Тақырыбы: Достық түбі- адалдық
Сабақтың мақсаты:
- Оқушыларды адамгершілік қасиетке,
ата-анасын, өз ортасын, туыстарын сыйлауға үйрету;
- Балалардың ойлау қабілетін, белсенділігін,
ауыз екі сөйлеу тілдерін жетілдіру;
- Балаларды достыққа, бауырмалдыққа тәрбиелеу.
Сабақтың көрнекілігі: мәжіліс залын шармен безендіру, «Дос болайық бәріміз» атты плакат,
қойылымға қажетті құралдар.
Сабақтың барысы:
- Ұйымдастыру кезеңі
Достық деген
таусылмайтын қазына,
Көктемде солып
қалар гүл емес.
Қарамайды ол сыйдың
көп пен азына,
Нағыз достар тіпті
сый да тілемес.
Т.Айбергенов.
Халықтың қара
сөздерінің қара жолдай арналы бір тақырыбы достық, жолдастық. Шын досың сырттан
әр ісіңе тілектес болып жүреді. Қиын-қыстау күндерде сенімді ақтар дос барда,
дос қадіріне жетіп, достықты кіршіксіз сақтай білу бар. Адал дос мінін айтқанға
арланбай ақылмен тыңдап, өз мінезінің қисығын жөндейді. Сондықтан достарың
айтқан сын сөзді дұрыс қабылдай білу керек. Халық арасында даналы сөз бар.
«Дос жылатып
айтады,
«Дұшпан
күлдіріп айтады».
Осы мақалдың өзінде
қаншама ой, астары бар десеңізші.
«Достық» - киелі
ұғым. Оны бағалай білу керек.
Көрініс: «Жаман жолдас» Ы.Алтынсарин
Достықтың екі түрі
болады. Бірі адал достық, екіншісі – амал достық.
Адал достық - өмірлік
нұсқа болады, амал достық - өрісі қысқа болады.
/Әйтімбет шешен/
Ойын:
«Жалғасын тап»
Плакатқа түймедағы
гүлінің суреті салынған. Гүл күлтелері нөмірленіп, артына тақырыпқа байланысты
мақал-мәтелдің алғашқы жолы жазылған. Тақтаға шыққан оқушы қай номерді алса,
сол мақалдың жалғасын айтады.
1.
Досыңды бір алдасаң,
Өзіңді мың
алдағаның.
2.
Дос сыртыңнан мақтар,
Дұшпан көзіне
мақтар.
3.
Жақсы жолдас-жанға серік,
Жаман жолдас-малға
серік.
4.
Жақсы-жаныңа жолдас,
Жаман-малыңа
серік.
Екі дос ертегі мұғалім түсіндірмесі.
Екі дос жолаушылап шығыпты. Біреуі сулық
шекпенін ала жүрген екен. Орта жолға келгенде, қатты нөсер құйып кетіпті. Екеуі
шекпенді пана қылыпты. Нөсер басылған кезде шекпенді иесі:
-Иә, менің шекпенім
болмаса сен не күйде болар едін? – депті. Осы сөзін қақсап қайталай беріпті.
Сол арада бұлар бір өзеннің қабағын жағалай жүрген кезі екен.
Әлгі шекпенсіз жігіт жардан төмен
қарғып түсіпті. Өзен суына малшынып, қайта шығады да: - Міне мына күйде болар
едім! – депті.
Осыған байланысты талдау сұрақтары:
- Екі дос не істеді?
- Жолда қандай оқиға болды?
- Шекпені бар жігіт қай сөзді айта берді?
- Шекпені жоқ жігіт қандай әрекет жасады?
- Қай жігіттің ісін дұрыс деп ойлайсыңдар?
- Екеуін дос деп айта аламыз ба?
Оқушылар пікірі «Менің досым» тақырыбында
әңгіме өрбіту. Достық тақырыбына жатқа өлеңдер оқу.
Қорытынды: «Достар» әнін хормен
орындау.
Қорытынды тұжырымдама:
4 «А» сынып оқушыларымен тәрбие сағаты
өткізілді. Оқушылар дос туралы мақал-мәтелдер жатқа айтты. Ы.Алтынсариннің
«Жаман жолдас» атты көрініс қойылды. «Жалғасын тап» тақырыбында ойын ойналды.
«Достар» әнімен сабақты қорытындылады. Менің досым тақырыбында шығарма жазылып,
әңгіме өрбітті. Сабақ өз мақсатына жетті.
Оставьте свой комментарий
Авторизуйтесь, чтобы задавать вопросы.