Сабақ
барысы:
І.
Миға шабуыл
•
«Қуаныш» сезімі қай кезде пайда болады?
•
Айналаңды қуанышқа бөлеу үшін не қажет?
•
Өзгелерді
қуантқанда өзің қандай күйде боласың?
•
«Табыс» деген не?
•
Адамның табысы немен өлшенеді?
2. Мағынаны тану
Қуаныш – керемет сезімдердің бірі. Қуаныш - бұл бақыттың бір бөлігі, ол
көңіл-күй мен күш-жігерді көтереді, ол сені әрекет етуге, күлуге, мейірімді
болуға итермелейді. Бірақ бұл оның барлық
сипаттамалары ма? Жоқ ... Қуанышты сөзбен айтып жеткізу мүмкін емес, сіз тек
осы сезімді бастан өткересіз. Қуаныш әртүрлі, бірақ ол әрдайым бақыт сыйлайды,
әрі өмірді толықтырып тұрады. Егер әркім өзінің қуанышын өзгелермен бөлісетін
болса, онда әлем жарқын болады. Қуанышқа кез келген нәрсе себеп болуы
мүмкін: жақсы баға, сәтті ойластырылған және аяқталған бизнес, күтпеген
жерден берілген сыйлық, баланың күлкісі, бөтен адамның сізге ықылас білдіруі,
қалықтаған бұлттар және т.б. Сондықтан да қуаныштың үлкен немесе кішісі
жоқ.
Табыс деген - белгілі бір уақыт аралығында жасаған қандай
да бір қызметінің нәтижесінде мемлекеттің, жеке азаматтың не заңды тұлғаның
алатын ақшасы не материалдық құндылығы. Алайда табыс - тек
материалдық байлық қана емес, ол адамның жан дүниесі, өмір салты, ойлау
жүйесі. Өмір сүрген адам табысқа жетпей тынбайды. Мұнда маңыз жеткен табыстың
саны мен сапасы емес, табысқа деген түсінікте жатыр. Бастысы жеткен табысты ұстай білуде. Кімде кім жеткен биігінде қалып
қойса, сол ғана нағыз табыскер.
ІІ. «Аяқталмаған сөйлем»
• Мен ерекше қуандым...
• Мені
қуанту үшін...
• Менің ойымша, табысты
адам...
• Табыстың кілті...
ІІІ.
«Синквейн»: қуаныш, табыс
1. Қуаныш
2. Шуақты, нұрлы
3. Нұрландырады, шаттандырады, көңілдендіреді
4. Қуаныш жүрекке нұр сыйлайды.
5. Шаттық
1. Табыс
2. Беделді, сыйлы
3. Көтереді (биікке), жоғарылатады (дәрежесін), асқақтатады (абыройын)
4. Табысты болу - өз қолыңда.
5. Жетістік
IV. Табысқа жету жолдары
Табысқа
жету үшін табандылық пен сенім қажет. Бұл орайда ескеретін біршама жайттар
бар. Ең алдымен мақсат қоя білу керек. Егер адам өз мақсатын дұрыс құра алса,
қалаған табысына қол жеткізеді. Мұнымен қоса, табысқа жетудің тағы бірнеше
критерийлері бар:
• Нақтылық.
Дұрыс қойылған мақсат әрқашан нақты болады және алдағы іс әрекеттерді
айқындайды.
• Өлшемділік. Алдыңызға қойған мақсатқа жету
үшін нақты не істеу қажет екенін, сондай-ақ жоспарыңызға жетуге қаншалықты
жақындағаныңызды түсіну қажет.
• Қолжетімділік. Сіздің келесі әрекеттеріңіз
нақты мүмкін болуы қажет.
• Мәнділік. Алға қойылған мақсаттар дұрыс
мағынаға сай болуы қажет.
• Уақыт бойынша айқындылық. Белгілі бір күні
көздеген мақсатқа жетуге тырысыңыз.
V. Қорытынды.
Қуанышқа кенелу де, табысқа жету де әр адамның өз қолында. Әр адам - өз
өмірінің қожайыны, сондықтан өз өмірін өзі қалағандай ете алады. Айналасына
қуаныш сыйлау – асыл қасиет, айналаңа қуаныш сыйлау арқылы айналаңды
нұрландырасың. Сонымен қатар, табысты тек материалдық құндылықпен
байланыстыру – қате түсінік, жаңсақ пікір. Рухани құндылықтарды да адам өз
табысы ретінде қарастыра алады. Әркім үшін қуаныштың да, табыстың да парқы,
құны әртүрлі. Қуаныштың үлкен-кішісі болмайтыны сынды, табысты үлкен-кіші деп
бағамдауға болмайды. Қуаныш та, табыс та – адам баласының өмірін айшықтайтын дүниелер.
|
Оставьте свой комментарий
Авторизуйтесь, чтобы задавать вопросы.