Визитка на якутском языке

Үүммут үтүө күнүнэн,
Тосхойбут дьоро түгэнинэн!
Убаастабыллаах учууталларга, оҕолорго уонна дьүүллүүр сүбэҕэ
Э5эрдэ эриэккэһэ,
Алгыс бастына буолуохтун!

Мин аатым ______________

Үөлээннээхтэрбин кытта
Араа-бараа улаатан,
Ойон тахсар күҥҥэ тэҥнээх

________________ орто оскуолатыгар
____ кылааска үөрэнэбин.

Куруутун бэйэм аргыс кэриэтэ оҥостор Семен Данилов хоһоонун эһиэхэ ааҕан иһитиннэриэхпин баҕарабын:

Эппэр  ийэм  үүтүн кытта

Иңмит эбит, быhыыта,

Кустук  өңнөөх,

Кымыс  сыттаах

Сахам  мандаар  саңата…

Кини  миэнэ –

Барҕа  баайым

Өлбөт мэңэм – мин дьолум!

Кини  миэнэ

Ыалдьар  ыарыым,

Үлэм,  күнүм – мин соргум.    

Итинник курдук               

Кунду учууталларым

Сылаас сыһыаннарыгар,

Истиҥ тапталларыгар

Угуттанан, уһуйуллан

Саха тылын уонна литературатын учууталын идэтин талан

Олох киэҥ суолугар үктэниэхпин баҕарабын.

Идэбин таларбар субэ-ама буолбут дьоннорум өр сылларга учууталынан үлэлээбит эбэм ________________________________, эдьиийим _____________________ буолаллар.

Бу сир үрдүгэр эңинэ бэйэлээх идэ баарыттан саамай ыарахан,ол гынан баран олус наадалаах, туһалаах, бочуоттаах идэ учуутал идэтэ буолар. Бу идэни талбыт киһиэхэ олус уустук сорук турар. Ол эн үөрэтэр о5олоруң инники дьыл5аларыгар улахан эппиэтинэһи сүгэриң буолар. Эн о5ону үөрэтэ ыллың да , кинини  КИҺИ гына иитэргэ сыал-сорук туруоран үлэлиигин. Бу о5о хайдах киһи буолан тахсара эн үөрэтэр предмеккин төһө дириңник билэргиттэн, ону сатаан о5олорго хайдах тиийимтиэтик биэрэргиттэн, бэйэң хайдах киһилии хаачыстыбалааххыттан, тулалыыр эйгэ5э, олоххо хайдах сыһыаннааххыттан улахан тутулуктаах.

Учуутал идэтин талбыт киһи барыта үчүгэй, о5о эрэ барыта сөбүлүүр  учуутала кыайан буолбат. Сорох киһи, кырдьык, үрдүк айыылартан айдарыллыбыт учуутал эрэ буоларга ананан төрөөбүт буолар. Ол дьон үлэлэрин хара са5аланыа5ыттан тута биллэллэр, о5олор тапталларын, бииргэ үлэлиир дьоннорун, төрөпппүттэрин билиниилэрин тута ылаллар. Оннук дьон олус сэдэх, тарбахха баттанар буолаллар. Онтон учуутал идэтин талбыт дьоннортон үгүс өттүлэрэ бэйэлэрин харыстаммакка, туох баар билиилэрин-көрүүлэрин, өйдөрүн-санааларын, сатабылларын, дьо5урдарын ууран туран, бириэмэни аахсыбакка  үлэлииллэрин түмүгэр дьиңнээх учуутал  үрдүк аатын ылаллар..

Учуутал хас биирдии уруога үөрэтэрин, биллэрэрин таһынан  иитэр суолтата олус күүстээх буолуохтаах. Дьиҥнээх учуутал сырдык мөссүөнэ, үөрэппит оҕолорун өйдөрүгэр- санааларыгар кинилэр олохторун устатыгар иҥэн, сырдыгынан сыдьаайар суолдьут сулус буолар аналлаах.

Мин олохпор туруоруммут сыалбын ситиһиэм, сахам тылын үөрэтэн, чинчийэн оҕолорго киэҥ билиини биэрэргэ дьулуһуом диэн бигэ эрэллээхпин:

                   « Төрөөбүт тылбыт

                      Сайда туруо

                      Төрүт ыччаппыт

                      Тирэхтээх буолуо

                      Төлкөтө түстэниэ!»

                            Дом!!!