Қазақ тілім (11 класс)

 Қазақ  тілім

Қасиетіңнен  айналайын  қазағым,

Жер- жаhанға жарастырған ғажап үн.

Өз тіліммен өсіп- өніп өрекендеп,

Болашаққа беттеп  бірге барамын.

Ақ қанатты  құс ұшырып аспанға,

Мен  өзіммен көтерілдім асқарға .

Ыстық  лебі соғар әр кез беттіме,

Жыр дәптердің  әрбір бетін ашқанда.

Жүрек  үнін  жүрегімен  сездірсе,

Қуаныштан күлімдеп бір көз күлсе.

Құрмет  тұтып, ең  бір басты  байлығы,

Әрбір  қазақ  ана тілім, - деп жүрсе.

Құдыретіңнен  қуаттанып  күнде  мен,

Әсерленіп  әр  кезде де түрге енем.

Қазақ  тілін  қастер тұтып  әрқашан,

Тілімменен  тоқып берем түр – кілем.

Абай, Мұхтар, Мағжандардың  ар -  тілі,

Бабалардың  жырлап  өткен  зар тілі.

Мол  байлыққа  кенелгендей  дәл  қазір,

Бұл  қазақтың  өркендеген  бай- тілі.

Мәңгілік  ел -менің биік беделім,

Болашақта  зор  білімге  сенемін.

Өркениет  өміріне  қол  созып,

Мұхиттардан асып өтер кемемін.

Қазақ  тілім  қасиетім, қайнарым,

Келместей  болып  кетті сол бір  қайғы  әнім.

Тілімменен  тұғырымды  тең  ұстап,

Қалқып ішем  қазанымның  қаймағын.

Бүгін міне беттеп келем күнге мен,

Қиялыммен  ойға  шомам түнде  мен.

Тілім менің тұғырынан таймайтын,

Күн  нұрына боянам  да түрленем.

Қазақ  тілім   біргемін  мен  өзіңмен,

Ұшқын  оты  жалындайды  көзімнен.

«Әлем»,-деген  асқар  шыңға  шыға  бер!,

Бұлақ   болып  бастауынан  төгілген.

№14 мектеп-лицейінің  11 «А»  сынып  оқушысы

Альбина Темірханова

Арал қаласы