Кичәл - марhан “Үүлдәгчин алвтар зуульчлhн”
Кичәлин төр : Үүлдәгчәр дассан давтлhн .
Кичәлин күцл : Үүлдәгчәр дассан давтад , медрлинь олн зүсн эв – арhсар батлҗ авх ;
авсн медрлән дамшлтын көдлмш күцәлhнд чикәр олзлҗ чадх ;
нег-негндән дөң болҗ, сән седклтәhәр хамдан көдлҗ чаддг сурhмҗ өгх.
Кичәлин дөңцл : интерактивн самбр , перфокарт , зургуд , зуульчлhна карт..
Кичәлин йовуд :
Класс хойр багт хувагдҗана. Капитанан заах.
- Күүкд, ямаран усар зуульчлhнд йовҗ болх?
- Теңгсәр , далаhар , hолар.
- Юуhар йовҗ болх?
- Кермәр , оңhцар.
- Не, бидн кермәр зуульчлhнд hарад йовҗанавидн. Зуульчлhна йовудт бидн “Цагин hолар”, “Янзсин теңгсәр”, “Тооhин болн нуурин арлар”, “Шинҗсин тоха арлар”,”Оргч болн эс оргчин хол усар” давад, “Үүлдәгчин алвтын хотл балhснд” күрхвидн.
Темдгин ормд җахр өггдх : “5”- улан, “4”- көк , “3”- шар.
“Цагин hолар” усчҗ йовнавидн (“Река времени”).Энд иим даалhвр күцәхмн: баг болhнд өггдсн үүлдәгчиг hурвн цагарнь хүврәhәд бичх.Баг болhнас нег сурhульч самбрт,наадкснь ормдан көдлҗәнә. Зург хәләhәд, эн үүлдәгчслә зәңгс тогтах.
Негдгч баг: шарл , хойрдгч баг : хура.
Сурврмудт хәрү өгх: Өңгрсн цаг ямаран үүлдвр темдглнә? Үлгүрнь.
Өдгә цаг ямаран үүлдвр темдглнә? Үлгүрнь.
Ирх цаг ямаран үүлдвр темдглнә? Үлгүрнь.
Темдг- җахр өгх.
-Бидн ода “Янзсин теңгсәр”орҗ йовнавидн.(“Море залогов”)
2 капитан самбрт көдлҗәнә: нис, зө гидг үүлдәгчсиг янзарнь хүврәх зөвтә. Наадкснь самбрт бичәтә зәңгст бәәх үүлдәгчин янзинь заах зөвтә.
Селәнә әмтн өвс хуралhнд йовна.
Көвүдиг эн көдлмшт йовулҗана.
Басң энүнд бас орлцв.
Көвүд, күүкд хоорндан таньлдв.
Эн көдлмш йир сәәнәр кегдв.
Темдг- җахр.
“Тооhин болн нуурин арлд” күрәд ирүвидн.Энд баг болhнас нег сурhульч hарад, үүлдәгчиг тооhарнь болн нүүрәрнь хүврәх зөвтә: 1 баг - йовла, 2 баг – гүүнә. .Наадкснь девтртән көдлҗәнә.Зургуд хәләhәд,бичкн келвр тогтах:
Негдгч зург: Дорваhан үүрсн көвүн йовна.
Хойрдгч зург: Теегәр туула гүүҗ йовна.
hурвдгч зург: Зурмн нүкнәсн бултаҗана.
Дөрвдгч зург: Көвүн ээҗләhән күүндҗәнә.
Мууhар меддг күүкдт иим даалhвр өггдҗәнә:эн зәңгст үүлдәгчин то болн нүүринь темдглтн.
Өвс хуралhнд би нөкд болнав.
Бидн темсән хуранавидн.
Темдг – җахр.
“Шинҗсин тоха арлд” иим даалhвр күцәх зөвтә:Эн үгмүд хальмг келнд орчулад,эн үгмүдлә ирлцдг үүлдәгчс немҗ бичтн.Үүлдәгчсиг таслгч болн закгч шинҗд тәвтн:
Орел – hәрд –ниснә, нис
Тушканчик – ялмн – hәрәднә , hәрәд
hунҗн – трехгодовалая корова – мөөрнә, мөөр
Полынҗ – буурлда – урhна, урh
“Оргч ,эс оргчин хол усн”.
1баг негдгч бадг, 2 баг хойрдгч бадг умшад, үүлдәгчин оргч,эс оргчинь йилhх.
Өргн у теегм
Өлзәтә дүрәр бәәнә,
Әрәсән ик hазрла
Әмән эн негдүллә.
Чилгр сәәхн өрүнд
Цевр аhар киилнәв.
Уралан дуудгч хаалhар
Урмдан батлҗ ишкмннәв.
Сурврт хәрү өгх:Ямаран үүлдәгчиг оргч гиҗ нерәднә?
Ямаран үүлдәгчиг эс оргч гинә?
Темдг – җахр.
“Үүлдәгчин хотл балhснд” күрәд ирүвидн.Энд иим даалhвр күцәхмн:үүлдәгчин морфологическ йилhлт кетн.Баг болhнас нег сурhульч самбрт, наадкснь девтртән күцәҗәнә.
Теегин цецгүд hаңхад,чееҗим байрлулна.
Теегин бамб цецгүдиг бидн әрвлҗ хадhлнавидн.
Темдг – җахр.
Ашлвр.Күүкд, эндр кичәлд сәәнәр көдлсндтн байрлҗанав.
Темдг тәвлhн.
Оставьте свой комментарий
Авторизуйтесь, чтобы задавать вопросы.