Урок конференция по абайтану "Қазақтың бас ақыны ұлы Абай"

Абай Құнанбаев атындағы №6 мектеп-гимназиясы

Конференция сабағының тақырыбы:

«Қазақтың бас ақыны – ұлы Абай».

Дайындаған: қазақ тілі мен әдебиеті мұғалімі

Бекішева Гүлсім Қаязқызы

Степногорск қаласы

2019-2020 оқу жылы

Тақырыбы: Қазақтың бас ақыны – ұлы Абай.

Мақсаты:  қазақтың бас ақыны Абай Құнанбаевтың шығармашылығына деген қызығушылығын,  зерттеу, шығармашылық қабілеттерін арттыру;

Қолданылатын көрнекілік - құралдар: интербелсенді тақта, бейнежазба,  кітап көрмесі.

Конференция барысы:

І. Конференцияның ашылу сәті. Бүгінгі конференция сабағымыз бас ақынымыз Абай Құнанбаевтың 175 жылдығына арналған.

ІІ. Конференцияда сөйлейтіндерге қойылатын талаптарға назар аударайық:

·        Баяндамашының өз ойын жеткізе алуы, таңдаған тақырыбының ашылуы;

·        Баяндамашы сөзі қысқа, нақты; тақырыбындағы мәліметтер  зерттеліп, дәлелденген болуы;

·        Баяндамашының тақырыптан ауытқымауы.

ІІІ. Бүгінгі конференцияның тақырыбы   «Қазақтың бас ақыны – ұлы Абай».

1 жүргізуші:  Абай – ұлы ақын, дана ойшыл, қазақтың жаңа тарихи дәуірдегі жазба әдебиетінің негізін қалаушы. Оның есімі – қазақ халқының ұлттық санасының оянуы мен қайта жаңғыруының, әділдіктің символы.  Бүгінде Абай шығармаларын   әлем  халқы сүйіспеншілікпен оқып білді.

2 жүргізуші:  Бас ақынның 175 жылдығына орай өлеңдерін мәнерлеп  оқу эстафетасына  9 жастағы оқушы  Ләйлім – Шырақ қатысып, Президентіміз Қасым – Жомарт Тоқаевқа эстафетаны жолдады. Қасым – Жомарт Тоқаев эстафетаны қабылдап алды.  Президент Абайдың өлеңінен үзінді оқып берген болатын. Абай өлеңдерін оқу эстафетасына қазақстандықтар ғана емес, орыс, француз, ағылшын т.б.  халықтардың  әйгілі адамдары қатысып жатыр.

Лейла  ұлы ақынның «Құлақтан кіріп бойды алар» өлеңін оқып береді.

        Келесі кезек баяндамашыларға беріледі.  Абай Құнанбайұлы – ұлы ақын, композитор, философ, аудармашы, қазақ жазба әдебиетінің негізін қалаушы. Болашақ ақын сабырлы мінезімен, кең пейілімен ел анасы атанған әжесі Зеренің аңыз, ертегілерін тыңдап, анасы Ұлжанның тәрбиесінде өсті.     Александрдың орындауында  бас ақынның «Интернатта оқып жүр» өлеңін тыңдайық.

Интернатта оқып жүр

Талай қазақ баласы -

Жаңа өспірім, көкөрім,

Бейне қолдың саласы.

Балам закон білді деп,

Қуанар ата-анасы...

2 баяндамашыға сөз берейік.

   Абай – қазақ поэзиясындағы ғашықтық жырлардың ең озық үлгісін жасап кеткен ақын.

    Жарқ етпес, қара көңілім не қылса да,

Аспанда ай менен күн шағылса да,

Дүниеде сенен артық маған жар жоқ,

Саған жар менен артық табылса да.... ,- деп өзіне Тоғжаннан артық жар табылмайтынын айтады. Абай алғашқы махаббаты Тоғжанды қимайды.

 Диана  «Жүрек – теңіз, қызықтың бәрі – асыл тас» өлеңінен үзінді оқып береді.

3 баяндамашыны тыңдайық.Абайдың табиғат лирикасы.

 Бейнежазбадан «Желсіз түнде жарық ай»  әнін тамашалайық.

4 баяндамашы: Абайдың жарияланбаған өлеңдері.  «Егемен Қазақстан» газетінде ақынның жарияланбаған өлеңдерін зерттеген жазушының мақаласын оқыдым. Сол жарияланбаған өлеңдері туралы айтуды жөн көрдім.

1 жүргізуші: Бүгінгі «Қазақтың бас ақыны – ұлы Абай» атты конференциямыз өз мәресіне келіп жетті.

2 жүргізуші: Құрметті конференцияға қатысушылар, сіздерге  іс- шараларға ат салысқандарыңызға алғысымызды білдіреміз. Қош сау болыңыздар!