Сабақтың тақырыбы: Сұраулы сөйлем
Сабақтың мақсаты: білімділігі: Сұраулы
сөйлем туралы мағлұмат беру, сөйлем түрлерін ажырату.
Дамытушылығы: Сұрақ қою арқылы жан жақты
ойлауға үйретіп, сауатты жазуға дағдыландыру. Тіл байлығын, сөздік қорын
дамыту.
Тәрбиелігі: Үлкенді сыйлай білуге, әдепті
ұйымшыл болуға тәрбиелеу. Көркем жазуға баулу.
Түрі: ашық сабақ
Көрнекелігі:оқулық, суреттер, карточкалар
Сабақтың барысы:
І. Ұйымдастыру бөлімі:
Психологиялық дайындық:
5 болсын алар бағамыз,
Білімнен бақыт табамыз.
Өнерменен өрістеп,
Өсе берсін санамыз.
Мақсатымыз білім алу,
Міндетіміз еңбектену.
-Балалар бүгін біздің сабағымызға қонақтар
келіп отыр. Біз қонақтарды жақсы тәртібімізбен қарсы алып шығарып салуымыз
керек.
ІІ. Өткен тақырыпты бекіту:
«Болашақ журналист» ойыны. Тікелей эфирда
жүргізушілер сендердің қастарына барып сұрақ қояды. Өткен тақырып бойынша.
Сендер сол сұраққа жауап берулерің керек.
1. Сөйлем
нені білдіреді? Аяқталған ойды.
2. Сөйлем
неден құралады? Сөзден.
3. Сөйлемдегі
сөздер қалай жазылады? Бөлек
4. Сөйлемнің
бірінші сөзі қандай әріптен басталып жазылады? Бас әріптен .
5. Бірдене
жайында хабарлау мақсатымен айтылған сөйлемді қандай сөйлем дейміз? Хабарлы сөйлем.
6. Хабарлы
сөйлемнен кейін қандай тыныс белгісі қойылады? Нүкте
7. Сөйлемнің
соңына қандай тыныс белгісі қойылады? Нүкте, леп белгісі, сұрақ белгісі
ІІІ. Жаңа сабақ:
-Балалар тақтадан не
көріп отырсыңдар? Шарлар. Бұл шарлардың ішінде бірдене бар, бұл нелер ? не
істейміз? Қалай аламыз? Бұл шарларды алу үшін жұмбақ жасырамын, тапқан төрт
оқушы шығады:
1. Аузы бар, тілі жоқ,
Терісі бар,жүні жоқ.
Қанаты бар ұшпайды,
Су астында қыстайды
Жұмбақтың шешуін тапқан оқушыларды
шығарып, шарды жарғызып сұрақты оқу.
-Сенің атың кім?
-Нешінші сыныпта оқисыңдар?
-Сабақтарың нешеде басталады?
-Сабақтан бос уақытта не
істейсіңдер?
Сұрақ: Оқыған сөйлемдерің қандай сөйлемдер
деп ойлайсыңдар?(сұраулы сөйлем)
-Неге?
-Сұрақты не үшін қоямыз? (Жауап алу үшін)
-Осыдан ереже шығарып алайық.
Жауап алу мақсатында айтылған сөйлемді
сұраулы сөйлем дейміз. Сұраулы сөйлемнің соңына сұрау белгісі (?) қойылады.
Мысалы:Сенің атын кім?
(Оқулықтағы ережені көрсету)
Күннің жадын жазу.
Тақырып жазу.
Көркем жазу. Мақал-мәтел жазу.
ІҮ. Оқулықпен жұмыс:
1жаттығу. Ауызша орындау.
Қайрат Жұмағалиевтің өленің оқимыз.Ол
Қазақстан Жазушылар одағының мүшесі, көптеген жыр жинақтардың авторы. Ол 16. 09.
1937 жылы дүниеге келген.
-Маралдың сұрақтарына
сендер шамаларын келгенше жауап беруге тырысыңдар. Маралдың сұрақтарына нақты
жауап беру үшін, менің сендерге айтар кеңесім, Бұл кім? Бұл не? Негеш? Бәрін
білгім келеді? Балалар энциклопедиясы сияқты кітаптардан іздеуге болады. Келесі
сабаққа осы сұрақтың жауабын дайындап келіңдер.
Карточкамен жұмыс.
Суреттер арқылы.
Балаларға карточка
таратып, тапсырмалар орындату.
Жұмыстан үш-төрт оқушыдан
сұрап, қалған жұмысты жинап алу.
-Бұндай екі адамның
сөйлесуін диалог дейміз.
Ү. Сергіту сәті.
-Балалар тақтадағы суретке қарайықшы.
Сурет бойынша сұрақтарға жауап берейік. Тақырып қою. Балаларды біртіндеп
шығарып төрт сөйлем жазады. Дәптерлеріне көшіру.
ҮІ. Үй тапсырмасы:
82 бет, 2жаттығу. Ереже жаттау.
ҮІІ.Бекіту:
-Балалар бізге бір керемет хат келіпті.
«Балапан» телеарнасындағы Али мен Аяның, Білімпаз аталары жіберіпті. Бұл хаттың
ішінде сұрақтар мен тіленктер бар екен, бірінші сұрақты оқиын.
-Сұраулы сөйлем дегеніміз
не?
-Сұраулы сөйлем соңында
қандай белгі қойылады?
-Сұраулы сөйлемге екі
мысал келтір?
-Жауап алу мақсатында
айтылған сөйлемді не дейміз?
Сөйлем соңында қандай
тыныс белгілері қойылады? (жауап алынады)
-Балалар енді сендерге
арналған тілегін оқып берейін.
-Мен сендердің білімдеріне
риза болдым. Сендерді алда келе жатқан үлкен мерекемен, Тәуелсіздігіміздің 25жыл
толуымен шын жүректен құттықтаймыз. Сендер еліміздің, жеріміздің
болашағысындар. Әрқашанда биікке өрлендер. –деп Білімпаз ата мен оның
немерелері Али мен Ая тілектерін аяқтапты.
-Тілектеріне не айтамыз?
-Рахмет.
ҮІІІ. Бағалау.
Сабаққа белсенді қатысқан
оқушыларды бағалап, Білімпаз атаның сыйлығын беру.
-Қорытынды.
Оставьте свой комментарий
Авторизуйтесь, чтобы задавать вопросы.