Сабақтың тақырыбы: «Торғай ағаш қорғайды.»
Мақсаты: 1.Оқушыларға құстар,олардың тіршілік
жағдайлары,түрлері туралы мағлұмат беру.
2.Оқушыны өз ойын жүйелі жеткізе білуге
дағдыландыра отырып,ойлау,есте сақтау
қаблеттерін дамыту.
3.Құстарды қорғауға, қамқор болуға,экологиялық
тәрбие беруге тәрбиелеу.
Көрнекілігі: интерактивті тақта,құстар
бейнеленген слайдтар.
Сабақтың әдісі: Ой
қозғау,түсіндіру,әңгімелеу,сұрақ-жауап.
Сабақтың түрі : Жаңа сабақ.
Пәнаралық байланысы: Дүниетану,Бейнелеу өнері.
Сабақтың барысы: 1.Ұйымдастыру бөлімі.
Сәлеметсіздер ме балалар?
Балалар барлығымыз қолдарымыздан ұстап күлімдеп амандасайық.
Қуан,шаттан алақай,
Қуанатын күн келді.
Күліп шықты күн бүгін
Қайырлы таң ! Қайырлы күн!
-Жақсы балалар .
-Енді барлығымыз орнымызға жайғасып,кітап,қалам,дәптерлерімізді алып
партаның жанына қояйық.
Кезекші кім ?
Сабақта кім жоқ?
2.Үй тапсырмасын сұрау.
-Балалар алдыңғы сабақта қандай тақырып өттік?
«Қызыл кітап»
1.Қызыл кітап дегенді қалай түсінесің?
2.Неліктен жануарларды Қызыл кітапқа енгізеді?
3.Қызыл кітапқа енген қандай жануарларды,құстарды білесіңдер?
4.Біздің жерде Қызыл кітапқа қандай құстар,аңдар енгізілген?
5.Қызыл кітапқа енген құстарға тиісуге бола ма?
6.Жануарларға зиян келтірушілерге хат жазып келу тапсырылған болатын
кім хат жазып келді?
1.Слайд
-Сонымен балалар Қызыл кітапқа енген жануарларға,құстарға тиісуімізге
болмайды екенбіз.Қазақстанның Қызыл кітапқабарыс,қыран,бірқазан,ақбас
тырна,қарақұйрық,жабайы қызғалдақ,т.б енгізілген.
Біздің елімізде «Табиғатты қорғау» туралы заң бар.Оны ересектер
де,балалар да орындау керек.
3.ЖАҢА САБАҚ:
1.Мәтіннің авторы туралы түсінік беру.
2.Өлеңнің мәтінімен таныстыру.
3.Өлеңнің мазмұнын түсіндіру.
4.Оқушыларға тізбектей оқыту.
5.Мәтінді талдау.
Қызығушылығын ояту.
-Балалар қазір жылдың қай мезгілі?
-Көктемде табиғат не істейді,өзгереді ме?
-Қандай құстарды білесіңдер?
-Көктемде біздің ауылға қандай құстар келеді?
-жақсы балалар.
2.Слайд.
Ерте,ерте- ертеде жапан түзде достарына өкпелеп жалғыз емен өмір
сүріпті.Ол 10-жасында ержетіп ,20-жасында бұғанасы бекіп жайқалып өсіпті де,
кенеттен қартая бастапты.
Кейбір бұтақтары сынып,қотыр қабығының әр жеріне құрт түсіпті.Тұла бойы
қақсап ауырған соң амал бар ма?
Құрт ауруына шалдықтым .-Ух,жаным-ай!Енді не қыламын?Жапырақтарым
сыздайды,бұтақтарым сырқырайды,жәрдем ете көріңдер,-деп,терек күні-түні
зарлайды.
Оның дауысын кішкентай торғай естіп ұшып келеді.
-Емен ата ,ауруыңыз жаман екен. Мен дәрігердің кім екенін білмеймін
,дегенмен іздеп көрейін,-деп ұша жөнеледі.
-Сонымен балалар біздің жаңа сабағымыз не туралы екен?
-Дұрыс айтасыңдар «Торғай ағаш қорғайды»
3.Слайд.
-Жақсы балалар,ендеше бүгінгі күннің жадысын жазайық
4.Слайд.
-Ендеше балалар,сіздерді өлеңнің авторымен таныстырайын.
Ысқақов Бүркіт Ибрагимұлы.(4.11.1924жҚарағанды обл,Нұра ауданының,Көкмөлдір ауылында дүниеге келген,кейін -22.01.1991 ж Алматы
да дүние салды.)Ақын,аудармашы,әдебиет зерттеушісі,ғалым,филология ғылымдарының
кандидаты.Отан соғысына қатысқан ардагер.Әл-Фараби атындағы ұлттық
университетін бітірген. Өлеңдері 1938 ж бастап баспасөзде жарияланады.Тұңғыш
кітабы «Сенің Отаның»1958ж жарық көрді.Кейін «Москваны
тыңдаймын», «Өнерпаз болсаң», «Қарлығаштың
құйрығы неге айыр?»»Сенің өлеңдерің», «Жылдар жырлайды», «Шабыт шуағы»,
өлеңдер,поэмалар,ертегі өлеңдер жинақтары басылды.
5.Слайд.Топтастыру
Аудармашы Әдебиет зерттеушісі
Б.Ысқақов
Ақын Ғалым
6,7.Слайдтар.
3.Өлеңді мәнерлеп оқып беру.
8.Слайд.
-Балалар торғайлар әр түрлі болады.Олар суыққа бейімделген әсіресе
Сарыторғай.Торғайға тиісуімізге болмайды.Торғайлар ағаш пен бұталардың арасында
тіршілік етуге бейімделген.Торғайлар Өсімдікпен және омырткасыз жәндіктермен
қоректенеді.Қараторғай,бозторғай олар жылқұстарына жатады.Құстар зиянды
жәндіктерді жоюда адамның ең алғашқы және ең сенімді көмекшісі болып
саналады.Құстардың ұясын,жұмыртқаларына тиіспеуіміз керек.
9.Слайд.Топтастыру
Досымыз Қыстайтын құс Қорғайды
Құстар
Емші Жыл құстар Көмекші
Балалар сабақтың басында кішкене торғай еменге дәрігер іздеп кеткен
болатын.
-Балалар ,торғаймен бірге Еменнің ауруын емдейтін дәрігерді іздеуге
біздерде жолға шығайық.Ол үшін мына тапсырманы орындауымыз керек екен
4.Оқушыларға өлеңді тізбектей оқыту.
10.Слайд.
-Жақсы балалар алғашқы тапсырманы орындадық.Торғай бір шағаланы
кездестіріп, болған жайды айтып еді –Әркімнің өз шаруасы бар мен көмектесе
алмаймын деп шағала кетіп қалады.
-Ендеше балалар торғаймен бірге әрі қарай ұшайық.
4.Сергіту сәті
Қарылғашқа ұқсайық,
Кәне қанат қағайық.
Қарлығаш боп ұшайық
Ұшып-ұшып алайық.
11.Слайд.
-Сөйтіп балалар торғай ұшып келе жатып аққуға кез болады.
Мән-жайға қанық болған аққу
-Мен қасиетті де киелі құспын ғой.Мен бұл жерден кете алмаймын.Өйткені
маған көптеген құстар келеді.Менің ақылымды тыңдасаң орманға бар сонда
үйсіз-күйсіз жүрген құстар көп солардың біреуі көмек тесіп қалар,- дейді.
-Балалар торғай орманға жеткенше біздер тағы бір
тапсырманы орындап тастайық
12.Слайд.
Филворт «Құстар»
1.торғай торғай
2.тоқылдақ оқылда
3.бұлбұл бұлбұқ
4.әтеш әтешла
5.тырна тырназ
6.қаз
13.Слайд.
-Балалар торғай аққудың ақылын тыңдап ,ормандағы сенделіп жүрген бір
құсқа кез болады.Ол құс торғайдың тілегін тыңдап,
Орындап,онымен бірге Еменге келіп,оның құрт ауруын жазған екен.
Проблемалық сұрақ : Олай болса,ол қандай құс екен?
14.Слайд.
-Тоқылдақ-орман дәрігері.
Дұрыс айтасыңдар, содан бері әлгі Емен жайқалып өсіп тұр екен.Сонда
балалар тоқылдақтар ағаштарды құрттардан шіруден сақтайды екен.Ал жасыл
өсімдіктерді, ағаштарды күтсек, біздің денсаулығымызға пайдалы .Ендеше,
өсімдіктер,ағаштар,құстар көп болып,шарықтап ұша берсін деп,күнделіктеріңді
ашып үй тапсырмасын жазып алыңдар.
15.Слайд.
5.Үйге тапсырма
1.Өлеңді жаттау.
2.Құстардың суретін салып келу.
3.Құстар туралы тыйым сөздер жнақтау.
16.Слайд.
6. Сабақты қорыту.
17.Слайд.
Сөзжұмбақпен қорыту.
1. Сонымен балалар бүгін біздер кімнің өлеңімен таныстық?
2.Б.Ысқақов кім?
3.Балалар өлең не жайында айтылған?
4.Торғайдың қандай пайдасы бар?
5.Торғайды неге өкпелетуге болмайды?
7.Бағалау.
Оставьте свой комментарий
Авторизуйтесь, чтобы задавать вопросы.