Ашық сабақ " Ойыншықтармен танысу"

«Гүлдер» тобының  ұйымдастырылған оқу іс-әрекетінің  технологиялық картасы.

Білім беру саласы: Қатынас

Кіші сала: Тіл дамыту, Қоршаған ортамен танысу

Тақырыбы:  «Ойыншықтармен танысу»

Мақсаты: айналадағы заттар, олардың сапасы, қасиеті, неден   жасалғандығы туралы түсініктерін жүйелеп қорытындылау; тақырып бойынша тілдік қорын, ойыншықтар туралы түсініктерін кеңейту; ойыншықтарға ұқыппен қарауға тәрбиелеу; балаларды бауырмалдыққа баулу;

Іс-әрекет кезеңі	Тәрбиеші іс-әрекеті	Балалардың іс-әрекеті
Дәлелдеп-талаптану	Іс-әрекет барысы: Бүгін балалар бізде ерекше күн! Бізге көп қонақтар келіп қалған екен. Қонақтармен  амандасып алайықшы! Балалар, сендер ойыншықтарды жақсы көресіңдер ме? Ең жақсы көретін ойыншықтарынды атаңдаршы? (Менің сүйікті ойыншығым...)	Психологиялық сәт: (жайлы әуен) Балалар көздерін жұмып, бірі-бірінің қолынан ұстап, жылуларын сезінеді. (Жылуларын бір-біріне үрлейді) Балалар өздерінің сүйікті ойыншықтары туралы әңгімелейді.
Ұйымдастырушылық ізденіс	Көңілді әуен қосылады. Қонаққа Клоун келеді. Оның қолында әуе шарларымен бірге себетте ойыншықтар салынған. Тәрбиеші: Сәлеметсің бе клоун! Қандай әдемі ойыншықтар әкелгенсін, бізге! Клоун балалармен амандасады. Сергіту сәті: Тәрбиеші: Жарайсындар, балалар! Онда біз қазір клоунмен бірге ойын ойнайықшы. «Алтын қақпа» ойыны Мақсаты: ойыншықтарды атай , тани білуге баулу; Сиқырлы әуен естіледі. Тақтада сиқырланған дорба көрсетіледі. «Сиқырлы дорба» дидактикалық ойыны Мақсаты: ойыншықтарды сипап сезу әдісі арқылы сипаттайды. Клоун  балалармен қоштасып кетеді.	Балалар қонаққа келген клоунмен амандасады, себеттегі ойыншықтарын тамашалайды. Сергіту сәті: «Қолға алып шарды, Үрлеймін мен былай Уф-ф. Үрлеймін деп қатты Жарып алдым шарды Пах-пах» Балалар ойын ойнауға келіседі. Балалар «Алтын қақпа» ойынын ойнайды. Балалар дорбаға қызығып қарайды. Тәрбиешімен бірге дорбаның сиқырын жоғалтуға ірекет жасайды. «Сиқырлы дорба» дидактикалық ойынын ойнайды. Балалар клоунмен қоштасады.
Рефлекстік түзету	Қорытынды сұрақтар қойылады. Әңгімелесу.	Көңіл-күйлерін көтеру.

Күтілетін нәтиже:

Білу:  ойыншықтарды атай біледі;

Болу: ойыншықтарға ұқыппен қарау ;

Қолдану: өз ойын білдіру үшін сөздерді қолданады;