Тақырыбы: Анаға тағзым!
Мақсаты: Балаларды аналарын құрметтеуге, аялауға, мейірімділікке тәрбиелеу, мәнерлі сөйлеуге, көпшілік ортада өзін мәдениетті ұстауға дағдыландыру.
Жүргізуші: Қазір де, бұрынғы өткен замандарда,
Ананы қадірлемес адам бар ма?
Аналар-ардақтылар жасай берсін,
Әрқашан бақыттысың анаң барда.
Қымбатты да, абзал аналар, ардақты апайлар!
Сіздерді көктем айының алғашқы мерекесі «Аналар» мейрамымен құттықтаймыз. Сіздерге зор денсаулық, ұзақ өмір, бала бақытын тілейміз.Сіздердің құрметтеріңізге балаларымыздың арнайы дайындаған «Анаға тағзым» атты ертеңгілігімізді тамашалауға қош келдіңіздер!
Той-тойлап дала мен қалаларым,
Мерекең құтты болсын аналарым!
Қаракөз қыз, абзал ана мерекесін,
Құттықтауға келе жатыр балаларың.
(Балалар «Көктем» әнінің әуенімен залға кіреді)
Жүргізуші: Балалар, қыс мезгілінен кейін бізге қай мезгіл келіп жетті?
Балалар: Көктем
Жүргізуші: Дұрыс.Көктем мезгілінің алғашқы мерекесі қандай мереке?
Балалар: Аналар мерекесі
Жүргізуші: Жарайсыңдар. Осы орайда мен сендерге жұмбақ жасырғым келіп тұр. Мұқият тыңдаңдар.
Бала, бала, бала деп, түнде шошып оянған
Түн ұйқысын төрт бөліп, түнде бесік таянған
Аялы қолда талпынтқан, қаймақты сүттей қалқытқан
Суық болса жөргегі, қорғасындай балқытқан
Айналасына ас қайып, өзенді көлдей шалқытқан
Қолын қатты тигізбей, кірлі көйлек кигізбей,
Иісін жұпар аңқытқан, бұл кім?
Балалар: Ана, Ана, Ана!
Жүргізуші: Ендеше, аналар! Барлық тілектеріміз бен лебіздеріміз сіздерге арналады.
Той пердесін ашайық
Әнге шашу шашайық
Аналарды құрметтеп,
Ән маржанын шашайық!
Хор: «Көктем» әні
Тақпақтар:
Жанерке
Өмірге ана-бұлақ, ана-пана
Өмірді өркендетер ана ғана
Ананың жүрегінен орын алған
Ізгілік, мейірбандық сезім ғана
Ернұр
Бәрімізге анасың
Біз үшін көп жанасың
Құтты болсын мейрамың
Құттықтаймын анашым
Анар
Ана-өмір мәңгілік
Жүзі нұрлы таң күліп
Ана десе әркімнің
Көкірегінде жанды үміт
Аруна
Күн боп күліп балаға
Ой жіберген санаға
Мың бір сәлем жолдаймыз
Ардақты абзал анаға!
Еркебұлан
Өмірдің гүлі – бала
Баламен өмір жаңа
Анаға бала бақыт,
Балаға ана-пана
Гүлнұр
Ойыңды білетін
Бәйек болып жүретін
Бір адам-
Ол менің ақ анам!
Құшағы нұрлы
Өмірі жырлы
Бір-адам -
Ол менің ақ анам!
Жүргізуші: Енді аналар, балалар!Ару көктемді, қыз көктемді, аналарға күн сыйлаған гүл көктемді қарсы алайық!
(музыка ырғағымен көктем кіреді)
Саламат па , Ару көктем!
Сені асыға күттік көптен!
Көктем:
Сәлем, сәлем балақайлар!
Әзиз әже, назды апайлар
Қуаныңдар алақайлап,
Құстар әнін ала келдім
Жерге кілем жаба келдім
Жан бітірткен табиғатқа
Гүлдерімді ала келдім
