"Бауырсақ ертегісі ашық сабақ" (4 класс)

   Күні:   22.01.16            

   класы: 4 «А»                 

   пәні: қазақ тілі

Сабақ тақырыбы:  «Бауырсақ» ертегісі
Сабақ мақсаты:

1. Білімділік: Оқушыларға ертегілер туралы түсінік беру.  сөздік қорын, байланыстырып сөйлеуге дағдыландыру.  Оқушыларға жағымды, жағымсыз қасиеттерді айыра білуге,  қазақ тілінде қысқаша әңгімелеуге үйрету;
2. Дамытушылық: сөздерді, дыбыстарды анық, дұрыс айтуға
жаттықтыру және ұжыммен жұмыс істеуге үйрету;  оқушыларды өнерге бейімдеп, әртістік қабілетін арттыру.
3. Тәрбиелік: ертегілерге деген ынталарын баулу, өзара сыйласып, достық қарым-қатынаста болуға, біреуге қызғанып қарамауға, бірін-бірі құрметтеп, үлгі тұтуға тәрбиелеу.

Сабақтың түрі: ашық сабақ
Әдіс-тәсілдер: ұжымдық жұмыс, сұрақ-жауап, көрсету, түсіндіру, сахналау, ойын ойнату
Қолданылатын көрнекіліктер: интерактивті тақта, слайд, суреттер, «Кім жоқ» ойыны
Кездесетін жаңа сөздер:

бауырсақ- колобок,
кездесті –встретился
пісірді- испекла,
кетті- ушел,
жеп қойды- съела
Сабақтың барысы:

1)    Ұйымдастыру кезеңі.

- Оқушылармен сәлемдесу, түгелдеу.

          - Оқушылардың назарларын сабаққа аудару.

2)    Психологиялық дайындық.

-Балалар көңіл-

күйлерін қалай?

 «Шаттық шеңбері»  оқушылар бір аңның атын айтып, шеңбер құрады.

3)    Жаңа сабақ

Бүгін қандай ертегіні тамашалайтындарыңды білу үшін сендерге жұмбақ жасырғым келіп тұр.

1. Өзі қу, жүрген жері айқай – шу. (түлкі)

2. Далада жүр шапқылап, керемет тым саққұлақ,

Тек есектен басқа да, оған ұқсар жоқ құлақ. (қоян)

3. Ит сияқты пішіні, ұнатпайды ол кісіні. (қасқыр)

4. Қыс бойына жатады, тәтті ұйқыға батады. (аю)

5. Өзі қып-қызыл болып піседі

Күнге ұқсас келеді. (бауырсақ)

- Сонымен балалар, бұл кейіпкерлер қай ертегіде кездеседі екен?

-Ертегіні орыс тілінде не деп айтамыз?

-Бауырсақты ше?           -Аю ды ше?

-       Біз бүгінгі  сабағымызда ертеден келе жатқан «Бауырсақ» ертегісімен танысамыз.

 Дәптермен жұмыс

 Сөздік жұмысы

 бауырсақ- колобок,
кездесті –встретился
пісірді- испекла,
кетті- ушел,
жеп қойды- съела

4)    Сахналау   

 - Алдымен, балалар, ертегімізді кішкене сахналық көрініс ретінде рөлге бөліп, оны көрсетеміз. (Мұғалім балаларға ертегі кейіпкерлерін бөліп береді. Балалар мұғалім көмегімен ертегіні рөлге бөліп ойнайды.)

       5)Тапсырмалар орындау.  Ассоциация. (аңдардың суреті беріледі, осы аңдарға ассоциация жазу)

1-топ қоян, қасқыр

2-топ аю, түлкі

6) Сергіту сәті

Ұзын құлақ сұр қоян,

Естіп қалып сыбдырды

Ойлы қырлы жерлермен

Ытқып-ытқып секірді.

7) Ойын ойнау.
«Кім жоқ?» ойынын ойнату барысында ертегілер кейіпкерлерін тізіп қойып, балалар көздерін жұмған кезде, бір кейіпкерді жасырып қалады. Балалар жоғалып кеткен кейіпкерді тауып, атаулары қажет.

8) Сабақ қорытындысы.
- Балалар, сонымен бүгінгі сабағымызда қандай ертегімен таныстық?

- Біз өткен сабағымызда не өттік?
- Дұрыс, біз «Үйшік» ертегісін қарастырған болатынбыз.

- Нені үйрендік?
- Не ұнады, не ұнамады? Неге?
- Қандай кейіпкерлер жағымды, жағымсыз? Не себепті?  Сұрақтармен сабақты қорытындылау.

9) Рефлексия. Балалар бүгінгі сабақ сендерге қызықты болды ма?
Егер сабақ сендерге қызықты болған болса,онда күнге шуақты жабыстырыңдар, ал ұнамаса бұлтты жабыстырамыз.

10) Үйге тапсырма. «Бауырсақ» ертегісін оқып, «Бауырсақ» сөзіне сөзжұмбақ құрастыру.

11) Бағалау. Оқушыларды бауырсақ пішіндес смайликпен бағалау.

АШЫҚ САБАҚ

Тақырыбы: «Бауырсақ» ертегісі

Өкізген: қазақ тілі пәнінің мұғалімі Ниязова В.Ж.

4 «А» сынып

2016 жыл