"Ең үздік педагог 2017 " байқауы

                                       Мектебіміздің  мақтанышы 

«Мектеп жұмысы мен оқушы жетістіктерін өрістетудегі басты тұлға – мұғалім» десек, ХХІ ғасыр ұстаздарына бүгінгі таңда көп міндеттер жүктеліп отыр. Қазіргі білім мазмұнын жаңарту барысындағы  өзгерістер  ауыл мектептеріне тың серпін  беріп, ұстаздарымыз жаңа қырынан танылып жатса, шәкірттеріміз  Республикалық  зияткерлік сайыстар мен инетнет олимпиадаларға қатысып  жүлдері орындармен мектебіміздің мерейін асқақтатты. Соның бір айғағы  Қ. Р. Астана қалалық Білім беру- әдістемелік «Нью Апатьюнтис» жауапкершілігі  шектеулі серіктестігінің Тәуелсіздіктің 25 жылдығына орай жалпы орта білім беретін ұйымдардың білім алушыларына арналған қашықтықтан өткізілген  «Тәуелсіздік тұғыры биікте»атты  Республикалық  байқауында  «Болашағымыз бірлікте» эссе жазу номинациясының  Гран –при жүлдесін  8 «А» -сынып оқушысы  Жарқынбек Гүлназ Жақсыбекқызы  жеңіп алды.  Гүлназ болашақта  Ақшора Пернекүл  апайы сияқты қазақ тілі мен әдебиеті пәнінің мұғалімі болуды  армандайды екен.   Қ.Р. Білім және ғылым министрлігі республикалық қосымша білім беру оқу-әдістемелік орталығы ұйымдастырған «Қазақстан менің алтын бесігім» интернет байқауға  7 «Ә» сынып оқушысы Шаймерден Бисұлтан  «Бөгенім – алтын қазығым» атты ғылыми жобасын  ұсынып, мақтау қағазымен марапатталды. Жетекшісі  тарих пәнінің мұғалімі -  Жұмаш  Н. Астана қаласы білім беру әдістемелік орталығы  ұйымдастырған «Ғажайып қиял әлемі» атты қашықтықтан өткізілген  интернет байқауға  9 «Б» сынып оқушысы  Қалиахан Алима  Тәуелсіздіктің -25 жылдығына және  ЭКСПО 2017 көрмесіне  апликациялық жұмысын  ұсынып, сертификатпен,  технология пәнінің мұғалімі – Жарас Қасымбек  Алғыс хатпен марапатталды. 

Б. Кенжебаев атындағы жалпы орта мектебінің бейінді оқыту ісі жөніндегі орынбасары          Ахмет Н.

                                  Үздік педагог анықталды.

      Б. Кенжебаев атындағы жалпы орта мектебінде мұғалімдердің кәсіби біліктілігін арттыру, жаңашыл мұғалімдердің  озық идеяларын қолдау мақсатында «Ең үздік педагог – 2017» мектепішілік байқау болып өтті.  Байқауға әр пән бірлестіктен бір –бір мұғалім қатысып, педагогикалық шеберліктерін, озық  тәжірибелерін  көрсете білді. Байқау  «Өзін таныстыру»(презентация),  «Идеялар жәрмеңкесі», «Менің  кәсіби жетістіктерім»,  «Өзін басқа қырынан таныту», педагогика-психологиялық сұрақтарға жауап беру кезеңдері бойынша  сынға түсті. Байқауды  математика пәнінің мұғалімі  Әшім Г. жүргізді. Мектеп директоры  Ж. Қашқын  сайыскерлерге сәттілік жасап,  байқаудың  шымылдығын өзінің ізгі  тілектері арқылы ашып берді.  Байқауға қатысушы сайыскерлер:   Сейдакбар Х. Қабай Г. Тұрлыбек Ж. Өрікбай А. Қаражан Қ. Божбанбай С. Әсембай Г.  Қасымбек И.  инновациялық әдіс –тәсілдерін,шығармашылық ізденістерін, кәсіби жетістіктерін, АКТ –мен жұмыс жасау құзіреттілігін жоғары деңгейде көрсеткенін  осы байқауда аңғардық.  Әсіресе, Божбанбай С  «Менің  кәсіби жетістіктерім» кезеңінде  өзінің  нағыз үздік педагогқа лайық екенін дәлелдесе,  Сейдакбар Х – креативті ұстаз  І орын, Қабай Г. – жаңашыл ұстаз ІІ орын, Қасымбек И -  ізденімпаз  ұстаз ІІІ орын, Тұрлыбек Ж – зерттеуші ұстаз, Әсембай Г. – шығармашыл ұстаз, Өрікбай А. – өнерлі ұстаз, Қаражан Қ. -  тәжірибелі ұстаз номинациясы бойынша марапатталды. «Жүзден- жүйрік, мыңнан – тұлпар» дегендей, ақтық сында биология пәнінің мұғалімі  Божбанбай С. – «Жылдың ең үздік педагогі» номинациясымен марапатталып, Бас жүлдені жеңіп алды. Жеңімпаздарға бірлестік жетекшілері демеушілік жасап бағалы сыйлықтар табыстады.

Б. Кенжебаев жалпы орта мектебі

Директордың бейінді оқыту жөніндегі орынбасары         Ахмет Н.