Ашық сабақ "Ертегіде қонақта"

Ұйымдастырылған оқу қызметінің технологиялық картасы

Тобы :Әр түрлі жастағы «Балапан» тобы

Күні: 18.04.17

Тәрбиеші: Н.Ж.Молдабаева

Білім беру саласы: «Коммуникация»

ҰОҚ:  Сөйлеуді дамыту.

Тақырыбы: «Ертегіде қонақта»

Мақсаты : Балаларды сурет бойынша, өздеріне таныс ертегілердің мазмұның қысқаша баяндай білуге үйретуді жалғастыру.

БМ.:Сөздік қорларын сөйлеу барысында қолдана білулерін белсендіру.

ДМ.:Балалардың айтылған ойды тыңдауға және ұғынуға, әңгімеге араласып, сұрауға және сұраққа жауап беру білігін дамытуды жалғастыру.

ТМ.:Үлкенге, кішіге көмек бере білуге тәрбиелеу.

Керекті құралдар: ертегі суреттері, ертегі кейіпкерлерінің атрибуттары

Билингвальды компонент: ертегі –сказка,қонақта – в гостях

Әрекет кезеңдері	Тәрбиешінің іс-әрекеті	Балалардың іс-әрекеті	Есеп
			+	-
Мотивациялық қозғаушылық	-         Сәлеметсіңдер ме, балалар! -         Балалар, бүгін ерекше күн, өйткені бізге көптеген қонақтар келіпті. -         Ендеше балалар, келген қонақтармен амандасып алайық. -         Сәлеметсіздер ме, апайлар! Шаттық шеңбері -Балалар, бүгінгі күніміз жақсы әрі сәтті өту үшін бір-бірімізге жылы тілектер айтумен бастайық. -Аспанымыз ашық болсын! - Деніміз сау болсын! - Нанымыз мол болсын! - Отанымыз тыныш болсын! Көк туымыз биік болсын!	Амандасады Балалар шаттық шеңберіне тұрып тәрбиешімен бірге өлең жолдарын қайталап айтады. Балалар жылы тілектерін айтады орындарына отырады.
Ұйымдастыру-іздену	Әңгімелесу. «Балалар, міне, бүгін біз «Ертегіде қонақта» тақырыбында оқу қызметінде өтеміз және ертегі әлеміне қонаққа барамыз. Осы уақытқа дейін көп ертегі-аңыздармен, әңгіме- жырлармен, өлең- тақпақтармен, жұмбақ- мақал, жаңылтпаштармен танысып, естіп білдік, олардың суретін салып өнер орталығында үйрендік. Қане, есімізге түсірейікші, жыл бойы қандай ертегілермен таныстық?» - Балалар, сендер ертегілер әлеміне қонаққа  барғыларың келе ме? Олай, болса, ертегіге қонаққа немен барсақ екен? – Балалар сендер қандай көлік түрлерін білесіңдер? - Жарайсыңдар, олай болса барлығымыз сыйып отыратын пойызбен барайық. Балалар жайғасып отыра қойыңдар. Балалар  жайғасып  отырып болғаннан кейін үнтаспадан пойыз дауысы шығады. Пойыз аялдамаға тоқтайды. Аялдама алдында ерекше қорапша жатыр екен. Қызық бұл не қорапша екен?  Тәрбиеші қорапшаны алып қарайды. Қорапша бұрышында хат жасырылған екен, сол хатты тәрбиеші алып оқиды. Хатта: «  Қорапшаны айналдырып тастаған кезде, қай ертегінің  бейнесі шықса  сол ертегіні айтып береміз» деп жазылыпты. («Жеті лақ») Балалар  тапсырманы орындайды. Балалар қайтадан пойызға мініп жолға шығады, жолда  ерекше сандықша тұрады. Балалар қараңдаршы қандай ерекше сандықша. Ашып көрейікші,ой мына сандықшаның  қақпағы ашылмайды ғой. –Енді қалай ашамыз? Балалар мына жерде жұмбақтар жазылыпты, қанекей шешімін тауып көреміз бе? Мүмкін жұмбақтың шешімін тапсақ, сандықшаның қақпағы ашылатын шығар. Жұмбақтар: Қалқиып ұзын құлағы Елеңдеп қорқып тұрады  (Қоян) Өзі қу, әрі айлакер Жүрген жері айқай да шу    (Түлкі) Қыс бойы жатады Тәтті ұйқыға жатады  (Аю) Жұмбақтың шешімін тапқан кезде сандықшаның қақпағы ашылады, ішінен кемпір, шал, бауырсақ,  қоян, қасқыр, аю, түлкі  шығады. Балалар бұл қай ертегінің кейіпкерлері? -         Жарайсыңдар балалар!  -Бауырсақты кім пісірді? -Бауырсақ қандай ән айтады? Балалар  тапсырманы орындайды. Балалар қайтадан пойызға мініп жолға шығады, жолда  ерекше сурет  тапсырмасымен тұрады .Ертегіні тауып айт. Дидактикалық ойын «Рет ретімен кейіпкерлерді орналастыр» Балалар қайтадан пойызға мініп жолға шығады, жолда алдарынан екі кейіпкер шығады.Олар кім екен? (Мақта қызбен мысық) -Балалар, «Мақта қызбен мысық» ертегісін қонақтарымызға сахналап берейік. Ертегіні сахналау. -Рахмет, балалар.Енді пойызға отырып тобымызға қайтайық.	Балалар өтілген оқу іс-әрекетіндегі ертегілерді естеріне түсіріп, қайталап айтып шығады. Балалар қайырымды-лық, зұлымдылық, еңбекқорлық туралы пікір алмасады. Ертегілер әлеміне қонаққа барғымыз келеді. Әуеде, суда жерде жүретін көлік түрлерін білеміз. Балалар оқу іс-әрекетіне қызығушылықпен қатысады. Балалар тапсырманы қызығушылық-пен орындайды.  «Жеті лақ» ертегісін айтып береді Иә, жұмбақтың шешімін шешіп көрейік.  «Бауырсақ» ертегісінің кейіпкерлері. Әже Бауырсақтын әнін айтып береді «Үйшік» ертегісі Аңдарды үйшікке рет ретіен орналастырады -         Мақта қызбен мысық Ертегіні сахналайды
Рефлексивті Түзету	Балалардан сұрақ-жауап алысу арқылы  ұйымдастырылған оқу қызметін пысықтау, ұйымдастырылған оқу қызметіне жақсы қатысқан балаларды мадақтау. -Қонақтармен қоштасайық.	Балалардың жауаптары -Сау болыңыз, апайлар!

Күтілетін нәтиже

Білу: Ертегілер бізді батыл, адал, еңбекқор болуға жетелейтінін білу.

Меңгеру: Ертегі кейіпкерлерінің жағымды жағымсызын ажыратып айтуды меңгеру.

Жасай алды:  Берілген тапсырмаларды орындай алды.