Урок родной (ненецкой) литературы 2 класс. Лаханако" Ёмбэ няби сюдбя".

Ёмбэ  няби сюдбя.

(Таймыркана  ӈэда  ямидхы лаханако).

Ямидхана  тикы  ява״ ӈылекахат пан״ мы.  Ненэй  ненэця״  тю״ уй тир״ нимня  ядэрць  нивэду״ пирас״. Я ваӈгхана илесятвы.

Ся״ ны   ӈэбта ӈод״  пухуця׳   вадана Ёмбо танявы.  Мяти׳  ӈоб״ саля׳  ниня падлёвы.

Ӈобӈгуна Ёмбо маниеда: сюдбя вэсако  мяканди׳  миӈа. Тад Ёмбо паркасипой пин׳  санэй״, ханкомда нэкалӈа. Надо׳  ни׳  танэй״. Тикы׳  пуд хайхалъи״. Сюдбя вэсако׳  хэван׳  тэвы״,

ман ״ма:

- Ада, ӈада, Ёмбо׳  хан, нулад״ ! Иринд хэван׳  тэвыни׳.

         Тад Ёмбо׳  хан тикэн׳  хасеръй״. Сюдбя вэсако ма:

- Абэй, ӈабэй, тикы ханар ӈули״ сава ӈэвыню״ !

Ханзер״  харета миӈа ?  Хандан тад ! Мань тэмдаӈгув.

Ёмбо ма:

- Ирикэ, тэри тарем׳  татав. Пыдар ӈопой яля׳  хунанд ханад ! Паныд ӈани׳  тюкона хаен״ ! Паркасипой  вунин  ханимд״. Мань паркасипой тюку ӈарка ям ӈопой яля׳  вэкана  сюрхалесятыв.

         Тад тикад сюдбя вэсако паныда екэйда, хая. Тарем׳  миндяханда   ӈаяда  сырадарев׳  хая. Пыда ихинянда  ма: «Ӈули״  ӈаркавна мань ханимядм».

Тад  хананда ни ӈамды״, ма״ нив:

- Ёмбэко  хан, хань״, хань״ !   Ӈули״  ханимядм׳.

Ёмбо׳  хан ханяхарт  хэван׳  ни харва״. Тад сюдбя вэсако тикыри яхана  ханимзь яӈгума. Ёмбэ׳  инда вато,  тарем׳  лахана:

- Сёнзя хамбол״  ӈэ, ти  хуркавна сит  хададм׳.

Тикы пуд  Ёмбо  хадамда  яминя пухуцяӈэ сертада. Пыда ӈани ӈарка Явмалӈэ ӈамды״. Та валакад.

К. Лабанаускас׳   падвэвна.

Литература:

Канюкова Р.И.  Ненецкий язык: 2 класс: Учебное пособие  по обучению грамоте и развитию речи для общеобразовательных учреждений. – СПб.: филиал изд-ва «Просвещение», 2014. – 167 с.: ил.