Урок чалавек і свет "Расліны лесу" (2 клас)

Тэма: Расліны лесу (1 слайд)

Мэта: пазнаёміць вучня з раслінамі лесу (2 слайд)

Задачы:

1)    Пазнаёміць вучня больш падрабязна з раслінамі лесу;

2)    Развіваць памяць, мысленне пры дапамозе выконванні заданняў;

3)    Выхоўваць добрыя адносіны да жывой прыроды.

Тып ўрока: знаёмства з новай тэмай

Форма  ўрока: урок- экскурсія

Абсталяванне: разразныя карцінкі, наглядны матэрыял, картачкі з крыжаванкамі.

Ход  урока

І Арганізацыйны этап (3 слайд)

-         Праверце, калі ласка
Ці гатовы вы пачаць урок?
Ці ўсё ў вас у парадку?
Кніжка, сшытак і ручка на месцы?
Праверылі?
Сядайце, калі ласка!
З стараннасцю працуйце!

ІІ Асноўны этап (4 слайд)

-         Сёння мы з вамі адправімся на экскурсію. Але вось куды вам трэба адгадаць крыжаванку.

1.     Як называецца з’ява прыроды, калі ападаюць лісты? (Лістапад)

2.     Пара года, калі прырода апранаецца ў яркае адзенне.(Восень)

3.     Што за дрэва стаіць,

Ветра няма, а яно дрыжыць? (Асіна)

			л	і	с	т		а	п	а	д
в	о	с	е	н	ь
		а	с	і	н	а

Ш Знаёмства з новай тэмай урока

-         Так і сёння мы з вамі адправімся ў лес на экскурсію. Больш патрабязна  пазнаёмімся з раслінамі лесу. А вось з якой першай раслінай мы пазнаёмімся вам трэба адгадаць загадку: (5 слайд)

1.Дрэвы                     Стаяць слупы бялёныя

На іх шапкі зялёныя.(Бяроза)

-         А вось якія яшчэ дрэвы растуць у лесе вы здагадаецеся па іх апісанні.

Асіна (6 слайд)

Гэта дрэва стройнае. Кара ў яе гладкая, шэрая. Лісце круглявае, на доўгіх чаранках. Гэта дрэва вядома яшчэ тым што яе лісточкі нават без ветру дрыжаць, трапечуцца. Увосень лісце змяняе афарбоўку і ападае. Лес у якім шмат такіх дрэў называюць асіннікам. Кару гэтага дрэва любяць зайцы, мышы. Маладыя галінкі ядуць ласі.

Дуб (7 слайд)

Гэта дрэва лёгка пазнаць па яго магутным ствале, тоўстых галінах. Лісце ў гэтага дрэва буйнае. Яго краі маюць вялікія выразы. Увосень лісце становіцца бурым і ападае. Лес у якім растуць амаль адны гэтыя дрэвы называэць дубровай. Плады гэтага дрэва – жалуды. Яны трымаюцца на дрэвах да восені. Затым падаюць на зямлю. Жалудамі харчуюцца вавёркі, мышы, дзікі. Гэта дрэва доўгажыхар. Жыве 400-500 гадоў, а часам і да 2000.

Елка (8 слайд)

         Стройнае высокае дрэва. На яе галінах растуць кароткія цвёрдыя іголкі. Яны растуць па адной. Галіны ў гэтага дрэва размяшчаюцца на ствале да самай зямлі. На іх вырастаюць доўгія авальныя шышкі. У шышках спее насенне.

2.  Кусты Адгадаць крыжаванку. (9 слайд)

         1. Пацеркі чырвоныя вісяць

             І з кустоў на нас глядзяць.

             Вельмі любяць пацеркі

             Дзеці, птушкі і мядзведзі.(Маліна)

         2. Рос на ветцы сундучок,

              Сундучок не прасты

              Сундучок касцяны. (Арэх)

           3.Мае  чырвоны колер. Восенню горкая, а зімой салодкая.(Каліна)

		м	а	л	і	н	а
а	р	э	ш	н	і	к
	к	а	л	і	н	а

Воўчае лыка (10 слайд)

Расце ў лесе і куст з ядавітымі ягадамі.  У народзе гэтыя ягады завуць воўчымі. Пазнаць гэту расліну няцяжка. Яе чырвоныя ягады нібы наклеены на галінкі. Ядавітыя усе часткі гэтага куста: лісце, сцябло, галінкі, корань. Небяспечным бывае нават дотык да ядавітай расліны.

ІV Фізкульмінутка (11 слайд)

 - А цяпер адпачнём.

А ў лесе растуць  чарніцы
Суніцы, галубіцы
Каб ягаду сарваць,
Трэба глыбей прысядаць
Нагуляліся  ў лесе.
Кошык з ягадкамі трэба несці. (хадзіць на месцы)
У клас пара нам усім вяртацца,
Каб зноў займацца.

3.Ягады. Адгадайце загадку: (12 слайд)

Расце ў траве Алёнка,

У прыгожай сукенцы,

Хто ні пройдзе

Паклон аддае

І ў рот яе кладзе.(Суніцы)

-А вось яшчэ якія растуць ягады ў лесе  трэба скласці карцінку. (Чарніцы)

(13 слайд)

Брусніцы (14 слайд)

Лісточкі ў іх цубкія, бліскучыя. Ягады ярка-чырвоныя. Яны растуць купкамі на верхавінах сцёблаў. На некаторых кусціках ягады такія буйныя, што сцяблінкі ляжаць на імху. спеюць гэтыя ягады ў жніўні.

4.Грыбы(15 слайд) – Паглядзіце ўважліва  на малюнак.  Назваце адным словам? Так гэта грыбы. А ў лесе растуць усе ядомыя грыбы? 

Правільна і зараз вам трэба скласці карцінку. (Мухамор) (16 слайд)

Гульня:  «Ядомыя і ядавітыя грыбы»

5. Трава. (17 слайд) Як толькі  растане снег, у лесе з'яўляюцца першая зялёная трава і першыя вясновыя кветкі – пралескі.

Гульня: «Адгадайце  кветку па асобных частках» (Ландыш)

(18 слайд)

Медуніца (19 слайд)

Цікавая кветка. Сцябло ў яе высокае, пакрытае мяккім пушком. На сцябле расце лісце, красуюцца кветкі. Спачатку пялёсткі ў кветках ружовыя. Праз некалькі дзён яны сінеюць. А яшчэ праз некаторы час становяцца фіялетавымі.

Ø Састаўленне схемы (20 слайд)

Расліны лесу

 

   дрэвы                кусты             травы                грыбы             ягады

V Дамашняе заданне (21 слайд)

Стар. 42-44

VІ Заключная гутарка (22 слайд)

- Ці спадабалася вам сёння на ўроку?  Што мы сёння вывучалі на ўроку? Што вы даведаліся новага?

VІІ Рэфлексія (23 слайд)

У вас ёсць два кружочкі адзін белы, другі чырвоны. Калі вы даведаліся шмат цікавага для сябе на ўроку, то падніміце белы кружок, а калі нічога не было зразумела,  то- чырвоны.