Тәрбие сағаты " Құқықтық сауаттылық-өмір талабы"

« Құқықтық  сауаттылық - өмір  талабы . »

Мақсаты: құқықтық мәдениеті  жоғары, жан жақты  дамыған  саналы  азаматтарды  тәрбиелеу, заң  алдындағы  жауапкершілікті  арттыру. Конституцияны  және  басқа  да құқықтық нормативтік  актілерді орындауға, құрметтеуге  үйрету.

Түрі: тренинг.

Көрнекілігі: ҚР конституциясы, ҚР  баланың құқықтары туралы заң, бүктемелер, суреттер, үлестірме  қағаздар.

Сабақтың  барысы:

1.Әнұран.

2. Тренинг «Сүйіспеншілік».

Еліміздің  Конституциясында  еліміз құқықтық  мемлекет  деп жарияланғаны бәрімізге мәлім. Құқықтық  мемлекет  құру үшін  мемлекет  халқының құқықтық мәдениеті  болуы  керек. Ондай мемлекет  құру жастардан  басталады, өйткені  болашақ қоғам  жастардың қолында.  Ел болашағы  тұтқасын ұстайтын  сендер білімді, тәрбиелі, құқықтық мәдениеті  жоғары  азамат болып өсулерің қажет.

3.   Ой    қозғау.

Ал, балалалар, ойланып  көріндерші, құқықтық  мәдениет  деген  не ? (Заңды  білу, орындау, сыйлау.)

Бүгінгі  отырысымызда  құқықтық  білімімізді  байқап көреміз. Оқушылар екі  топқа  бөлінеді.

1 топ  - « Заңгерлер» тобы.

2 топ  - « Конституция » тобы.

4. «Құқықтық   мәдениет  » кезеңі.

Конституция деген не ?

Конституцияның    қабылданғанына   қанша жыл толды ?

 Конституциялық   міндетті  қалай  түсінесің?

Жол жүру ережесін бұзу  адам үшін  қылмыс па?

 Мемлекеттік  рәміздерін  құрметтеуге  міндеттіміз бе?

Құқық бұзушылықты  қалай  түсінесің?

 Оқушының  оқудан  бас  тартуға құқығы бар ма?

Оқушының  ұрлық  жасауға , қоршаған  ортаны ластауға  құқығы бар ма?

Мектептегі  құқықтық  тәрбиесі  неден  басталады?  (Сәлем беру, ата- ананы сыйлау, әдеппен сөйлесу).

5. «Өз  құқығыңды  біл» кезеңі.

Ойын   түрінде  өтіледі.

Оқушы қоржыннан  асықты алып сұраққа  жауап береді.

Баланың  азаматтық  құқығы қай кезден  басталады?

Сендер неше  жасқа  дейін  бала болып  есептелесіңдер?

Баланың  өз пікірін білдіруге  құқығы  бар ма?

Оқушы неге құқылы? ( білім алуға, емделуге, дем алуға.)

Оқушылар  баспасөз  бетінде өз пікірлерін  білдіре  ала ма ?

Баланы  қорлаудан, кемсітуден, қылмысқа  итермелеуден  кім қорғайды?

18-ге  толмаған  бала  Отан  алдындағы борышын  өтуге  шақырыла ма ?

Тіліне, біліміне, жынысына, діни көзқарасына  , денсаулығына  қарамастан  барлық бала  тең құқыққа  ие  ме?

Баланы күштеу  арқылы  дінді  мойындатуға  бола ма?

6. «Ойды  аяқта» кезеңі.

Халқымыздың  құқықтық  мәдениеті  тыйымдар  арқылы, талап  қою дәстүрлері  арқылы көрінген. Әдептілік, имандылық, мейірімділік, қайырымдылық  әрекеттері  халықты  иманды халық  дәрежесіне  жеткізді.Оған  ереден  келе жатқан нақыл  сөздер куә.

Заңнын   құрығы …………..(бәрінен ұзын.)

Өш   алғаннан  гері ...........(кешірген  жақсы.)

Әр адамның  құдайы .........(оның  ары.)

Әділ істің .........(арты  игі).

Туғанына  бұрғаны.......(биді  құдай ұрғаны.)

Жазасын  тартпайтын .......... (жамандық болмайды.)

Таста тамыр жоқ.........(биде   бауыр   жоқ. )

7.Шешендік   өнер. « Бақытты  өмір.»

8. Тест.

Ата –анаңмен  тіл  табысасың ба?

Сабақта  тәртіп  бұзып  кедергі  жасайтын  оқушылар  бар ма?

Сыныбыңда   тәртібі  өте  нашар  оқушы  бар ма ?

9. Тренинг . «Ғибратнама.» « Ғайбатнама».

Оқушылар  қағазға  жағымсыз  сөздерді  жазады (өтірікші, өсекші, жалқау..) да  «Ғайбатнама » деп аталған  қара  сандыққа салады. Оқушылардың  барлығы  салып  болған  сон  сандық  құлыпталады. «Ғибратнама  » аталған  ақ   сандықтың    ішіндегі  жақсы  сөздер ( адал, мейірімді, ұлтжанды...)  оқушыларға   таратылады.

10. Қорытынды.