Тренинг «Ата-ана махаббаты »

Ю.Гагарин  атындағы жалпы  орта мектебі

Тренинг

 «Ата-ана махаббаты »

                                                    Әлеуметтік педагог:Сейдахмет Д.Ә.

Майтөбе ауылы

        Мақсаты:ата-аналардың пікір айтуға ынталандыру,ортақ шешімді анықтау,болашақта баламен жұмыс істеу міндетін белгілеу.

       Өткізу формасы:тренинг

       Кіріспе сөз.Қазіргі таңдау отбасы қиын кезеңді басынан өткізуде.Ажырасу мен толық емес отбасылар,отбасындағы кризис,жасөспірімдер арасындағы қылмыс,тәрбие сапасының құлдырап кетуі,қоғамдағы жат қылықтардың қазіогі кездегі отбасының жауапкершілігінің төмендеуі, заңсыз отбасын құру, некесіз бала туу, тастанды бала т.б. қалыптасуына әкеліп соғада.Осы мәселені шешу-бүгінгі күн талабының көкейтесті мәселесі.Жалпы отбасындағы әке тәрбиесіне келетін болсақ,бүгінгі таңдағы кейбір әке түрлі себептерге байланысты өзінің отбасындағы патриархалды күшін жоғалтқан.Сондықтан да балада әке тәрбиесі жетіспейтін отбасы кездесуде.Қазір жауапкершіліксіз ата-ана көбейіпкетті.Бала тәрбиелеуде ана мен бала арасындағы сұхбаттасу,қоршаған ортамен қарым-қатынасы жетіспейді.Сонымен, бүгінгі ата-аналар жиналысында сіздермен ой бөлісіп, пікірлесуге жиналып отырмыз.Бала тәрбиелеуде ешқашан ерінбейік.Енді тренингімізді бастауға рұқсат етіңіздер.Ол үшін біз ___ топқа бөлінеміз.

       Ата –аналарды балаларының туған күндеріне байланысты жыл мезгілдері бойынша топтарға бөліп отырғызамыз.Қыс,көктем,жаз,күз.

      «Қыс» тобына мінездеме : ақкөңіл, елгезек,бала тәрбиесіне қатал, қайсар, тұрақты адамдар.

      «Көктем» тобына мінездеме :жұмсақ жүректі,қиялға бай,ешкімге ұқсамайтын шығармашыл тұлғалар,тыныштықты сүйетін адамдар.

      «Жаз» тобына мінездеме :өте қайырмыды, өзіне сенімді,жұмысты дер кезінде орындайтын адамдар.

     «Күз» тобына мінездеме :салқын қанды,басқалардың ренжіткенін қаламайтын,болашақтан үміт күтетін адамдар.

 I.Сәлемдесу тренингі.Ата-аналар бір-бірімен сәлемдесу түрлерін көрсетеді.

II.Сұрақтарға жауап алып,пікірталас жүргізу.

1.Балаңыз сабақтағы жетістіктеріне қуанып, сәтсіздіктеріне қинала ма?

2.Балаңыз мектептегі әсері жайлы өз ойын жиі білесіз бе?

3.Балаңыз үй тапсырмасын орындауда  сіздің көмегіңізді  қажет ете ме?

4.Баланың тәрбиесіне әкесі ат салыса ма ?

5.Кейбір ата-аналардың ұрпақ тәрбиесіне салғырт қарауына не айтасыз?

6.Үйде балаға бір мезгіл уақыт бөліп, әңгімелесесіз бе?

7.Балаңызбен ақылдасасыз ба?

8.Балаңыздың неге қызығушылығы бар,қай бағытқа бейімі бар сол жайында білесіз бе?

9.Балаңыз сыныптас жолдастарына ренжіп,оларды жамандай ма?

III.Астроболжам ойыны.Қоржыннан  ата-аналар бір болжамды алып,соңынан шығарылған өлеңге әуен тауып айтады.

      Баланы тәрбиелеуде салқынқандылықтан аулақ болыңыз, қойған мақсаттарыңызға жету үшін жұмсақ мінезіңіздің рөлі өте қажет.Балаңызбен сырласыңыз,

Көңілдіміз біз түгел

Қуанышты күн бүгін.

Күнде бестік алшы сен

Барлық бақыт сен үшін,-деп ән салсаңыз шаршап,жабырқағаныңыз ұмытылады.

1.Көптен күткен арман –тілектеріңіз орындала бастайды.Блаңыздың көңіл күйі де , сабағы да көтеріліп келеді.Дос,құрбылары көбейе бастағандай.Шай ішіп отырып:

Әнш,күйші жақсы балалар,

Жайлап,жырлап жақсы оқыңдар.

Күндіз-түні сабақ оқыңдар,

Барлығын да миға тоқыңдар,-десеңіз жанұяңызға шуақ шашылғандай болады.

2.Сізді келіссөздер мен кездесулер күтіп тұр.Миыңыз шаршап, мүлдем басқа ойда жүрсіз.Алыстан жақсылық күтпей, қолда барды қадірлеңіз.Сізді балаңыздың денсаулығы ойлантатын секілді.Егер сіз:

Денің сенің  сау болсың,

Күшін сенің бар болсын.

Айналайын-ай, ботақаным-ай,

Жан жылуым-ай,қошақаным-ай,-деп әндете жөнелсеңіз бәрі жақсы болады.

3.Сідің жаныңызға  ең керегі де, сіз үшін басысы да-жанұя.Жыл басы да отбасыңызға олжасымен кіріп, қуантып жатыр.Күтпеген жерден балаңыздың қуынышына бөленіңіз де:

Біздің отбасы көңілденді,

Шаттық кернеді менің денемді.

Қуанышты күн үзілмесінші,

Жамандықты көрмесінші,-деп ән салыңыз да, билей жөнеліңіз.

4.Өзіңізді  ауыр ойлармен мүжи бермеңіз.Проблемадан қашпау керек,одан құтылудың жолын іздеңіз.Асықпай ойлансаңыз, балаңыз сізбен сырласқысы келеді,көңіл бөліп, тыңдаңыз.

IV.Ситуациялық сұрақтарға жауап.

1. Сіздің балаңыз кішкентай кезіндегідей емес, кейінгі кезде оның бойынан ашуланшақтық,өзімшілдік,менменшілдік қасиеттер байқалады.Осындай жағыдайда сіз балаңызбен қалай тіл табысар едіңіз?

2.Балаңыз үйге келгенде мектептегі болған кейбір келеңсіз жағдайларды , мұғалімдердің кейбір жағымсыз қылықтарын,сырт келбетін,жүріс-тұрысын келемеждеп айтып отырады,осы жағыдайға сіздің ой-пікіріңіз?

3.Сіз балаңызды жасынан еркелетіп, айтқанын орындап келдіңіз.Бірде балаңыз осы қылығын мектепте мұғалімге де  көрсетті.Бірақ мұғалім оған «бұл еркелігіңді ата-анаңа көрсет» деп батыра айтқанда бала үйге ренжіп келеді,сіздің іс-әрекетіңіз?

4.Балаңыздың оқулығы жоқ .Ол досынан сұрап келмек болды.Кешкі сағат 21. Сіздің іс-әрекетіңіз?

V.Бала тәрбиелеуде ата-аналарға кеңес.

VI. «Ыстық алақан» тренинг.Ата-аналарға балаларының алақаны салынған парақ  таратылады.Сол параққа ата-аналар баласының жақсы қасиеттерін және мінезіндегі ерекшеліктерін жазады.

VII.Қорытынды.Баламен үнемі терең психологиялық байланыс орнату тәрбиенің әмбебап шарты болып табылады.Бұндай байланыс балаға қай жаста болса да керек.Ата-анасымен байланысты білу,сезіну балаға әке-шеше махаббатын ,қамқорлығын сезінуге мүмкіндік береді.Қорытындылай келе, тәрбиедегі ең бастысы ережелер балаға керек кезде назар аудара білу, оған деген махаббаты қай жаста көрсете білу, оның көзқарастарын, ерекшеліктерін түсіне білу болып табылады дегім келеді. 

Краткое описание документа:

Баламен үнемі терең психологиялық байланыс орнату тәрбиенің әмбебап шарты болып табылады.Бұндай байланыс балаға қай жаста болса да керек.Ата-анасымен байланысты білу,сезіну балаға әке-шеше махаббатын ,қамқорлығын сезінуге мүмкіндік береді.Қорытындылай келе, тәрбиедегі ең бастысы ережелер балаға керек кезде назар аудара білу, оған деген махаббаты қай жаста көрсете білу, оның көзқарастарын, ерекшеліктерін түсіне білу болып табылады дегім келеді.