Ата – аналарға арналған «Сынақ» іскерлік ойыны 11 сынып

Ата – аналарға арналған «Сынақ» іскерлік ойыны

Атқарылу кестесі:

Мақсаты :  а) баланың дамуына теріс ықпал ететін жолдардың алдын алу; ә) бала тәрбиелеу сапасының аз да болса, жоғарылауына ықпал ету.

       Бәріміз мектеп шаңырағына жиналып отырғандықтан, іскерлік ойынымыз да білім ордаларының өмірімен байланысты болғаны дұрыс.

I сынақ  - балаларына қойылған аттарын (есімдерін) қорғау.

     Мектеп жасындағы балаларымыздың аттары қалай қойылғандығына сипаттама беріп, шағын тарихын айтып шығасыздар. Кім қойды, себебі, кімнің және ненің құрметіне деген сияқты.                                                                                   Қатысушылар жауап беруге дайындала бергенше, көрермен ата-аналарға айтылатын материал).

 Адамға ат қойылудың да өзіндік бір тарихы болады. Адам есімдерін зерттейтін ғылым саласы да бар. Ол ономастика деп аталады. Адам аттарын, фамилияларды, қала, өзен, көл, тау аттарын, географиялық атауларды зерттейді. Осы зерттеулерге сүйенсек, ежелгі гректер Петр деген есімді көп қойған екен. Оның қазақша  мағанасы «тас» . Тастай мықты, бекем болсын дегендері шығар. Орыстар Иван деген атты көп қояды. Ол біздіңше «Құдайберген» деген сөзі, т.б.

        Қазақ балаға атты әр түрлі ырымға сүйеніп қойған. Мысалы, баласына соған тартсын деп бір жақсы адамға ат қойғызған., немесе жақсы адамның атын қойған. Мысалы; Абылай, Шоқан, т.б белгілі, даңқты адамның атын берген. Ондағысы сол адамдардай мықты да ақылды болсын деген. Осыған ұқсас әр-түрлі мысалдарды келтіре беруге болады.

II сынақ – мына стол үстінен кез-келген билетті алып ситуациялық сұраққа жауап беруіңіз керек.

1- сұрақ. Балаңыздың өнері, қандай да бір іске қызығушылығы, бейімділігі байқалса, не істер едіңіз?

2- сұрақ  Баламен сөйлесе білу де үлкен өнер. 4-6 жастағы бала күніне көптеген сұрақ қоятын көрінеді. Мысалы: түн неге қараңғы, күн қайда кетті, ұшақ қалай ұшады... деген сияқты таусылмайтын сауалдар көп. Сіздің балаңыз да осындай сауалдарды көп қойса, жауап беруге тырысасыз ба, жоқ, әлде елеусіз қалдырасыз ба?

3 – сұрақ. Сізге мектептегі мұғалімдерден «Сіздің балаңыз басқа балаларды ұрады» деген бірнеше шағым айтылды. Тағы көрші ата-аналардан да «біздің баланы ұрады» деген сөз естуге тура келеді дейік. Не істейсіз? Балаңызды қалай тәрбиелейсіз?

4 – сұрақ. Кейбір ата-анлардың баласының әрбір істеген іс-әрекетіне көңілі толмай: «Сен сала алмайсың, сен істей алмайсың», - деп айтып жататынын байқаймыз. Бала іс-әрекетіне теріс баға беруге қалай қарайсыз?

5 – сұрақ. Балаңыз сабақтан қашып, мектептен ерте келді, не істейсіз?

6 – сұрақ. Балаңыз күнде 1-сабаққа кешігіп келеді. Қалай жөнге келтіресіз?

7 – сұрақ. Балаңыз мектептегі бір мұғаліммен тіл табыса алмай жүр. Балаңызға қандай кеңес айтасыз?

III сынақ. Аяқталмаған.мақал – мәтелдерді аяқтау.Өз ойларыңыз  бойынша келіп, мына берілген конверттердің беруін алып, ішіндегі қағазға жазылған аяқталмаған мақал – мәтелдерді дұрыс жалғап аяқтайсыздар.

Ата-асқар тау.

Ана – (бауырындағы бұлақ)

Бала – (жағасындағы құлақ)

Ұлың өссе,

Ұлы (үлгілімен ауылдас бол)

Қызың өссе,

 Қызы (үлгілімен ауылдас бол)

Бала жас шыбық сияқты, (қалай исең солай иіледі)

Бала жақсы болса – (қуаныш, жаман болса – қиналыс).

Ерлі – зайыптылар тату болса – (үйге береке, араз болса – елге келеке).

Анасы қандай болса – (баласы сондай).

Әкеге қарап ұл (өссе, шешеге қарап қыз өсер).

Қорытындылау: Барлық қатысушыларға шағын ынталандыру сыйлықтары беріледі не болмаса бір-біріне құрмет ретінде, қошеметтеу арқылы тренингті аяқтайды.