Ашық сабақ "Табиғатқа құштарлық"

Бекітемін:                                                               Келісемін:

№3 Талапкер орта мектебінің                               оқу ісінің меңгерушісі

директоры  Абеева С. Қ                                         Реметова А.

«__» ____2016 ж.                                                    «__» ___2016ж.

 « Табиғатқа құштарлық»

                     Ашық сабақ

                                Өткізген:Жакенова Г

                 2016-2017 оқу жылы

Сабақтың тақырыбы: Табиғатқа құштарлық

Сабақтың мақсаты:

Білімділік мақсаты: табиғат ұғымын түсіндіру, табиғатты аялауға үйрету

Дамытушылық мақсаты:  табиғатқа деген аялы қарым қатынастарын дамыту

Тәрбиелік мақсаты: табиғатты сүюге тәрбиелеу

Сабақтың түрі:  аралас

Сабақта қолданатын әдістер: Талдау, топтастыру,пікірлесу

 Күтілетін нәтиже:Топта талдайды, салыстырады, бір-бірінің ойын тыңдайды. Мәтіндегі негізгі ойды өзара  анықтайды

 Дерек көздер мен құрал- жабдықтар: Электронды оқулық, суреттер,ватман қағаз,нақыл сөздер жазылған қағаз,бояулар,желім,стикерлер

Сабақтың барысы:

І. Ұйымдастыру кезеңі.

Оқушылармен амандасу, кезекшімен сұхбат. Құрал-жабдықтарын тексеріп шығу. Оқушылардың зейінін сабаққа аудару.

 

ІІ. Шаттық шеңбері

Біз осылай өсеміз

Таң атады арайлап,

Күн күлімдеп туады.

Жадырайды бар аймақ,

Жарқырайды шуағы.

Дала гүлін жинаған,

Жазып ерлік дастанды.

Аталарым сыйлаған

Бізге ашық аспанды.

Жарқын заман бөбегін

Аялайды нұрлы таң.

Алтын бесік өз елім,

Туған өлкем Ұлы Отан.

«ІІ.Аялы алақан» сергіту ойыны.Оқушылар аялы алақанға табиғат бейнелерін орналастырады.

ІІІ.Шығармашылық тапсырма: суреті арқылы сөйлемді аяқтап жазу

Егер мен тау болсам,  ..........биік болар едім.

Егер мен  күн болсам, ..........  жарық болар едім.

Егер мен  бұлақ болсам, ..........  мөлдір болар едім.

Егер мен  бүркіт болсам, ..........  мықты  болар едім.

Егер мен  елік  болсам, ..........  жүйрік болар едім.

 ІҮ.Мәтінмен жұмыс. Мұғалімнің мәнерлеп оқуы,түсіндіруі

Өсиет әңгіме

Ертеде бір қарияның үш ұлы болыпты. Өздерінің әкесін қатты жақсы көретіні соншалық, қарттың ұзақ та сау өмір сүруін армандап, оның жолын қайдан табамыз деп, ұзақ кеңесіпті.

Әрі ойланып, бері ойланып, ақырында ел арасынан денсаулықтың мекенін іздемекші болыпты.

Үлкен ұлы денсаулық­тың мекенін табиғаттың “Саялы орманынан”, ортаншы ұлы денсаулық­тың мекенін табиғаттың «Таза көлді» елінен, ал кіші ұлы «Көрікті жер» елінен кездестіріпті.

Ұлдарына дән риза болған қария, үш ұлының да еліне кезек-кезек барып тұрыпты.

Қария бақытты да баянды, ұзақ ғұмыр кешіпті.

·      Қарияның ұлдары денсаулықтың мекенін қайдан тауыпты?

·      «Саялы орман», «Таза көл», «Көрікті жер» неліктен денсаулық мекені бола алады?

Таза ауа, таза су, пайдалы тағам, көтеріңкі көңіл күй, спорт адам денсаулығын   сақтауға көмектеседі.

                   Табиғат дегеніміз не? Табиғат дегенді қалай түсінесіңдер?

·      Таза ауа, су, топырақтың адам денсаулығына қандай пайдасы бар?

·      Денсаулық мекенін қайдан табуға болады?

    Табиғат аясында жиі боласыңдар ма?

          Неліктен табиғатты анаға теңейміз?

Ү. Тыныштық сәті.   «Көңілді күн»

ҮІ.   Шығармашылық жұмыс.Топтарға тапсырма. Ормандағы құстар дыбысын тыңдату

         Оқушылар табиғат бейнесіне  коллаж  құрастырады,орындаған жұмыстарын қорғайды

 

       Суреттерге қарап, «Табиғатпен біргеміз» тақы­рыбына әңгіме                 

       құрастырыңдар.

 

ҮІІ.Мәтінмен жұмыс «Орманшының баласы» оқушылар әңгімені тыңдайды.

Табиғаттан нәр алған ғой жанымыз,

                                        Ұсынайық жүрек нұрын бәрiмiз.

Дәйексөзі дәптерге жазады.

                     

Тапсырма:

-Құстардың  дауысына құлақ сал!

-Табиғат сұлулығын сезіне біл!

-Табиғатты қорғай біл!

                              Көктем

                                       Р. Сәтiмбекұлы

                         Көктем келіп шуақты,

             Балаларды қуантты.

            Алақай-ау, алақай!

            Құстар сайрап,

            Бақтар жайнап гүл атты.

           Ля-ля-ля-ля, ля-ля-ля-ля

            Құстар сайрап,

            Бақтар жайнап гүл атты.

                       Дала гүлге толыпты,

           Аққу көлге қоныпты.

           Алақай-ау, алақай!

           Көктем қандай,

           Көктем қандай көрікті.

           Ля-ля-ля-ля, ля-ля-ля-ля

           Көктем қандай,

           Көктем қандай көрікті.

ҮІ. Қорытынды бөлім.

Сабақты қорытындылау(сұрақ-жауап)

Үйге тапсырма беру(табиғатты бейнелеу)

Оқушылардың  еңбегін мадақтау.