"Білімді мыңды жығар" сайыс-сабағы

Қостанай ауданы әкімдігі білім бөлімінің

«Абай негізгі мектебі» ММ

Білімді мыңды жығар...

2/3 «А» сыныптарына арналған интеллектуалдық сайыс

Өткізген: бастауыш сынып мұғалімі

Искакова Дария Багдатовна

2019-2020 оқу жылы

Сабақтың тақырыбы: «Білімді мыңды жығар... » интеллектуалдық сайыс

 Сабақтың мақсаты:

·        Оқушылардың алған білімдерін пысықтау.

·        Бастауыш сынып оқушыларын көпшілік алдында сөйлеуге, өз ойын ашық айта білуге баулу.Оқушылардың шығармашылық қабілеттерін арттыру.

·        Шапшаңдыққа, еңбексүйгіштікке тәрбиелеу.

Көрнекілігі: Интербелсенді тақта, плакаттар, сан жазылған жетондар.

Сабақтың түрі: Сайыс сабақ

Жүргізуші:

-Қош келдіңіздер, құрметті ұстаздар мен қонақтар! Сіздердің назарларыңызға 2/3 сынып оқушыларының «Білімді болсаң, озып көр!» атты сайыс түрінде өткізгелі отырған тәрбиелік шараны ұсынамыз.

Жүргізуші: Армысың, ардақты ұстаздарым,

Жайнасын көңілдердің жасыл бағы.

 Сіздер үшін осы кеш ашылады,

Сіздер үшін балғындар сайысады.

 Сайыс 6 кезеңнен тұрады. Оқушылар оқу бағдарламасына сай дайындалған сынақ сұрақтарына жауап береді. Сайыста математика, әдебиеттік оқу, қазақ тілі, дүниетану, жаратылыстану пәндерінен сұрақтар мен тапсырмалар беріледі.

 Сайыс кезеңдері:

1. Таныстыру

2. Бәйге

3. «Кім шапшаң?» сұрақ жауап сайысы

4. Тест тапсырмалары

5. Білгенге маржан,білмеске арзан.

6. «Суретке тіл бітсе…» Сайыскеріміз суретке қарап, әңгіме құрастырады.

Жүргізуші: Қандай жақсы шіркін-ай дүниеде,

Өз салтымен қауышып, ашқан бағын

 Шыққан бүгін бастауыштан балдырғандар

 Ізденімпаз ішінен «Жүзден жүйрік, мыңнан тұлпар»

Кім жеңеді жеңісте үміт алда,

Қобалжу бар, жүректе күдік бар да,

 Әділқазы алқасы атыңды ақта,

Жүйріктерге арман мен бақыт жолда! –дей келе, сайыскерлерімізді әділ бағалайтын әділқазы алқаларымен таныс болыңыздар! Әділқазылар алқасын сайлау.

1. Бастауыш сынып мұғалімі

2. Бастауыш сынып мұғалімі

Жүргізуші: Жарыста озып шығар жүйріктері

Әрқайсысы бақтарынан көрер енді,

Қанеки, өрендерім, сайысқа шық,

Таң қалдыр, біліміңмен көрерменді.

Ортаға сайысқа қатысушы оқушыларымызды ду қол шапалақ ұрып қарсы алайық! «Жүйріктен жүйрік озар жарысқанда» дей отырып, сендерге сәттілік тілеп, ойынымызды бастайық!

Жүргізуші: Қазекем мақтанады ұрпағымен,

Көрінсін ұландарым бар қырымен

Танытсын кім екенін мына көпке,

Ата-жөнін, ата-баба жолымен –дей келе оқушыларымыздың таныстыруын тыңдайық. Топтар өзін-өзі таныстырады. (Таныстырудың ұпай сандары сұралады.)

Қайсысы епті, қайсысы мықты,

Талабына қарайық

Кімдер зерек, кімдер жылдам,

Таланттарын табайық

 -Құрметті сайыскерлер! Келесі біздің сайысымыз «Бәйге»деп аталады. Қойылған сұрақтарға тездетіп, алдарыңыздағы жетонды көтеру арқылы жауап бересіздер.

1.Қазақтың тұңғыш ғарышкері Жауабы: Тоқтар Әубәкіров

2. Тәуелсіздік күні қашан тойланады? Жауабы: 16 желтоқсан

 3.Көкжиектің негізгі төрт тұсын атап бер. Жауабы: Солтүстік, Оңтүстік, батыс, Шығыс 4. 4. Сөздің қандай қосымшалары болады? Жауабы: жұрнақ, жалғау

5.Ересек адамда неше тіс болады? Жауабы: 32

6. Дыбыстар нешеге бөлінеді? Жауабы: Екіге бөлінеді

7. Мақалды жалғастыр. Күш білекте емес, … Жауабы: Жүректе

 8. Мәтін түрлерін ата. Жауабы: Әңгімелеу, сипаттау, пайымдау.

 9. Жұмбақ шешуін тап Шәкіртке жанашыр, Мейірман кім, жаны асыл? Мұғалім

10. Есепте. Қалам-8 теңге тұрады.Даптер – 10 теңге тұрады. Барлығы қанша теңгеге алынды?

Сайысқа қатысушы топтардың ұпай сандарын әділқазы алқаларынан сұрау.

2. -Құрметті көрермендер келесі бөліміміз «Кім шапшаң?» деп аталады.

Тапсырма математика пәнінен беріледі. Әр топқа тапсырмалар жазылған парақ таратылады. 5 минут беріледі.

Тапсырмалар

1.     х+14=25+15.

Тіктөртбұрыштың ауданының формуласы

2.     x+24=13+17.

Шаршының ауданының формуласы

3. Қазақ тілінен тест тапсырмалары беріледі.

Тест тапсырмалары

1.     Жуан дауысты дыбыстан құралған сөзді тап.

А) гүлдер    Ә) ханшайым   Б) дәріхана

     2. Сөйлемді көрсет

А) Күннің шуағы  Ә) кәмпит-шәпит  Б) Қыстың суығы білініп тұр.

3. Бас әріппен жазылатын сөздерді көрсет.

А) ит, мысық  Ә) алматы, аружан, ақтөс  Б) қостанай, ауыл, машина

4. Мәтіннің «Неліктен?» деген сұраққа жауап беретін түрі

А) әңгімелеу  Ә) сипаттау  Б) пайымдау

5. Қате буынға бөлінген сөзді көрсет

А) қа-лам  Ә) қ-асық Б) ли-мо-над

-Құрметті сайыскерлер! Келесі кезең «Білгенге маржан, білмеске арзан» деп аталады. Оқушылар ұяшық таңдайды. Әр ұяшықта пәніне байланысты тапсырмалар жасырылған. Ұпайы жоғары топ бірінші таңдайды.

1. «Әдебиеттік оқу» ұяшығындағы тапсырма: Абай Құнанбайұлы туралы айт.

2. «Математика» ұяшығындағы тапсырма: Шеңбер туралы не білесің?

3. «Қазақ тілі» ұяшығындағы тапсырма: Суретке қарап, сөйлем құрастыр.

4. «Дүниетану» ұяшығындағы тапсырма: Суретте көрсетілген жануар туралы не білесің

5. «Жаратылыстану» ұяшығындағы тапсырма: Фотосинтез үдерісі

 «Суретке тіл бітсе…» Сайыскерлеріміз суреттегі қоржынның бірін таңдайды. Ол қоржында сурет жасырылған. Оқушыға үш минут беріледі. Ол суретке қарап шағын әңгіме құрастырады. Сайыс аяқталған соң әділқазы алқаларынан ұпай сандары сұралады. Жалпы ұпай сандары бойынша, ұпайы аз оқушы ойыннан шығады. Мақалшы аталатын кез де келді,

Көп нәрсе уақыт сайын өзгереді

Қанеки, шын шешенді біз табайық,

Үйреткен бұл өнерге өзгелерді.

Қорытынды: Сонымен біздің ойынымыз да өз шегіне жетті. Марапаттау. Бүгінгі сайысқа өте жақсы қатысқандарың үшін сендерге, қонақтарға көп рахмет айтамыз. Осымен ойын аяқталды.

Тест тапсырмалары

1.     Жуан дауысты дыбыстан құралған сөзді тап.

А) гүлдер    Ә) ханшайым   Б) дәріхана

     2. Сөйлемді көрсет

А) Күннің шуағы  Ә) кәмпит-шәпит  Б) Қыстың суығы білініп тұр.

3. Бас әріппен жазылатын сөздерді көрсет.

А) алматы, аружан, ақтөс  Ә) ит, мысық  Б) қостанай, ауыл, машина

4. Мәтіннің «Неліктен?» деген сұраққа жауап беретін түрі

А) әңгімелеу  Ә) сипаттау  Б) пайымдау

5. Қате буынға бөлінген сөзді көрсет

А) қа-лам  Ә) қ-асық Б) ли-мо-над

Тест тапсырмалары

1.     Жуан дауысты дыбыстан құралған сөзді тап.

А) гүлдер    Ә) ханшайым   Б) дәріхана

     2. Сөйлемді көрсет

А) Күннің шуағы  Ә) кәмпит-шәпит  Б) Қыстың суығы білініп тұр.

3. Бас әріппен жазылатын сөздерді көрсет.

А) ит, мысық  Ә) алматы, аружан, ақтөс  Б) қостанай, ауыл, машина

4. Мәтіннің «Неліктен?» деген сұраққа жауап беретін түрі

А) әңгімелеу  Ә) сипаттау  Б) пайымдау

5. Қате буынға бөлінген сөзді көрсет

А) қа-лам  Ә) қ-асық Б) ли-мо-над

1.     х+14=25+15. Тіктөртбұрыштың ауданының формуласы

2.     x+24=13+17. Шаршының ауданының формуласы