"Адам - өз өмірінің суретшісі" атты тәрбие сағаты

 Тақырыбы:     Адам- өз өмірінің суретшісі

Мақсаты : 1.(б) Рухани байлықты,яғни мейірімділік, қайырымдылық, 

                        адамгершілік,адам баласына тән қасиеттерді оқушылардың 

                        бойында қалыптастыру.Шапшаң ойлауға,өз пікірін саналы

                        ортаға шебер  сала білуге мүмкіндік беру.

                    2.(д) Адам бойындағы ұнамды, ұнамсыз қылықтарды ажырата

                     отырып, оқушылардың тіл байлығын, таным белсенділігін

                     арттыру.

                    3.(т) Әдептілікке, сыпайылыққа, мейірімділікке тәрбиелеу.

Көрнекілігі : Адамгершілікке байланысты түрлі суреттер а) «Үлкенді 

                        құрметтеу», «Кішіге қамқорлық»

                        б) Автобус ішіндегі бала.  в) Құстар атпау,мақал-мәтелдер,

                         күн,бұлт суреттері.

Барысы :        І. Психологиялық дайындық

                         (оқушылардың зейінін аудару) Гүл шоғы

                         ІІ. Қызығушылықты ояту

Балалар, адам бойында қандай асыл қасиеттер болады ?

      еңбекқор                                            мейірімді

    адалдық                                             кішіпейіл

 қайырымды                                                  ізетті

                         әділдік                       мәдениетті

                               адамгершілігі мол

Ал, қандай жаман қасиеттер бар ?

ызақоқ         мейірімсіз                       мақтаншақ

       жалқаулық

 

                                                       еріншектік

ашуланшақ

                                  өтірікші       сараңдық

ІІІ.Мағынаны тану

 Бүгінгі біздің тәрбие сағатымыздың тақырыбы : «Адам-өз өмірінің суретшісі».Біз адамның жақсы, жаман қасиеттері туралы әңгімелейміз. Негізінен адамның жақсы өмір сүруі,нашар өмір сүруі де өз қолында.Бізге ақылдылықты,адалдықты,қарапайымдылықты,кішіпейілділікті,инабаттылықты,шыншылдықты үлкендер үйретеді. Ол біздің ата-аналарымыз, ақ сүтін бірге отырып, ана тілін үйретеді.Біз оны түсініп,ата-баба салт-әдеттерін үйренеміз. Адам болатын бала,жаман мінез әдеттерден, ұнамсыз қылықтардан аулақ болуға тырысуы керек.

  Абай атамыз «Әдептілік дегеніміз ешкімге жаман сөз айтып тіл тигізбеу,зәбірлемеу деген.»Адамның өзін -өзі дұрыс ұстай білуі-жақсы қасиеті,ол мәдениеттілікпен тығыз байланысты.Жақсы оқушы сыныпта партаға қисайып жатып алмайды.Қоғамдық орындарда ретсіз қатты сөйлеп,жөнсіз күліп,сыбырласпайды.Қасындағы адамға бірдеңе айтқысы келсе кейінірек айтады.

  Балалар, сіздер «Айгөлек», «Балдырған» журналдарын оқисыздар ма ?

  Онда адамгершілікке,кішіпейілдікке т.б. байланысты өлеңдер оқыдыңдар ма ?

 Қане айтып берейікші

 1-оқушы : Ата-ананың тілегі,

                   Адам болып өскенің.

                   Адамдықтың тірегі,

                   Адам болып өскенің.

  2- оқушы : Сыйлап сәлем беремін,

                      Көршілерді көргенде

                     Ізетті деп білемін,

                     Үйге қонақ келгенде

                     Әдепсіз деп сөкпесін,

                     Анама айтып айтып өкпесін.

3-оқушы : Кім үлкенді сыйласа,

                  Кім үлкенді тыңдаса.

                  Сыйлы болмақ,өзі де

                  Үлкен болған кезінде.

Суретпен жұмыс.

Көрініс.

 Әйкеннің апасы мен көкесі үйде жоқ болатын. Бір кезде есіктің қоңырауы шырылдады. Әйкен есікті ашты. Ар жағында Ажар  апай тұр екен. Әйкен Ажар апайды танитын. Ол апасымен бірге жұмыс істейді.

 -Амансыз ба, қалқам ?-деді ол.

- Ата-анаң қайда ?

- Олар үйде жоқ,-деді Әйкен, есіктің жақтауынан ұстаған күйі

- Қап! Бір шаруамен келіп едім.

Ажар апай сәл бөгеліп тұрды да, бұрыла берді.

  Сендер әйкеннің орнында болсаңдар қайтер едіңдер ?

Ойтолғау:

 Әр топқа тапсырмалар беріледі

І топ :Мектептегі әдептілік деген не ?

ІІ топ: Амандасу тәртібі

ІІІ топ: Жақсы,жаман әдеттерге байланысты мақал-мәтелдер айту

ІV. топ: Отбасындағы  әдептілік

Мұғалім : үйде бәрің теледидар,көріп отырсыңдар. Болып жатқан бағдарлама саған ұнамайды. Сенің басқа арнада болып жатқан мультфильді көргің келеді.

Не істер едің ?

(оқушылар пікірін тыңдау)

1-оқушы :  Тәртіпті бала сүйеніш

                   Төбең бір көкке жетеді

                   Тәртіпсіз бала күйініш

                   Төмендеп басың кетеді.

2-оқушы :  Ұрыншақ бала жанында,

                   Ұрыс пен керіс айқау –шу

                   Ұстамды бала маңынан.

                   Ұнамды қылық байқайсың.

3-оқушы :  Шындықты сақтаймыз,

                   Шындықты жақтаймыз

                   Шаршы топ алдында,

                   Шығарып мақтаймыз.

4-оқушы :  Салма аузыңа инені,

                    Үзбе жұлып түймені

                    Ашуланбай долданып,

                    Жауап берген ойланып.

                    Құр бекерге қылқима,

                    Болмашыға бұртима.

5-оқушы :  Су құйдым да құманмен,

                    Қолына мен әкемнің.

                    Содан кейін оған мен,

                    Орамалды әпердім.

Бәрі :        Үлкенді сыйлаймыз,

                  Айтқанды тыңдаймыз.

                  Кішіге ағамыз,

                  Құшаққа аламыз.

6-оқушы : Біз егеменді алған елде өмір сүрудеміз,Сондықтан

жарқын заманымызға сай мәдениетті, адамгершілігі мол, қайырымды,

ізетті,кішіпейіл,мейірімді,әдепті,білімді,білікті,салауатты азамат болуымыз керек.

Қорытынды:

  Балалар,бүгінгі тәрбие сағатымызды қорытындылай келе әр адамның өмірі өз қолында,екенін білуіміз керек. Әрине қазіргі өмірде сыртқы әсерге,белгілі бір адамдарға,белгілі бір жағдайларға байланысты адам өмірінде өзгерістер болуы ғажап емес.Бірақ та,жалпы алғанда егер адам мәдениетті,мейірімді адал,ұқыпты,салауатты болса ол адамның өмірі неге нашар болуы керек.

  Әрине ол адам бақытты. Өмірі мәнді де,сәнді болады.Сондықтан әр адам өз өмірін өз қолымен жасаушы деп айта аламыз.Жақсы өмірге жету үшін білімді де, білікті,иманды,салауатты өмір салтын ұстануымыз керек.

   Сонда ғана сіздер жақсы азамат боласыңдар.

-Біз бүгін қандай тақырыпта сөз қозғадық ?

-Нені ойға тоқып, жадымызға сақтауға тиіспіз ?

-Сендер қандай азамат болып өсулерің керек ?

(оқушылардың жауаптары тыңдалады)