңелуі, табиғатқа қамқорлық мерекесі салт-дәстүрді құрметтеуге тәрбиелеу.

Сабақтың түрі:Ойын-сабақ. 

Сабақтың көрнекілігі: Интерактивті тақта,суреттеу

Ұйымдастыру кезеңі:

    Оқушылардың сабаққа дайындығын тексеру.

  -Сәлемдесейік

            Арайлап таң атты,

          Алтын сәуле таратты.

          Жарқырайды қаламыз,

          Жайнай түсті даламыз.

          Қайырлы күн балалар!

          Қайырлы күн апайлар!

-Өте жақсы балалар орындарымызға отырамыз.

Балалар қазір жылдың қай мезгілі?   (Көктем)

  Көктем мезгіліндегі ай аттары қандай?

Наурыз ,сәуір,мамыр

Қазір көктем мезгілінің қай айы?

Наурыз

Аптаның қай күні?

Бейсенбі

-Балалар Наурыз айында қандай мерекелер болады?

8 Наурыз әйелдер мерекесі,22наурыз қазақтың жаңа жыл мерекесі.Олай болса,балалар бүгін бізге қонаққа Сәулеш әжей немересімен келген.

-Балалар біз бүгін наурыз мерекесін тойлайық.Наурыз мерекесінде бірінші не тігеміз?

Киіз үйлер

Киіз үйлер нешеу? 7 екен

-Балалар осы киіз үйлерге Сәулеш әжей қонаққа келді.Ол киіз үйлерге кіру үшін,әр киіз үйдің тапсырмалары бар.Ол тапсырмаларды орындасақ Сәулеш әжейге үйлерге кіруге көмектесеміз.

1үйдің тапсырмасы «Ойлан тап» ойынын ойнау.Балалар біз мына суреттен нелерді көріп тұрмыз.Қаланың.орманның суреті.Орманда нелер болады.Олай болса,кім орманға аңдарды ,құстарды,ағаштарды,шыршаларды орманға орналастырады.

Орман несімен сәнді екен?

2 үйдің тапсырмасы Наурыз мерекесі туралы не білесіндер?Наурыз-жыл басы.Парсы тілінде  «Нау»-«жаңа», «руз»-«күн» деген ұғымды білдіреді. Наурыз күн мен түннің теңелген күні. Көктемгі күн тоғысы наурыз айының 21-нен 22-не ауысқан түні болды. Осы уақыттан бастап, күн ұзарып, түн қысқарады.Ұлыстың ұлы күні адамдар бір –біріне деген ренішін ұмытып,өзіне де,өзгеге де жақсылық тілеген.Наурыз мерекесін түркі халықтары түгел дерлік тойлайды.Біз 31желтоқсанда  орыс халқының жаңа жыл мерекесін тойладық,ал енді ұлттық  жаңа жыл мерекесі кіріп келді.Дастарқанның басты асы наурыз көже болған. . Наурызкөже жеті түрлі тағамнан жасалған. "Наурыз көжені тойып ішу керек, сонда жыл бойы тоқшылық болады!" деген сенім бар. Дастарқан басында жастар үлкендердің батасын алған. Бата - үлкендердің өзінен жасы кішілерге беретін ықыласты тілегі. Ақсақалдар: "Ұлыс оң болсын! Ақ мол болсын, қайда барса жол болсын!" - деп бата береді.
Енді балалар

3 үйдің тапсырмасы. Ә.Табылдиевтің Наурыз жыл басы өлеңін жаттау.

Күн менен түн теңелді,

Жер шуаққа кеңелді,

Соны тойлар ел енді.

Наурыз тойы салтымыз:

«Көгерсін!»-деп, халқымыз

Көшеге,  тал егеді.

-Өлеңнен не түсіндік балалар? Қазіргі кездегі экологиялық жағдайды ескере отырып , елімізде көгалдандыруға  үлкен көңіл бөледі.Табиғатқа қамқор болуға тәрбиелейді.

4 үйдің тапсырмасы Сергіту сәті:

5 үйдің тапсырмасы Ұлттық ойындарды ата?

Қандай ұлттық ойындарды білеміз

Арқан тартыс,асық ойыны ,алтыбақан,күрес,тоғыз құмалақ және т.б

6 үйдің тапсырмасы Наурыз көже қалай дайындалады?Ол сөздерді « Күн шұғыласына » орналастыр. 

7 үйдің тапсырмасы топпен жұмыс:

Наурыз тобы –Киіз үйді құрастыру

Сәуір тобы –Наурыз туралы тақпақ айту.

Мамыр тобы-Сөзжұмбақты шешу.

Міне,балалар  біз сендермен бірге Сәулеш әжейдің үйлерге кіруіне көмектестік.

Осымен балалар  ашық сабағымыз аяқталды. Қош сау болыңыздар

 Қорытынды:Сабаққа жақсы қатысқан оқушылардың білімін бағалап,мадақтау.

                          №11 орта мектеп

                             Наурыз - жыл басы    

                                  Ашық   сабақ

                                                                                            Сыныбы: О «В»

                                                                                Өткізген :Менламбетова М.

                                                      2016 ж