"Үйшік" ертегісі ортаңғы топ

Білім беру саласы: Қатынас

Бөлімі: Тіл дамыту

Тақырыбы: «Үйшік» ертегісі

Мақсаты: Балалардың шығармашылық қабілетін дамыту.

Міндеті: Балалардың бойында ертегілер туралы түсініктерін кеңейту. Ертегі кейіпкерлерінің сөзін келтіріп айтуға дағдыландыру. Достыққа, татулыққа  тәрбиелеу.

Интеграция: музыка, қоршаған ортамен таныстыру,

Әдіс-тәсілдер: салыстыру,  сахналау, көрсету, түсіндіру, шаттық шеңбері,сергіту сәті, тақпақ,ойын.

Көрнекіліктер: ертегі кейіпкерлерінің  бет перделері, үнтаспа, көкөністердің муляжы,

Сөздік жұмыс: үйшік

Билингвальды компонент: үйшік-теремок

Барысы:                                          

Шаттық шеңбері:

Біз қандаймыз, қандаймыз

Шұғылалы таңдаймыз

Күлімдеген күндейміз

Еш уайымды білмейміз

Ойын: «Көңіл күйдің дыбысы»

             Ренжігенде «ух» дейміз;

             Қорыққанымыз да «ой» дейміз;

             Таңырқап «о-о» дейміз;

             Қуанғанда «ха-ха-ха» дейміз;

Тәрбиеші: Балалар, сендер қандай ертегілерді білесіңдер?

Балалар: Мақта қыз бен мысық, үш аю, Маша мен аю, Бауырсақ, Шалқан

Тәрбиеші: Дұрыс айтасыңдар. Бүгін біз «Үйшік» ертегісін рөлдерде ойнайтын боламыз.

Тіл ұстарту жаттығуы:

Қан-қан-қан – шиқылдауық тышқан

Қа-қа-қа- бақылдауық бақа

Ян-ян-ян- секеңдеген қоян

Кі-кі-кі- айлакер түлкі

Ю-ю-ю- қорбаңдаған аю

«Үйшік» ертегісін баяндау.

-Ерте, ерте, ертеде орманды аралап тышқан келе жатып, әдемі үйді көреді.

Тышқан: Бұл үйде кім тұрады? –дейді. Ешкім үн қатпайды. Сөйтіп тышқан сол үйде тұрып жатады.

Келесі күні орманды аралап бақа келе жатып, ол да үйшікті көреді.

Бақа: Бұл үйде кім тұрады? –деп сұрайды.

Тышқан: Мен –тышқанмын. Ал сен кімсің?-дейді.

Бақа: Мен бақамын

Тышқан: Маған өлең айтып берші-дейді.

Бақа:  Бақа, бақа, балпақ

            Басың неге жалпақ

            Темір телпек көп киіп

             Басым содан жалпақ

Тышқан: Кел, дос болайық-деп шақырады.

Келесі күні орманды аралап қоян  келе жатып, ол да үйшікті көреді.

Қоян: Бұл үйде кім тұрады?-дейді.

Тышқан: Мен –тышқанмын. Мен бақамын. Ал сен кімсің?-дейді.

Қоян: Мен қоянмын

Тышқан, Бақа: Сен бізге қалай секіретініңді көрсетші –дейді.

Үнтаспадан музыка ойналып, қоян секіріп көрсетеді.

Тышқан, Бақа: Кел, дос болайық-деп шақырады.

Келесі күні орманды аралап түлкі келе жатып, ол да үйшікті көреді.

Түлкі: Бұл үйде кім тұрады?-дейді.

Тышқан, Бақа, Қоян: Мен –тышқанмын. Мен бақамын. Мен қоянмын.

Ал сен кімсің?-дейді.

Түлкі: Мен түлкімін. Сендерге ойын алып келдім.

Ойын: «Дауысынан тап»

Тышқан, Бақа, Қоян: Кел, дос болайық-деп шақырады.

Келесі күні орманды аралап аю келе жатып, ол да үйшікті көреді.

Аю: Бұл үйде кім тұрады?-дейді.

Тышқан, Бақа, Қоян, Түлкі: Мен –тышқанмын. Мен бақамын. Мен қоянмын. Мен түлкімін. Ал сен кімсің?-дейді.

Аю: Мен аюмын. Сендерге көкөніс әкелдім-дейді.

Тышқан, Бақа, Қоян, Түлкі: Кел, дос болайық-деп шақырады.

Сөйтіп, барлығы тату-тәтті өмір сүріпті.

Тәрбиеші: Ертегі сендерге ұнады ма? Осы ертегідегідей тату, дос боламыз ба?.

Балалар: Иә, ұнады.

Билингвальды компонент: үйшік-теремок

Ойын: «Ертегі кейіпкерлерін тап»

Шарты: текшеде ертегілердің кейіпкерлері берілген. Қай ертегінің кейіпкері екенін табады.

Тәрбиеші: Үйшік ертегісінде қандай кейіпкерлер бар екен?  Осымен ашық тәрбие сағатымыз  аяқталды.