"Алтын қақпа" Сайыс сабақ.

«Алтын қақпа» интеллектуалды сайысы

Добавить комментарий

Сабақтың тақырыбы: «Алтын қақпа» интеллектуалды сайысы

Сабақтың мақсаты: 1.Б алалардың ойы дамып,дүниетанымы қалыптасып,нағыз адам болуы үшін,

ана тілінде сөйлеу шеберлігін арттырып тіл байлығын молайту.

2.Ойы мен қиялын білімге деген құштарлығын жетілдіру

3. Адамгершілікке,іздемпаздыққа, ұйымшылдыққа тәрбиелеу

4.Тәуелсіздігіміздің 20 жылдығына арнай түсініктерін арттыру.

Сабақтың көрнекілігі: Интерактивті тақта, слайдтар, «Алтын

қақпа» макеті,ұлттық киім киген оқушы-

лар,батырдың киімін киген уәзірлер

Сабақтың түрі : Сайыс сабақ

Сабақтың барысы

1 . Үнтаспадан көңілді әуен ойналып,интерактивті тақтада әсем табиғаты бейнеленген «Білім» патшалығының шаһары көрсетіліп жатады.

2. Осы көрініспен қатар:

«Ерте ,ерте ,ертеде,ешкі  құйрығы келтеде,асқар шыңы аспанмен таласқан,жасыл желегі жайқалған,күмістей ғажайып суы сылдыраған,тұрмысы сәндә,өмірлері мәнді ғажайып «Білім»деген елде

« Дарын » атты патша өмір сүріпті.Тәуелсіз ел болғанына 22 жыл болады екен. Қой үстіне бозторғай жұмырталаған заман екен.

Ол елдің ғажайыптығы сол,есігін аттаған бала оқымысты ,ғалым болып,небір құпияларды біліп шығады екен.Патша өзінің жанына қабілеті өзінен асып түсетін балаларды жинап, өз шаһарының дәулеті мен сәулетін арттырмақшы болады.Сөйтіп бүкіл ғаламға жар салыпты. Үміткерлер жан-жақтан ағылады. Патшалыққа барып тұрғысы келген №34 орта мектептің 3 «в» сыныбының оқушылары да бақтарын сынауға «Білім » еліне жолға шықты.» -деген сөз естіледі.

I слайд «Білім» еліне хош келдіңіздер!

3.Мұғалім: Сәт сапар жас достар.Қадамдарың құтты болсын.

«Дарын »патшасы мені сендерді қарсы алуға жіберді.Патша жарлығы бойынша жиналған үміткерлерді сол елдің қақпасына дейін апару үшін менің де сендерге қояр шартым бар. Мынандай жұмбақты шешіп көріңдер.Жауабын дұрыс шешкен бала ғана соңымнан ереді. Ата-аналар көрермендер тыныштық сақтайық. Көмек беруге болмайды. Ондай істі байқаса менің уәзірлерім бірден шығарып жібереді.Келістікпе?

II слайд Жұмбақ

Жүре алмайсың, жолы болса да,

Жырта алмайсың,жері болса да.

Шаба алмайсың,нуы болса да,

Іше алмайсың, суы болса да.

Ал,жауабын ешкімге көрсетпей ,алдарыңдағы қағазға жаза қойыңдар.

III слайд Жұмбақтың шешімі: Глобус суреті

• Осы сурет аты жазылған болса,сол бала тапқыр.Ортаға шақырамын.

(Шешімін дұрыс тапқан балалар ортаға шығады.)

• «Білім »патшалығына жолға шығуға әзірсіңдер ме Бұл патшалықтың үш қақпасы бар.

Патшалыққа жету үшін қиын жолдардан өтеміз.Әуелі сендерге төсбелгі қадап қояйын. Мынау патшалықтың «Тас қақпасы»

( «Тас қақпа» алдына келіп екіге бөлініп тұрады.Қақпаның екі жағында екі батырдың киімін киген оқушылар тұрады.)

• Бір-бірімізді тыңдап, Нөмер бойынша кезекпен менің сұрағыма жауап бересіңдер.Әр балаға бір ғана сұрақ .Жауап дұрыс болса,ары қарай, «Күміс қақпаға» өтесіңдер. Білімдінің білімдісі ғана «Алтын қақпаға» барып,сұрағының дұрыс жауабын тапса ғана патшалыққа еркін ене алады.

IV слайд «Тас қақпа» тапсырмалары:

V слайд Елтаңба авторы кім?

Жауабы:Жандарбек Мәлібеков пен Шота Уалиханов

Ерсұлтан: Рәміздерім елдігімнің белгісі,

Білу керек бала дағы ең кіші.

Рәміздерім-Әнұран,Ту,Елтаңба,

Рәміздерді жатқа білген жөн кісі.

VI слайд Еліміздің туы тік төртбұрышқа ұқсас: ұзындығы 4 м,

ені 3 м

Жауабы:Еліміздің туы ұзындығы 2 м,ені 3м тік төртбұрыш

тәрізді көк мата..Авторы :Шәкен Ниязбеков

Эльвира: ҚР-ның Мемлекеттік туы-тік төртбұрышты көгілдір мата,тудың ортасында шұғылалы күн бейнеленген. Оның астында қалықтап ұщқан қара құс бейнесі алтын түсті бояумен берілген. Матаның сол жағында ұлттық ою-өрнек салынған.Тік жолағы бар. Тудың ені 1м,ұзындығы2 м.

Бауыржан: Көк аспандай көкпеңбек,

Қазақстан жалауы.

Көк емес ол тектен тек,

Елдің ашық қабағы.

Ақ ниеті-алтын күн,

Асқақ арман қыраны,

Жалауы бұл халқымның,

Мәртебесі мақтаны.

Видео материал «Желтоқсан желі»

VII слайд Желтоқсан оқиғасы 1987 жылы 15 желтоқсанда басталды.

Жауабы:Желтоқсан оқиғасы 1986 жылы 16 желтоқсанда Алматы қаласында Орталық алаңда басталды.

Тілепберген: Туын тіккен төріне

Аңсап ең ғой осы сәтті.

Енді міне айта аласың,

Қазақ деген егеменді елмін деп.

Асылбек: Ана тілім-ұраным,

Ана тілім-құралым.

Ана тілі болмаса,

Болмас еді жыр-әнім.

Ақерке: Ана сүтін ақтаңдар,

Ана тілін сақтаңдар.

Ана тілмен арайлап,

Ата берсін ақ таңдар.

VIII слайд Желтоқсан оқиғасына қатысушы Ләззат Асанова Семей қаласында жерленген.

Жауабы: Дұрыс емес. Л Асанова желтоқсанға қатысты,бірақ

Семей қаласында жерленген желтоқсан батыры

Қайрат Рысқұлбеков. 33 орта мектепке аты берілді.

IX слайд Желтоқсанда үзілген жауқазындар:Ә Молдағұлова,

Л Асанова,М Мәмбетова,С Мұхамеджанова.

Жауабы:Ә Молдағұлов мен М Мәмбетова Отан соғысының батырлары желтоқсанда үзілген жауқазындар Л Асанова мен С Мұхамеджанова

X слайд “Арман қудың ба, алдыңа қара, артыңа алаң болма! Өмірдің өткелін іздеп таптың ба, жүрексінбе, көзді жұм да қойып кет,белді шеш те кешіп өт …”
Кімнің күнделігі ?
Қандай шығарма оқығаныңды айт.

Жауабы:Қ Рысқұлбековтың түрмеде отырып жазғаны. Ол туралы «Ол ақын болар ма еді? »деген мәтін оқыдық.

XI слайд Шығыстың қос шынары

Жауабы: М Мәмбетова мен Ә Молдағұлова

XII слайд Бейне сұрақ.Халық қаһарманы,майдангер жазушы

Ол кім ?

Жауабы: Бауыржан Момышұлы

XIII слайд Жақсылыққа жамандық бар.. дегенге құрылған мәтін.

Ы. Алтынсарин «Таза бұлақ»

Жауабы: Ы Алтынсарин «Баланың айласы» Жыланның сөзі

XIV слайд М Мұқатаевтың «Үш бақытым»деп отырғаны.

Әке,ана,бала

Отан,тіл,халық

Жауабы: Отан,тіл,халық

Жауап берген оқушылар қалып,жауап бере алмағандарына сыйлықтарын беріп елдеріне қайтарамын. Ендігі қақпа сұрақтары Астана туралы мына фильмді тамашалай тұрайық.

Видео материал «Астана»

XV слайд «Күміс қақпа»тапсырмалары.

XVI слайд Астананың 20 жылдығының ашылу сәті.

Жауабы: 2010 жылы 6 шілдеде Астанаға 10 жыл болды.

Толымғазы: Отан-суым,Отан-жерім,

Отан-қуат,нәр береді.

Отан-ұран,Отан-туым,

Отан мәңгі гүлденеді.

XVII слайд «Қазақ елі» монументі Семей қаласында.

Жауабы: Бұл монумент Астана қаласында

Дамир: Отанымның төрінде,

Сарарқаның өрінде,

Ту ұстаған Астанам,

Әсемқалам,бас қалам.

XVIII слайд Қазақтың атақты билері: Қазыбек,Төле,Абылай,Әйтеке

Жауабы: Абылай хан, ал билер: Төле би, Әйтеке би,Қазыбек би.

XIX слайд 7 санына мына суреттің қатысы бар ма?

Жауабы: Иә, 7 қысқы Азиаданың белгісі

Сайыстан шыққан оқушыларға сыйлықтарын беріп қоштасымын.