Өзімізді тани білейік! тренинг сабақ

№1 Шұбарқұдық мектеп-гимназиясы

Өзімізді тани білейік!!!

\тренинг сабақ\

Педагог-психолог: Ілияс Ә.Н.

2016-2017 оқу жылы

Сыныбы: 3 а

Тақырыбы: Өзімізді тани білейік. Мен кіммін?

Мақсаты: Оқушыларды достық қарым-қатынасқа, бір-бірін жақыннан танып-білуге, сыйлауға, көмектесуге шақыру, достық сезімдерін ояту мақсатында жүргізіледі.

Құрал-жабдық: қағаз, қалам

Ұйымдастыру кезеңі:

Оқушылармен сәлемдесу

Сәлемдесу, түгелдеу, топ арасында жағымды ахуал туғызу. «Бүгінгі күнге тілек!» Көңіл-күйлерін сұрау.

Ойын ережесі

-         Бір-бірін тыңдау;

-         Уақыт үнемдеу;

-         Белсенділік таныту;

-         Достық қарым-қатынас;

-         Жағымды эмоция тудыру.

Барысы:

Барлық оқушылар дөңгеленіп отырады.

Оқушылар өз есімдерін және өзінің өмірлік ұстанымдарын айтады.

          Аутоагентті жаттығу.       
Тренингке барлық оқушы қатысады.
Оқушыларға мінез туралы ақпарат беру
Оқушылар жұпта жұмыс жасайды (бір-бірлерінің жағымды әрі жағымсыз мінез ерекшелігін айтады)
           Ойынның шарты оқушыларға бір парақ ақ қағаздар таратылады. Таратылған ақ қағазды оқушылар скочтың көмегімен арқаларына жапсырады. Арқаларындағы жапсырылған ақ қағазға бір-бірлерінің бойындағы жағымды және жағымсыз мінез ерекшелігін және ыстық тілектерін жазады. Барлығы жазып болғаннан кейін, қайтадан дөнгеленіп отырып, арқаларындағы қағазды алып оқиды. Қағазды жыртпай, өздеріне естелікке қалдырады. 

Тренинг-ойын. «Сантики, Фантики, Лимпопо». Барлығы шеңбер бойымен тұрып, бір баланы таңдайды да бөлменің сыртына шығарады. Шеңбердегі балалардың ішінен бір баланы жүргізуші етіп сайлайды, ол шеңбердегі балаларға қозғалыстарды көрсетіп тұрады. Барлық ойыншылар жүргізушінің артынан көрсеткен қимылдарды қайталау керек. Қимылдарды қайталаған кезде жүргізушіге қарамай, білтіртпей жасау керек. Шеңбердегі балалар шапалақ ұрып, «САНТИКИ, ФАНТИКИ, ЛИМПОПО» деп айтып ойынды бастайды. Бөлме сыртында тұрған бала ойыншылардың дауыстарын естіп, бөлмеге кіреді де шеңбердің ортасына тұрып, кім жүргізуші екенін табу керек. Егер жүргізушіні тапса, жүргізуші есіктің сыртына шығады. Ойын сол ретімен жалғасып отырады. 

Оқушымен жұмыс   «Өзіңді-өзің танудың бір тәсілі» әдістемесі

 Адам өмір бойы өзін тануға ұмтылады. Ол үшін неше түрлі психологиялық тест, құралдар қолданып жатады. Нәтижесінде өзі туралы жақсы қорытынды шықса, марқайып, сол қалпынан танбауға тырысады, ал нашар қорытындыға сенгісі келмейді. Шын мәнінде бойындағы бар кемшілігін көрсетсе, оны түзетуге талпынады.

         Сондықтан біз осы кезден бастап қатемізді жөндеп, алдыға ұмтылып, өзіміздің жан дүниемізге үңілеміз.
             Қорытынды: Оқушылар өз бойларындағы жақсы қасиеттерін мақтан тұтып, жаман қасиеттерін жоямыз деп бір-бірлеріне уәде береді және тілеген тілектеріміз орындалсын деп қошемет көрсетіп (қол соғып) тренингті аяқтаймыз.