«Хан сайлау» көрініс
Абылай ханның туғанына 300 толуына арналады.
Кейіпкерлер:
1.Абылай хан
2.Бұқар жырау
3.Қасым сұлтан
4.Бөгенбай батыр
5.Наурызбай батыр
Күй ойнап тұрады
Жүргізуші: Еліміз Тәуелсіздіктің алтын таңын ауыр да азапты жолдың асуын бағындыра
отыра жетті.
Оған куә Қазақтың ұлан-ғайыр даласы, кең байтақ жазықтары, асу-асу
белдері, айдын –шалқар көлдері, асқар ала таулары.
Жер-Ана «Ақтабан шұбырынды, Алқакөл сұлама» зарлы жылдарын еш ұмытпас.
«Аңырақай», «Бұланты» шайқастарында жоңғарлар қаупі біраз уақытқа дейін
жойылғандай болды. Бірақта «Шаңды жорықтағы» толық жеңіске жетелейтін сара жол
әлі алда еді.
Осындай қиын –қыстау заманда Елін, Жерін, Халқын тұмсықтыға
шоқтырмай, тырнақтыға алдармай, қауіп – қатерден қорғайтын ердің билік тізгінінқолына
алуы ел тілегі еді.
1771 жылы Түркістан қаласында Елімізтің тарихында алтын әріптермен
жазылатын оқиға Абылай хан үш жүздің ханы болып сайланды.
Бөгенбай батыр:
Алдаспан қылыш жүзімен,
Ақ найзаның ұшымен,
Қорғап келген жеріміз,
Ұлан – байтақ еліміз,
Қалай қорған боламыз?!
Ала ауыз болсақ іштен біз,
Хан сайлайық сіз бен біз
Халқымызды бастайтын,
Қауым оны қостайтын,
Қасым сұлтан:
Жөн!
Орынды сөз отауын табар,
Қаперіне елдің нық қонар,
Аңға шығар қансонар,
Уақыт келді қамданар!
Наурызбай батыр:
Қол бастайтын ер керек,
Бірігейік ертерек,
Алты бақан алауыздық
Жойды елдің бірлігін,
Айрандай ұйыған тірлігін,
Жауға шабар ерлер бар,
Хан болса енді бас болар
Бұқар жырау:
Алтау ала болса, ауыздағы кетер
Төртеу түгел болса, төбедегі келер
Жас болса да бас болған,
Көп жауына айбынды ол қас болған,
Жау батыры Шарышты жекпе –жекте сұлатқан,
Жан- жақтағы елдермен,
Саяси бірлік орнатқан
Ұлдарың ерен Абылай!
Хан сайлаңдар, шартарапқа ұрандай!
Абылай хан:
Ел үмітін ер ақтар,
Нағыз ерді ел жақтар,
Жөнімді айта сөйлесем,
Қасиетті Түркістан, туып-өскен ол жерім,
Әбілмансұр бұл менің
Азан шақырған есімім,
Құрсаудағы бір кезім,
Сабалақ бұл да менің есімім,
Абылай асқақтаған ұран, кесімім
Үміт артса ел жұртым,
Абыройға мұны балаймын,
Алаш, Елім, Қазағым
Шешіміңді құп аламын!
Ақ киізге салап, Абылай ханды батырлар, сұлтандар көтереді. Халық,
бұқара «Хан, хан хан» деп үш-төрт рет ұрандап, ақ киізді«тәбәрік» деп бөліп
алады.
Абылай хан:
Елдік пенен ерліктің
Егеменді бірліктің,
Сара жолын қалаймын!
Оставьте свой комментарий
Авторизуйтесь, чтобы задавать вопросы.