Қазақ тілі орыс сыныптарында

Сабақтың тақырыбы: Ұлың өсіп ержетер, қызың өсіп бойжетер

Мақсаты:

Білімділік: Оқушыларды қазақ отбасы дәстүрлерімен таныстыру

Дамытушылық: Қазақ халқының салт-дәстүріне деген танымдық қызығушылығын дамыту;

Тәрбиелік:  Оқушыларды өз ата-аналарын, жанұя мүшелерін, дәстүрлерін сыйлап, құрметтеуге тәрбиелеу.

Барысы:

1.     I. Ұйымдастыру кезеңі

а) Амандасу

ә) Кезекші жауабы

б) Үй жұмысын тексеру.

в) Жанұядағы дәстүрлер туралы сұхбат.

1.     Мәтінмен жұмыс

Жанұядағы дәстүрлер

Сөздік: асар – коллективная помощь в работе,ежелгі дәстүр — древняя традиция, талап етпейді —  не требуют,киелі – святой, қарсы алу – встречать, шақыру — приглашать

Біздің  жанұямыз  өте тату. Жанұямызда жақсы дәстүрлер көп. Олар: үлкенге құрмет көрсету, кішіге қамқор болу, сәлем беру, асар, мерекелерді  бірге қарсы алу.

Мысалы: Наурыз күні ежелгі дәстүр бойынша тал, ағаш, гүл егеміз. Наурыз мейрамында әжем наурыз көже пісіреді. Біз дастарқан жаюға көмектесеміз. Келген қонақты қарсы аламыз, мерекені көңілді өткіземіз. Аса киелі саналатын дәстүріміздің бірі – асар. Бір жанұяның қолынан келмейтін жұмыстарды атқару үшін бір ауылдың адамдары «асарға» шақырылады. Мысалы: үй көтергенде, егін салғанда, шөп шабуға тағы сол сияқты көлемді, ауыр жұмыстарға шақырылады. Асарға шақырушылар еңбегі үшін ақша талап етпейді. Бұл тәрбиелік пен сыпайлықтың белгісі, әрі халық дәстүрі де солай үйретеді

ІІІ. Деңгейлік тапсырмаларды орындаңдар.

ІІІ деңгей

1.     Оқылым. Мәтінді оқып, аударыңдар.

2.     Жазылым. Төменде берілген сөздерді, сөз тіркестерін қазақ тіліне аударыңдар, сөйлемдер құрастырыңдар.

Семья, дружная, традиция, праздник, гости, помогать, встретить, весело проводить.

3.     Айтылым. Мәтіндегі сөйлемдерге сұрақтар қойыңдар.

ІІ деңгей

1.     Айтылым. «Жанұядағы дәстүрлер» мәтінін түсініп оқып, мазмұнын айтып беріңдер.

2.     Жазылым. Мәтіндегі екі сөйлемге синтаксистік талдау жасаңыз.

І деңгей

Жазылым. «Жанұядағы дәстүрлер»  тақырыбына өз жанұяңдағы  дәстүрлер туралы әңгіме  жазып беріңдер.

1.     Сабақты қорыту. Рефлексия жасау

Бағалау

1.     Үй жұмысы: сөздік жаттау, диалог құру